pehala shamooel 27:1-12
-
daavid ko siklag diya gaya (1-12)
27 lekin daavid ne man mein socha, “main ek din zaroor shaaool ke haathon maara jaaunga. isliye achha hoga ki main palishtiyon ke desh bhaag jaaun.+ tab shaaool mujhe israel desh mein dhoondhna band kar dega+ aur main uske haath mein padne se bach jaaunga.”
2 isliye daavid apne 600 aadmiyon+ ko lekar gat ke raja aakeesh+ ke paas chala gaya jo maaok ka beta tha.
3 woh aakeesh ke yahaan gat mein rehne laga. daavid ke saath uske sabhi aadmi aur unke parivar bhi vahaan rehne lage. daavid ke saath uski donon patniyaan bhi gayin, yijrel ki rehnevali aheenoam+ aur karmel ki rehnevali abeegail,+ jo naabal ki vidhva thi.
4 jab shaaool ko khabar mili ki daavid gat bhaag gaya hai to usne daavid ko dhoondhna chhod diya.+
5 fir daavid ne aakeesh se kaha, “agar teri kripa mujh par ho to mujhe rehne ke liye dehat ke kisi shehar mein jagah de de. tera yah daas tere saath raajaon ke shehar mein kaise reh sakta hai?”
6 aakeesh ne usi din use siklag+ shehar de diya. iseeliye aaj tak siklag yahooda ke raajaon ke adhikar mein hai.
7 daavid palishtiyon ke dehati ilake mein ek saal aur chaar maheene raha.+
8 woh apne aadmiyon ke saath oopar gashooriyon,+ girjiyon aur amalekiyon+ par chadhai karne jaata aur unhein loot leta tha. un logon ka ilaka telam se lekar shoor+ tak aur neeche misra desh tak faila hua tha.
9 jab bhi daavid un ilakon par hamla karta to vahaan ke aadmi ya aurat, kisi ko bhi zinda nahin chhodta tha.+ magar woh vahaan se bhed-bakriyaan, gaay-bail, gadhe, unt aur kapde utha leta aur aakeesh ke paas laut aata tha.
10 jab aakeesh usse poochhta ki “aaj toone kaun-si jagah looti?” to daavid kabhi kehta, “yahooda ka dakshini ilaka”*+ to kabhi “yarhameliyon+ ka dakshini ilaka” to kabhi kehta, “keniyon+ ka dakshini ilaka.”
11 daavid jab kisi jagah ko lootta to vahaan ke ek bhi aadmi ya aurat ko zinda nahin chhodta tha taaki use gat na laana pade kyonki woh sochta tha, “kahin aisa na ho ki woh gat ke logon ko hamare baare mein bata dein ki daavid ne aisa-aisa kiya hai.” (daavid jitne samay tak palishtiyon ke dehat mein tha woh aisa hi karta tha.)
12 iseeliye aakeesh ne yah sochkar daavid par bharosa kiya ki iske apne israeli log zaroor isse nafrat karte honge, isliye ab yah hamesha ke liye mera sevak bana rahega.
kai footnote
^ ya “negeb.”
