pehala shamooel 10:1-27
10 iske baad shamooel ne tel ki kuppi li aur shaaool ke sir par tel undela.+ usne shaaool ko chooma aur usse kaha, “yahova ne beshak tera abhishek karke tujhe apni praja+ ka aguva thehraya hai.+
2 aaj jab tu mere paas se chala jaayega to tujhe binyameen ke ilake ke selsah mein raahel ki kabraa+ ke paas do aadmi mileinge. woh tujhse kaheinge, ‘tu jin gadhiyon ko dhoondhne gaya tha woh mil gayi hain. ab tere pita ko jaanvaron ki chinta to nahin,+ balki teri chinta hone lagi hai. woh keh raha hai, “mera beta ab tak nahin lauta, main kya karoon?”’
3 fir tu vahaan se aage badhkar taabor mein bade ped ke paas jaana. vahaan tujhe teen aadmi mileinge jo sachche parmeshvar ki upasna karne betel+ jaa rahe honge. ek aadmi ke haath mein bakri ke teen bachche honge, doosre ke haath mein teen rotiyaan aur teesre ke haath mein daakh-madira ka ek bada matka hoga.
4 woh teri khairiyat poochheinge aur fir tujhe do rotiyaan deinge aur tu unse lena.
5 iske baad tu sachche parmeshvar ki pahadi par pahunchega, jahaan palishti sainikon ki ek chauki hai. jab tu shehar jaayega to tujhe bhavishyavaktaon ki ek toli milegi jo unchi jagah se neeche aa rahi hogi. woh bhavishyavani kar rahe honge aur unke aage-aage ek taaronvala baaja, dafli, baansuri aur surmandal bajaya jaa raha hoga.
6 tab yahova ki pavitra shakti tujh par kaam karegi+ aur tu bhi un bhavishyavaktaon ke saath bhavishyavani karne lagega aur bilkul ek alag insan nazar aayega.+
7 jab ye saari nishaniyaan poori ho jaayen to tujhe jo munasib lage woh karna kyonki sachcha parmeshvar tere saath hai.
8 fir tu neeche gilgal+ jaana aur tere baad main bhi vahaan aaunga taaki hom-baliyaan aur shaanti-baliyaan chadha sakoon. tu vahaan saat din tak mera intazar karna, fir main aakaar tujhe bataunga ki tujhe kya-kya karna hai.”
9 jaise hi shaaool shamooel ke paas se jaane ke liye muda, parmeshvar shaaool ke man ka swabhav badalne laga jis vajah se woh bilkul alag nazar aane laga. woh saari nishaniyaan usi din poori ho gayin.
10 woh vahaan se pahadi par gaye aur vahaan bhavishyavaktaon ki ek toli usse mili. usi pal parmeshvar ki pavitra shakti shaaool par kaam karne lagi+ aur woh unke saath milkar bhavishyavani karne laga.+
11 jo log shaaool ko pehale se jaante the, unhonne jab use bhavishyavaktaon ke saath bhavishyavani karte dekha to woh ek-doosre se kehne lage, “keesh ke bete shaaool ko kya ho gaya hai? kya woh bhi bhavishyavakta ban gaya?”
12 tab vahaan ke ek aadmi ne kaha, “magar in logon ka pita kaun hai?” isi ghatna se yah kahavat shuroo hui, “kya shaaool bhi bhavishyavakta ban gaya?”+
13 jab shaaool ne bhavishyavani karna khatm kiya to woh unchi jagah par gaya.
14 baad mein shaaool ke pita ke bhaai ne usse aur uske sevak se poochha, “tum donon kahaan gaye the?” shaaool ne kaha, “hum gadhiyon ko dhoondhne gaye the,+ magar woh nahin milin. isliye hum shamooel ke paas gaye.”
15 tab shaaool ke pita ke bhaai ne usse poochha, “kya main jaan sakta hoon ki shamooel ne tumhein kya bataya?”
16 shaaool ne kaha, “usne hamein bataya ki gadhiyaan mil gayi hain.” magar shaaool ne use yah nahin bataya ki shamooel ne use raja thehrane ki baat bhi ki thi.
17 iske baad, shamooel ne israeliyon ko mispa mein yahova ke saamne ikattha hone ke liye kaha.+
18 vahaan usne logon se kaha, “israel ke parmeshvar yahova ne kaha hai, ‘mainne hi israel ko misra se nikaala tha.+ mainne tum logon ko misra ke haath se aur un sabhi raajyon se chhudaya tha jo tum par zulm karte the.
19 magar aaj tumne apne parmeshvar ko thukra diya hai,+ jisne tumhein har aafat aur museebat se bachaya tha. tumne mujhse kaha, “nahin, tujhe hum par raaj karne ke liye ek raja thehrana hi hoga.” isliye ab tum sab apne-apne gotra aur kul ke hisab se yahova ke saamne khade ho jaao.’”
20 fir shamooel ne israel ke sabhi gotron ko aage aane ke liye kaha.+ un sabmein se binyameen gotra chuna gaya.+
21 fir usne binyameen gotra ke sabhi kulon ko aage aane ke liye kaha. unmein se matri ka kul chuna gaya. aakhir mein, us kul mein se keesh ka beta shaaool chuna gaya.+ magar jab woh shaaool ko dhoondhne lage to woh kahin dikhayi nahin diya.
22 tab unhonne yahova se poochha,+ “kya woh aadmi yahaan aaya hai?” yahova ne kaha, “dekho, woh udhaar hai, saaman ke beech chhipa hai.”
23 tab woh daudkar saaman ke paas gaye aur vahaan se use le aaye. jab woh logon ke beech khada hua to woh sabse uncha dikhayi diya, baaki sab uske kandhe tak hi aate the.+
24 shamooel ne sab logon se kaha, “dekho, yahova ne tumhare liye kitna badhiya aadmi chuna hai!+ iske jaisa logon mein aur koi nahin hai.” tab sab log zor-zor se kehne lage, “raja ki jay ho! raja ki jay ho!”
25 shamooel ne logon ko bataya ki ek raja ko unse kya-kya maang karne ka hak hai.+ fir usne ye saari baatein ek kitab mein likhkar use yahova ke saamne rakh diya. tab shamooel ne sab logon ko vida kiya aur woh apne-apne ghar laut gaye.
26 shaaool bhi apne ghar giba laut gaya aur uske saath woh sabhi soorma bhi gaye jinke dilon ko yahova ne udhaara tha.
27 magar kuch nikamme aadmi kehne lage, “yah hamein kya bachayega?”+ unhonne shaaool ko tuchh samjha aur woh uske liye koi tohfa nahin laaye.+ magar shaaool khaamosh raha.*
kai footnote
^ shaa., “woh goonge jaisa ho gaya.”