doosra itihas 33:1-25
33 manashshe+ jab raja bana tab woh 12 saal ka tha aur usne yarooshalem mein rehkar 55 saal raaj kiya.+
2 manashshe ne yahova ki nazar mein bure kaam kiye. usne un raashtron ke jaise ghinaune kaam kiye jinhein yahova ne israel ke logon ke saamne se khaded diya tha.+
3 usne woh unchi jagah fir se banva di jo uske pita hijkiyah ne dhaa di thi.+ usne baal devtaon ke liye vediyaan khadi karvayin aur pooja-laathein* banvayin. woh aakash ki saari sena ke aage dandvat karta tha aur uski pooja karta tha.+
4 usne yahova ke us bhavan mein bhi vediyaan khadi kar di+ jiske baare mein yahova ne kaha tha, “yarooshalem se mera naam hamesha juda rahega.”+
5 usne yahova ke bhavan ke donon aanganon+ mein aakash ki saari sena ke liye vediyaan khadi kin.
6 usne ‘hinnom ke vanshajon ki ghaati’+ mein apne beton ko aag mein hom kar diya.+ woh jaadoo karta tha,+ jyotishi ka kaam karta tha, tona-totka karta tha aur usne desh mein mare huon se sampark karne ka daava karnevalon aur bhavishya batanevalon ko thehraya tha.+ usne aise kaam karne mein saari hadein paar kar di jo yahova ki nazar mein bure the aur uska krodh bhadkaya.
7 usne jo moorat tarashkar banvayi thi use le jaakaar sachche parmeshvar ke bhavan mein rakh diya,+ jiske baare mein parmeshvar ne daavid aur uske bete sulaiman se kaha tha, “is bhavan aur yarooshalem ke saath mera naam hamesha juda rahega, jinhein mainne israel ke sabhi gotron ke ilake mein se chuna hai.+
8 main israeliyon ko is desh se fir kabhi nahin nikaaloonga jo mainne unke purkhon ko diya tha, basharte woh meri sab aagyaon ko sakhti se maanein, us poore kaanoon ko, saare niyamon aur nyay-siddhaanton ko maanein jo mainne moosa ke zariye diye the.”
9 manashshe yahooda aur yarooshalem ke logon ko sahi raah se door le jaata raha aur un raashtron se bhi badhkar dusht kaam karvata raha, jinhein yahova ne israeliyon ke saamne se mita diya tha.+
10 yahova manashshe aur uski praja se baat karta raha, magar unhonne bilkul dhyan nahin diya.+
11 isliye yahova ne ashshoor ke raja ke senapatiyon se un par hamla karvaya. unhonne manashshe ko pakad liya, use nakel daali* aur tambe ki do bediyon se jakadkar baibilon le gaye.
12 apni dukh ki ghadi mein usne apne parmeshvar yahova se reham ki bheekh maangi aur apne purkhon ke parmeshvar ke saamne khud ko bahot namra kiya.
13 woh parmeshvar se prarthna karta raha. parmeshvar ko uska gidgidana dekhkar us par taras aaya aur usne uski binti sunkar us par reham kiya. parmeshvar ne use yarooshalem vaapas laakaar uska raaj lauta diya.+ tab manashshe ne jaana ki yahova hi sachcha parmeshvar hai.+
14 iske baad usne daavidpur ke liye ghaati ke geehon+ ke pashchim mein ek baahri deevar khadi ki.+ yah deevar bahot unchi thi. usne yah deevar door machhli faatak+ tak banayi. vahaan se yah deevar shehar ko gherte huye opel+ tak pahunchi. aur usne yahooda ke sabhi kileband shehron mein senapati thehraye.
15 usne paraye devtaon ki moortein, yahova ke bhavan mein rakhi moorat+ aur woh sabhi vediyaan nikaal di jo usne yahova ke bhavan ke pahad par aur yarooshalem mein banvayi thi.+ usne ye saari cheezen shehar ke baahar finkva di.
16 fir usne yahova ki vedi taiyar ki+ aur us par shaanti-baliyaan aur dhanyavad-baliyaan chadhane laga.+ usne yahooda ke logon se kaha ki woh israel ke parmeshvar yahova ki seva karein.
17 log ab bhi unchi jagahon par balidan chadhate rahe magar woh sirf apne parmeshvar yahova ke liye aisa karte the.
18 manashshe ki zindagi ki baaki kahani, usne apne parmeshvar se jo prarthna ki aur darshiyon ne israel ke parmeshvar yahova ke naam se usse jo baatein kahin, woh sab israel ke raajaon ke itihas ki kitab mein likha hai.
19 aur usne jo prarthna ki+ aur parmeshvar ne jis tarah uski binti suni aur usne khud ko namra karne se pehale kya-kya paap kiye, kaise vishvasghat kiya+ aur kahaan-kahaan unchi jagah banayin, pooja-laathein khadi kin+ aur khudi hui moortein rakhin, un sabke baare mein darshiyon ke lekhanon mein likha hai.
20 fir manashshe ki maut ho gayi* aur use usi ke ghar ke paas dafnaya gaya. uski jagah uska beta aamon raja bana.+
21 jab aamon+ raja bana tab woh 22 saal ka tha aur usne yarooshalem se yahooda par do saal raaj kiya.+
22 woh apne pita manashshe ki tarah yahova ki nazar mein bure kaam karta raha.+ aamon ne un sabhi khudi hui moorton ke aage balidan chadhaye, jo uske pita manashshe ne banvayi thi+ aur woh unki seva karta raha.
23 magar usne yahova ke saamne khud ko namra nahin kiya,+ jaise uske pita manashshe ne khud ko namra kiya tha.+ iske bajay, aamon ne aur bhi badh-chadhkar paap kiya.
24 baad mein uske sevkon ne uske khilaf saazish rachi+ aur usi ke mahal mein uska katla kar diya.
25 magar desh ke logon ne un sabko maar daala jinhonne raja aamon ke khilaf saazish ki thi.+ fir unhonne aamon ki jagah uske bete yoshiyah+ ko raja banaya.
