pehala raja 17:1-24
17 gilad+ ke tishbe ke rehnevale eliyah*+ ne ahab se kaha, “israel ke parmeshvar yahova ke jeevan ki shapath, jiski main seva karta hoon,* ab se aanevale saalon mein desh mein na os ki boondein gireingi, na baarish hogi! jab tak main na kahoon, tab tak aisa hi rahega.”+
2 fir yahova ka yah sandesh eliyah ke paas pahuncha:
3 “tu yah jagah chhodkar poorab ki taraf chala jaa. tu yardan ke poorab mein kareet ghaati mein jaakaar chhip jaa.
4 tu vahaan nadi ka paani peena aur main kauvon ko tere paas khaana pahunchne ka hukm doonga.”+
5 eliyah fauran vahaan se nikaal pada aur usne vahi kiya jo yahova ne usse kaha tha. woh jaakaar yardan ke poorab mein kareet ghaati mein rehne laga.
6 kauve uske liye har din, subah aur shaam roti aur gosht laaya karte the aur woh nadi ka paani peeta tha.+
7 magar kuch din baad nadi sookh gayi+ kyonki desh mein bilkul baarish nahin hui thi.
8 fir yahova ka yah sandesh eliyah ke paas pahuncha:
9 “ab tu yahaan se nikaalkar seedon ke saarpat nagar jaa aur vahaan reh. vahaan main ek vidhva ko hukm doonga ki woh tujhe khaana diya kare.”+
10 tab eliyah vahaan se saarpat gaya. jab woh nagar ke faatak par pahuncha, to usne dekha ki ek vidhva lakdiyaan been rahi hai. eliyah ne use bulakar kaha, “kya mujhe peene ke liye thoda paani milega?”+
11 jab woh aurat paani lene jaa rahi thi, to eliyah ne usse kaha, “kya tu mere liye ek roti bhi laayegi?”
12 aurat ne kaha, “tere parmeshvar yahova ke jeevan ki shapath, mere paas ek bhi roti nahin hai. bade matke mein bas mutthi-bhar aata aur kuppi mein thoda-saa tel bacha hai.+ main yahaan do-chaar lakdiyaan beenne aayi thi taaki ghar jaakaar apne aur apne bete ke liye khaana bana sakoon, kyonki uske baad to hamein bhookh se marna hi hai.”
13 eliyah ne usse kaha, “tu dar mat, ghar jaa aur jaisa toone kaha hai, vaisa hi kar. magar tere paas jo hai, usse pehale mere liye ek chhoti-si roti banakar laa. iske baad, apne aur apne bete ke liye kuch bana lena
14 kyonki israel ke parmeshvar yahova ne kaha hai, ‘jab tak main yahova zameen par paani na barsaun, us din tak na to tere bade matke ka aata khatm hoga, na kuppi ka tel.’”+
15 tab woh andar gayi aur usne vahi kiya jo eliyah ne usse kaha tha. iske baad woh aurat aur uska parivar aur eliyah bahot dinon tak khaate rahe.+
16 jaise yahova ne eliyah ke zariye vaada kiya tha, na bade matke ka aata khatm hua, na kuppi ka tel.
17 kuch samay baad us aurat ka beta beemar pad gaya jiske ghar eliyah thehra tha. uski tabiyat itni kharab ho gayi ki ek din uski saans ruk gayi.+
18 tab us aurat ne eliyah se kaha, “hey sachche parmeshvar ke sevak, toone mere saath aisa kyon kiya?* kya tu iseeliye mere ghar aaya tha ki mujhe mere paap yaad dilaye aur mere bete ko maar daale?”+
19 eliyah ne aurat se kaha, “apna beta mujhe de.” usne aurat ke haath se uska beta liya aur use uthakar chhat par us kamre mein le gaya, jahaan eliyah rehta tha. usne ladke ko apne bistar par lita diya.+
20 fir usne yahova ko pukarkar kaha, “hey yahova, mere parmeshvar,+ tu is vidhva par bhi kyon museebat le aaya hai, jiske ghar main thehra hoon? toone kyon iske bete ko maar daala?”
21 tab woh bachche ke oopar let gaya. usne aisa teen baar kiya aur yahova se fariyad ki, “hey yahova, mere parmeshvar, is bachche ko dobara zinda kar de.”
22 yahova ne eliyah ki fariyad suni+ aur bachcha zinda ho gaya.+
23 eliyah bachche ko lekar chhat ke kamre se neeche aaya aur use uski maa ko de diya. eliyah ne kaha, “dekh, tera beta zinda ho gaya hai!”+
24 tab aurat ne eliyah se kaha, “ab main jaan gayi hoon ki tu sachmuch parmeshvar ka sevak hai+ aur yahova ka jo vachan tere munh se paayenge hai, woh sach hota hai.”
kai footnote
^ matlab “mera parmeshvar yahova hai.”
^ shaa., “jiske saamne main khada rehta hoon.”
^ ya “mera tujhse kya kaam?”
