pehala shamooel 21:1-15
21 kuch samay baad daavid nob+ pahuncha aur aheemelek yaajak ke paas gaya. aheemelek daavid ko vahaan dekhkar dar gaya aur kaanpne laga. usne daavid se poochha, “tu yahaan akela kaise? kya tere saath aur koi nahin hai?”+
2 daavid ne aheemelek se kaha, “raja ne mujhe ek kaam dekar bheja hai aur yah aadesh diya hai, ‘main tujhe jis kaam ke liye bhej raha hoon aur mainne tujhe jo hidaytein di hain, unke baare mein kisi ko kuch mat batana.’ mainne apne aadmiyon ko bataya hai ki woh mujhe falaan jagah par milein.
3 agar tere paas paanch rotiyaan hon to mujhe de. rotiyaan nahin hain to khaane ke liye jo bhi ho, mujhe de de.”
4 yaajak ne kaha, “mere paas sirf pavitra roti hai, doosri roti nahin hai. main tujhe pavitra roti+ de sakta hoon, basharte tere javan aurton se door rahe hon.”*+
5 daavid ne kaha, “haan, hum aurton se door rahe hain. jab bhi javan yuddh ke liye jaate hain to apne shareer ko shuddh rakhte hain.+ aur aaj to hum khaas kaam par nikle hain, isliye hamne khud ko shuddh rakhne ka aur bhi dhyan rakha hai.”
6 tab yaajak ne daavid ko pavitra roti de di+ kyonki uske paas nazrane ki roti ke alava doosri roti nahin thi. yah roti usi din yahova ke saamne se nikaali gayi thi aur uski jagah taazee roti rakhi gayi thi.
7 us din shaaool ka ek sevak bhi vahaan maujood tha, jise yahova ke saamne rok liya gaya tha. uska naam doeg tha.+ woh edomi+ tha aur shaaool ke charvahon ka mukhiya tha.
8 iske baad daavid ne aheemelek se kaha, “kya tere paas koi bhaala ya talvar hai? main apne saath koi talvar ya hathiyar nahin laa paaya kyonki mujhe raja ke kaam se jaldi nikaalna tha.”
9 tab yaajak ne kaha, “yahaan sirf ek hi hathiyar hai, us palishti goliyat ki talvar+ jise toone elah ghaati mein maar daala tha.+ woh ek kapde mein lapeti hui epod ke peechhe rakhi hai.+ tu chahe to woh talvar le jaa sakta hai.” daavid ne kaha, “usse badhiya hathiyar aur kya ho sakta hai. laa mujhe de de.”
10 us din daavid vahaan se nikaalkar chala gaya. shaaool se bhaagte-bhaagte+ woh gat ke raja aakeesh+ ke yahaan pahuncha.
11 aakeesh ke sevkon ne apne raja se kaha, “kya yah aadmi us desh ka raja daavid nahin? kya yah vahi aadmi nahin jiske baare mein logon ne naachte huye yah geet gaaya tha,
‘shaaool ne maara hazaron ko,daavid ne maara laakhon ko’?”+
12 daavid ne unki baaton par dhyan diya aur gat ke raja aakeesh se bahot dar gaya.+
13 isliye woh unke saamne* paagal hone ka dhong karne laga.+ woh faatak ke pallon par lakeerein khinchne laga aur usne apni laar daadhi par behene di.
14 aakhir mein aakeesh ne apne sevkon se kaha, “yah aadmi to paagal hai! ise kyon laaye ho mere paas?
15 kya mere yahaan paagalon ki kami hai jo tum ek aur le aaye? kya main ise apne ghar mein rakhoon?”
