doosra itihas 17:1-19
17 aasa ki jagah uska beta yahoshapat+ raja bana aur woh israel mein taakatvar hota gaya.
2 usne yahooda ke sabhi kileband shehron mein sena ki tukdiyaan tainat kin aur yahooda desh mein aur epraim ke un shehron mein sainikon ki chaukiyaan banayin jin par uske pita aasa ne kabza kiya tha.+
3 yahova yahoshapat ke saath raha kyonki woh un raahon par chala jin par uska purkha daavid guzre vakt mein chala tha+ aur woh baal devtaon ki taraf nahin fira.
4 yahoshapat ne apne pita ke parmeshvar ki khoj ki+ aur uski aagyayen maanin* aur israel ke taur-tareeke nahin apnaye.+
5 yahova uska raaj mazboot karta raha+ aur yahooda ke sabhi log yahoshapat ko tohfe diya karte the. usne khoob daulat aur shohrat haasil ki.+
6 usne yahova ki raahon par chalne ke liye himmat se kaam liya, yahaan tak ki yahooda se unchi jagah aur pooja-laathein* nikaal di.+
7 apne raaj ke teesre saal usne in haakimon ko bulvaya: ben-hail, obadyah, jakaryah, natnel aur meekayah. usne apne in haakimon ko yahooda ke shehron mein sikhane bheja.
8 unke saath ye levi bhi the: shamayah, natanyah, jabadyah, asahel, shameeramot, yahonatan, adoniyah, tobiyah aur tob-adoniyah. saath hi, yaajak eleeshama aur yaajak yahoram bhi the.+
9 woh yahova ke kaanoon ki kitab apne saath liye huye yahooda mein sikhane lage.+ unhonne sabhi shehron mein ghoom-ghoomkar logon ko sikhaya.
10 yahooda ke aas-paas ke sabhi raajyon mein yahova ka khauf chhaa gaya aur unhonne yahoshapat se ladai nahin ki.
11 palishti log yahoshapat ko nazrane mein tohfe aur paise diya karte the. arbi logon ne apne jaanvaron ke jhund mein se 7,700 medhe aur 7,700 bakre laakaar use diye.
12 yahoshapat dinon-din taakatvar hota gaya+ aur woh yahooda mein kile aur godamvale shehar banata gaya.+
13 usne yahooda ke shehron mein bade-bade kaam karvaye aur yarooshalem mein uske veer yoddha the.
14 unhein apne-apne pita ke gharane ke mutabik in dalon mein baanta gaya tha: yahooda gotra mein hazaron ke pradhan ye the, senapati adnah aur uske saath 3,00,000 veer yoddha.+
15 uski kaman ke neeche senapati yahohanan tha aur uske saath 2,80,000 sainik the.
16 adnah ki kaman ke neeche jikri ka beta amasyah bhi tha, jo yahova ki seva ke liye khud aage aaya tha aur uske saath 2,00,000 veer yoddha the.
17 binyameen gotra+ mein se elyada ek veer yoddha tha aur uske saath 2,00,000 sainik the jo teer-kaman aur dhaalon se lais the.+
18 elyada ki kaman ke neeche yahojabad tha aur uske saath 1,80,000 hathiyarband sainik the.
19 woh raja ki seva karte the. unke alava raja ke aur bhi sainik the jinhein usne poore yahooda ke kileband shehron mein tainat kiya tha.+
