pehala shamooel 3:1-21
-
shamooel bhavishyavakta thehraya gaya (1-21)
3 un dinon woh ladka shamooel eli ki nigrani mein yahova ki seva karta tha+ aur yahova ka vachan bahot kam sunnae ko milta tha. uski taraf se darshan bhi kam milte the.+
2 eli itna boodha ho chuka tha ki uski nazar dhundhli pad gayi thi. use kuch dikhayi nahin deta tha.+ ek din woh apne kamre mein so raha tha.
3 parmeshvar ki deevat+ ab bhi jal rahi thi aur shamooel yahova ke mandir*+ mein vahaan so raha tha jahaan parmeshvar ka sandook tha.
4 tabhi yahova ne shamooel ko aavaz di. shamooel ne kaha, “abhi aaya.”
5 woh daudkar eli ke paas gaya aur usse kaha, “toone mujhe bulaya?” magar usne kaha, “nahin, mainne tujhe nahin bulaya. jaa, jaakaar so jaa.” woh vaapas jaakaar so gaya.
6 yahova ne ek baar fir use bulaya, “shamooel!” is par shamooel uthkar eli ke paas gaya aur usse kaha, “toone mujhe bulaya?” magar usne kaha, “nahin bete, mainne tujhe nahin bulaya. jaa, jaakaar so jaa.”
7 (ab tak shamooel ne yahova ko poori tarah nahin jaana tha aur yahova ne use apna sandesh dena shuroo nahin kiya tha.)+
8 fir yahova ne teesri baar use bulaya, “shamooel!” woh fir se uthkar eli ke paas gaya aur usse kaha, “toone mujhe bulaya?”
tab eli ko ehsas hua ki ladke ko pukarnevala yahova hai.
9 eli ne shamooel se kaha, “jaakaar so jaa. is baar agar tujhe woh aavaz sunayi de to kehna, ‘hey yahova, bol. tera sevak sun raha hai.’” tab shamooel apni jagah jaakaar so gaya.
10 yahova fir se vahaan aaya aur khada hua. usne pehale ki tarah shamooel ko bulaya, “shamooel, shamooel!” tab shamooel ne kaha, “hey parmeshvar, bol. tera sevak sun raha hai.”
11 yahova ne shamooel se kaha, “dekh, main israel mein aisa kaam karne jaa raha hoon ki uske baare mein sunnaevalon ke kaan jhanjhana utheinge.+
12 mainne eli aur uske gharane ke baare mein jo-jo kaha hai woh sab main us din poora karoonga, shuroo se lekar aakhir tak sab poora karoonga.+
13 tujhe eli ko batana hoga ki main uske gharane ko aisi saza denevala hoon jiska anjam unhein hamesha bhugatna padega kyonki woh jaanta hai+ ki uske bete parmeshvar ki ninda kar rahe hain,+ fir bhi usne unhein nahin fatkaara.+
14 isliye main shapath khaakaar kehta hoon ki eli ke gharane ne jo paap kiya hai, uska prayashchit balidanon ya chadhavon se kabhi nahin ho sakta.”+
15 fir shamooel let gaya aur subah hone par utha aur usne yahova ke bhavan ke darvaze khole. woh darshan ki baat eli ko batane se dar raha tha.
16 magar eli ne use bulaya, “beta shamooel.” shamooel ne kaha, “haan, maalik.”
17 eli ne usse poochha, “parmeshvar ne tujhe kya sandesh diya? dekh beta, mujhse kuch mat chhipana. parmeshvar ne tujhe jo bataya hai usmein se agar toone ek bhi baat chhipayi to woh tujhe kadi-se-kadi saza de.”
18 tab shamooel ne eli ko saari baat batayi, kuch nahin chhipaya. eli ne kaha, “yah baat yahova ne kahi hai. use jo sahi lage woh kare.”
19 shamooel bada hota gaya aur yahova uska saath deta raha+ aur usne har woh baat poori ki jo usne kahi thi.*
20 daan se bersheba tak poora israel jaan gaya ki yahova ne shamooel ko apna bhavishyavakta chuna hai.
21 yahova sheelo mein shamooel par khud ko prakat karta raha. is tarah yahova ne sheelo mein khud ko prakat kiya. yahova apne vachan ke zariye aisa karta tha.+