pehala itihas 20:1-8
20 saal ki shurooat mein* jab raja yuddh ke liye jaaya karte hain, to aise vakt par yoab+ ne ek sena ko lekar ammoniyon ka desh tabah kar diya aur uske shehar rabbah+ ko gher liya. magar daavid yarooshalem mein hi raha.+ yoab ne rabbah par hamla karke use dhaa diya.+
2 fir daavid ne malkam ke sir se taaj utar liya aur paaya ki taaj ek tode* sone ka tha aur us par keemti ratna jade huye the. woh taaj daavid ke sir par rakha gaya. woh us shehar se khoob saara loot ka maal bhi le aaya.+
3 usne shehar ke logon ko bandi bana liya aur unhein laakaar patthar kaatne mein aur tez dhaarvale lohe ke auzaron aur kulhadon se kaam karne mein laga diya.+ usne ammoniyon ke sabhi shehron ke saath aisa kiya. aakhir mein daavid aur uski saari tukdiyaan yarooshalem laut aayin.
4 iske baad, gejer mein palishtiyon aur israeliyon ke beech yuddh chhid gaya. is yuddh mein hooshai sibbakai+ ne rapai+ ke ek vanshaj sippai ko maar daala aur palishti log israeliyon ke adheen ho gaye.
5 palishtiyon aur israeliyon ke beech ek baar fir ladai chhid gayi. is baar yaair ke bete elhanan ne lahmi ko maar daala, jo gat ke rehnevale goliyat+ ka bhaai tha. lahmi ke bhaale ka danda julahe ke latthe jitna bhaari tha.+
6 gat+ mein ek baar fir yuddh chhida. palishti sena mein ek aadmi tha jo bahot unchi kad-kaathi ka tha.+ uske haathon aur pairon mein chhe:-chhe: ungliyaan thi yaani kul milakar uski 24 ungliyaan thi. woh bhi rapai ka vanshaj tha.+
7 woh israel ko lagatar lalkarta tha.+ isliye yonatan ne, jo daavid ke bhaai shima+ ka beta tha, use maar daala.
8 rapai ke ye vanshaj+ gat+ mein rehte the aur woh daavid aur uske sevkon ke haathon maare gaye.
