doosra itihas 2:1-18
-
mandir banane ki taiyariyaan (1-18)
2 sulaiman ne yahova ke naam ki mahima ke liye ek bhavan+ aur ek raajmahal banane ka aadesh diya.+
2 sulaiman ne 70,000 aam mazdooron* aur pahadon par patthar kaatnevale 80,000 mazdooron ko kaam par lagaya+ aur unki nigrani karne ke liye 3,600 aadmiyon ko thehraya.+
3 iske alava, sulaiman ne sor ke raja heeram+ ke paas yah sandesh bheja: “jaise toone mere pita daavid ko mahal banane ke liye devdar ki lakdi bheji thi, usi tarah mere liye bhi bhej.+
4 main apne parmeshvar yahova ke naam ki mahima ke liye ek bhavan banane jaa raha hoon taaki bhavan ko uske liye pavitra kiya jaaye, uske saamne sugandhit dhoop jalaya jaaye,+ usmein lagatar rotiyon ka dher* rakha jaaye+ aur subah-shaam,+ sabt ke maukon par,+ naye chaand ke maukon par+ aur hamare parmeshvar yahova ke liye manaye jaanevale saal ke alag-alag tyoharon par+ hom-baliyaan chadhayi jaayen. israel ko yah farz sada ke liye nibhana hai.
5 main jo bhavan banane jaa raha hoon woh bahot aaleeshan hoga kyonki hamara parmeshvar sabhi devtaon se kahin mahan hai.
6 magar dekha jaaye to uske liye bhavan banana kisi ke bas ki baat nahin hai kyonki woh to aakash mein, haan vishal aakash mein bhi nahin sama sakta.+ main bhi uske liye bhavan nahin bana sakta, main bas ek aisi jagah bana sakta hoon jahaan uske saamne balidan chadhaya jaaye taaki dhuaan uthe.
7 ab tu mere paas ek aisa kaareegar bhej jo sone, chaandi, tambe,+ lohe, bainjni oon, gehre laal rang ke dhaage aur neele dhaage ke kaam mein hunarmand ho aur nakkashi karna jaanta ho. woh yahooda mein aur yarooshalem mein rehkar mere un kushal kaareegaron ke saath kaam karega, jinka intazam mere pita daavid ne kiya hai.+
8 tu mujhe labanon se devdar, sanovar+ aur laal-chandan ki lakdi bhi bhej,+ kyonki main jaanta hoon ki tere sevkon ko labanon mein ped kaatne ka kaafi tajurba hai.+ mere sevak tere sevkon ke saath milkar kaam kareinge.+
9 woh mere liye bhaari taadad mein lakdi taiyar kareinge kyonki main ek aisa bhavan banane jaa raha hoon jo bilkul anokha aur bejod hoga.
10 dekh, main ped kaatnevale tere sevkon ke liye khaana muhaiya karaunga.+ main unke liye 20,000 kor* gehoon, 20,000 kor jau, 20,000 bat* daakh-madira aur 20,000 bat tel doonga.”
11 javab mein sor ke raja heeram ne sulaiman ko yah sandesh likhkar bheja: “yahova apne logon se pyar karta hai isliye usne tujhe unka raja banaya hai.”
12 heeram ne yah bhi kaha, “israel ke parmeshvar yahova ki badai ho, jisne aakash aur dharti banayi kyonki usne raja daavid ko ek buddhiman beta diya hai,+ soojh-boojh se kaam lenevala aur samajhdar beta,+ jo yahova ke liye ek bhavan aur apne liye ek raajmahal banayega.
13 main tere paas hooram-abee naam ke ek samajhdar aur kushal kaareegar ko bhej raha hoon+
14 jiski maa daan gotra ki hai aur pita sor ka tha. use sone, chaandi, tambe, lohe, patthar, lakdi, bainjni oon, gehre laal rang ke dhaage aur neele dhaage aur behtareen kapdon ke kaam ka tajurba hai.+ woh har tarah ki nakkashi aur har tarah ki kaareegari kar sakta hai.+ woh tere kushal kaareegaron ke saath aur mere maalik yaani tere pita daavid ke kushal kaareegaron ke saath milkar kaam karega.
15 mere maalik, tu apne vaade ke mutabik apne sevkon ko gehoon, jau, tel aur daakh-madira bhej.+
16 tujhe jitni lakdi chahiye, utni hum labanon se kaateinge+ aur shahteeron ke bede banvakar samundar ke raaste yaafa le aayenge.+ fir tu vahaan se unhein yarooshalem le jaana.”+
17 fir sulaiman ne un sabhi aadmiyon ki ginti li jo israel desh mein pardesi the+ aur paaya ki woh 1,53,600 the. sulaiman ne yah ginti daavid ke ginti lene ke baad li thi.+
18 tab sulaiman ne un pardesiyon mein se 70,000 ko aam mazdoori* ke kaam par aur 80,000 ko pahadon par patthar kaatne ke kaam par lagaya+ aur unki nigrani karne ke liye 3,600 aadmiyon ko thehraya taaki woh in mazdooron se kaam karayen.+
