doosra shamooel 1:1-27
1 shaaool ki maut ho chuki thi aur daavid amalekiyon ko harakar* siklag+ laut aaya tha. use siklag mein rehte do din ho gaye the aur
2 teesre din shaaool ki chhaavni se ek aadmi apne kapde faade huye aur sir par dhool daale siklag aaya. jab woh daavid ke paas pahuncha to usne munh ke bal zameen par girkar pranam kiya.
3 daavid ne usse poochha, “tu kahaan se aaya hai?” usne kaha, “main israel ki chhaavni se bhaagkar aaya hoon.”
4 daavid ne poochha, “yuddh mein kya hua, mujhe bata.” usne kaha, “israeli yuddh se bhaag gaye hain aur bahot-se israeli sainik maare gaye hain. shaaool aur uske bete yonatan ki bhi maut ho gayi hai.”+
5 tab daavid ne khabar laanevale us javan se poochha, “tujhe kaise maaloom ki shaaool aur uska beta yonatan mar gaye hain?”
6 us javan ne kaha, “ittafak se main us vakt gilbo pahad par tha+ aur mainne dekha ki shaaool bhaala teke khada hai aur dushmanon ke rath aur ghudsavar tezee se uski or badh rahe hain.+
7 jab shaaool ne mudkar mujhe dekha to usne mujhe bulaya aur mainne kaha, ‘haan, maalik!’
8 usne mujhse poochha, ‘tu kaun hai?’ mainne kaha, ‘main ek amaleki+ hoon.’
9 usne kaha, ‘mere paas aa aur mujhe maar daal, teri badi meharbani hogi. main dard se tadap raha hoon aur meri jaan bhi nahin nikaal rahi hai.’
10 tab mainne paas jaakaar use maar daala+ kyonki main jaanta tha ki woh itni buri tarah ghaayal ho chuka tha ki uska bachna naamumkin tha. fir mainne uske sir se taaj aur haath se baazooband nikaal liya aur ye sab tere paas laaya hoon maalik.”
11 yah sunte hi daavid ne maare dukh ke apne kapde faade aur uske sabhi aadmiyon ne bhi vaisa hi kiya.
12 woh shaaool aur uske bete yonatan ke liye aur yahova ke logon aur israel ke gharane+ ke liye shaam tak rote-bilkhate rahe aur unhonne upvas kiya+ kyonki woh sab talvar se maare gaye the.
13 daavid ne khabar laanevale us javan se poochha, “tu kahaan ka rehnevala hai?” usne kaha, “main israel mein rehnevale ek pardesi amaleki ka beta hoon.”
14 daavid ne usse kaha, “yahova ke abhishikt jan par haath uthane ki teri himmat kaise hui?”+
15 fir daavid ne apne ek aadmi ko bulaya aur usse kaha, “aage badh aur maar daal ise.” usne aage badhkar us javan ko maar daala.+
16 daavid ne us javan se kaha, “tere khoon ka dosh tere hi sir pade kyonki toone apne munh se yah kehkar khud ko doshi thehraya, ‘yahova ke abhishikt jan ko mainne hi maara hai.’”+
17 iske baad daavid ne shaaool aur uske bete yonatan ke liye ek shokgeet gaaya.+
18 daavid ne kaha ki yahooda ke logon ko yah shokgeet sikhaya jaaye jo “dhanush” kehlata hai aur yaashar ki kitab+ mein likha hai:
19 “hey israel, tera gaurav teri unchi jagahon par ghaat pada hai.+
haay! tere veer kaise gir pade hain!
20 yah khabar gat mein mat sunana,+ashkalon ki galiyon mein iska ailan mat karna,varna palishtiyon ki betiyaan khushiyaan manaayengi,varna khatnarahit logon ki betiyaan jashna manaayengi.
21 gilbo ke pahado,+tum par na os pade, na baarish gire,na tumhare khet pavitra bheint ke liye koi upaj dein,+kyonki tumhare yahaan shoorveeron ki dhaal dooshit ho gayi,ab shaaool ki dhaal tel se nahin chamkayi jaati.
22 dushmanon ka khoon bahaye bina, soormaon ki charbi bhede binana yonatan ki kaman kabhi lautti thi,+na shaaool ki talvar kabhi lautti thi.+
23 shaaool aur yonatan+ saari zindagi sabke chahete* aur pyare the,maut ke vakt bhi woh ek-doosre se juda nahin huye.+
woh ukabon se zyada furteele+aur sheron se zyada taakatvar the.+
24 israel ki betiyon, shaaool ke liye ro-o,jisne tumhein surkh laal, shaandar kapde pehnayeaur tumhein sone ke gehnon se sajaya.
25 haay! tere veer kaise yuddh mein maare gaye hain!
yonatan teri unchi jagahon par ghaat pada hai!+
26 mere bhaai yonatan, tujhe khone ke gam se main bahot dukhi hoon,tu mera kitna azeez tha!+
mere liye tera pyar aurton ke pyar se kahin badhkar tha.+
27 haay! veer kaise gir pade hain,yuddh ke hathiyar kaise mit gaye hain!”
