pehala itihas 18:1-17
18 kuch samay baad daavid ne palishtiyon ko hara diya aur unhein apne adheen kar liya aur unke haath se gat+ aur uske aas-paas ke nagar le liye.+
2 fir usne moab ko hara diya+ aur moabee log daavid ke sevak ban gaye aur use nazrana dene lage.+
3 daavid ne soba ke raja+ hadad-ejer+ ko hamat+ ke paas us vakt hara diya, jab hadad-ejer farat nadi tak ke ilake ko apne adhikar mein karne jaa raha tha.+
4 daavid ne hadad-ejer ke 1,000 rathon, 7,000 ghudsavaaron aur 20,000 paidal sainikon ko pakad liya.+ iske baad daavid ne uske rathon ke 100 ghodon ko chhod baaki sab ghodon ki ghutnas kaat di.+
5 jab damishk ke rehnevale seeriyai log soba ke raja hadad-ejer ki madad karne aaye to daavid ne 22,000 seeriyai logon ko maar daala.+
6 fir daavid ne damishk ke seeriyai logon ke ilake mein sainikon ki chaukiyaan banayin aur woh daavid ke sevak ban gaye aur use nazrana dene lage. daavid jahaan kahin gaya yahova ne use jeet dilayi.*+
7 itna hi nahin, daavid ne hadad-ejer ke sevkon se sone ki golakar dhaalein le lin aur yarooshalem le aaya.
8 daavid, hadad-ejer ke shehar tibhat aur koon se bahot saara taamba bhi le aaya. usi tambe se sulaiman ne tambe ka bada haud,+ tambe ke khambhe aur tambe ki baaki saari cheezen banayin.+
9 jab hamat ke raja tou ne suna ki daavid ne soba ke raja hadad-ejer ki poori sena ko hara diya hai,+
10 to usne fauran apne bete hadoram ko raja daavid ke paas bheja taaki woh daavid ki khairiyat poochhe aur use mubarakbad de ki usne hadad-ejer ko hara diya. (tou ne aisa isliye kiya kyonki hadad-ejer ne kai baar usse yuddh kiya tha.) hadoram apne saath sone, chaandi aur tambe ki cheezen laaya tha.
11 raja daavid ne ye saari cheezen yahova ke liye pavitra thehrayin,+ theek jaise usne doosre raashtron ke yahaan se laaya sona-chaandi pavitra thehraya tha yaani edom aur moab, ammoniyon,+ palishtiyon+ aur amalekiyon+ se laaya sona-chaandi.
12 sarooyah ke bete abeeshai+ ne namak ghaati mein 18,000 edomiyon ko maar giraya.+
13 usne edom mein sainikon ki chaukiyaan banayin aur sabhi edomi log daavid ke sevak ban gaye.+ daavid jahaan kahin gaya, yahova ne use jeet dilayi.*+
14 daavid poore israel par raaj karta tha.+ woh apni saari praja ke liye nyay aur neki karta tha.+
15 sarooyah ka beta yoab daavid ki sena ka senapati tha,+ aheelood ka beta yahoshapat+ shaahi itihaskar tha,
16 aheetoob ka beta saadok aur abiyatar ka beta aheemelek yaajak the aur shabsha raaj-sachiv tha.
17 yahoyada ka beta banayah, kareti+ aur paleti logon ka adhikari tha.+ aur daavid ke bete raja ke baadvale ohde par the.
