doosra shamooel 22:1-51
22 yah geet daavid ne yahova ke liye tab gaaya+ jab yahova ne use sabhi dushmanon se aur shaaool ke haath se chhudaya.+
2 daavid ne kaha,
“yahova mere liye badi chattan aur mazboot gadh hai,+ vahi mera chhudanevala hai.+
3 mera parmeshvar meri chattan hai+ jiski main panah leta hoon,woh meri dhaal+ aur mera uddhaar* ka sing* hai, mera uncha gadh hai,+woh mere liye aisi jagah hai jahaan main bhaagkar jaa sakta hoon,+ woh mera uddharkarta hai.+tu hi mujhe zulm se bachata hai.
4 main yahova ko pukarta hoon jo taareef ke kaabil haiaur mujhe dushmanon se bachaya jaayega.
5 maut ki lehron ne mujhe chaaron taraf se aa ghera,+nikamme aadmiyon ne achanak aanevali baadh ki tarah mujhe dara diya.+
6 kabraa ke rasson ne mujhe gher liya,+mere saamne maut ke fande bichhaye gaye.+
7 museebat mein mainne yahova ko pukara,+apne parmeshvar ko main pukarta raha.
tab apne mandir se usne meri suni,meri madad ki pukar uske kaanon tak pahunchi.+
8 dharti kaanpne lagi, buri tarah dolne lagi,+aakash ki ninv hil gayi,+usmein bhayanak halchal hui kyonki uska krodh bhadak utha tha.+
9 uske nathnon se dhuaan uthne laga,munh se bhasm karnevali aag nikalane lagi,+uske paas se dahakte angare barasne lage.
10 neeche utarte vakt usne aasman jhuka diya,+kaali ghatayen uske pairon tale aa gayin.+
11 woh ek karoob par savaar hokar+ udta hua aaya.
woh ek swargdoot*+ ke pankhon par dikhayi diya.
12 fir usne kaali ghanghor ghataon ko,unke andhkar ko apna mandap banaya.+
13 uske saamne aisa tej tha ki dhadhakte angare nikaal rahe the.
14 fir swarg se yahova garajne laga,+param-pradhan ne apni buland aavaz sunayi.+
15 usne teer chalakar+ unhein titar-bitar kar diya,bijli chamkakar unmein khalbli macha di.+
16 jab yahova ne daant lagayi aur uske nathnon se funkar nikli,+to samundar ka tal nazar aane laga,+dharti ki buniyad tak dikhne lagi.
17 usne oopar se haath badhakar mujhe thaam liya,gehre paani se khinchkar baahar nikaal liya.+
18 usne mujhe taakatvar dushman se chhudaya,+un logon se jo mujhse nafrat karte the, mujhse zyada taakatvar the.
19 woh meri museebat ke din mujh par toot pade,+lekin yahova mera sahara tha.
20 woh mujhe nikaalkar ek mehfooz* jagah le aaya,+usne mujhe dushmanon se chhudaya kyonki woh mujhse khush tha.+
21 yahova meri neki ke mutabik mujhe fal deta hai,+meri begunahi* ke mutabik inam deta hai.+
22 kyonki main hamesha yahova ki raahon par chalta raha,mainne apne parmeshvar se door jaane ki dushtata nahin ki.
23 uske sabhi nyay-siddhaant+ mere saamne hain,main kabhi uski vidhiyon se hatkar door nahin jaaunga.+
24 main uski nazron mein nirdosh bana rahoonga,+main hamesha khud ko burai se door rakhoonga.+
25 yahova meri neki ke mutabik mujhe fal de,+meri begunahi ke mutabik inam de jo usne apni aankhon se dekhi hai.+
26 jo vafadar rehta hai uske saath tu vafadari nibhata hai+jo seedha hai uske saath tu seedhai se pesh aata hai,+
27 jo khud ko shuddh banaye rakhta hai use tu dikhayega ki tu shuddh hai,+magar jo tedhi chaal chalta hai uske saath tu hoshiyari* se kaam leta hai.+
28 tu namra logon ko bachata hai,+lekin magrooron se tu apni aankhein fer leta hai, unhein neeche girata hai.+
29 hey yahova, tu mera deepak hai,+yahova hi mere andhere ko ujala karta hai.+
30 teri madad se main lutere-dal ka mukabla kar sakta hoon,parmeshvar ki taakat se main deevar laangh sakta hoon.+
31 sachche parmeshvar ka kaam khara* hai,+yahova ka vachan poori tarah shuddh hai.+
woh uski panah lenevalon ke liye ek dhaal hai.+
32 yahova ko chhod aur kaun parmeshvar hai?+
hamare parmeshvar ke siva aur kaun chattan hai?+
33 sachcha parmeshvar mera mazboot kila hai,+woh mere liye seedhi* raah nikaalega.+
34 woh mere pairon ko hiran ke pairon jaisa banata hai,mujhe unchi-unchi jagahon par khada karta hai.+
35 woh mere haathon ko yuddh ka kaushal sikhata hai,mere baazoo tambe ki kaman mod sakte hain.
36 tu mujhe apni uddhaar ki dhaal deta hai,teri namrata mujhe uncha uthati hai.+
37 tu mere kadmon ke liye raasta chauda karta hai,mere pair* nahin fisleinge.+
38 main apne dushmanon ka peechha karoonga aur unhein naash kar doonga,main unhein mitakar hi lautoonga.
39 main unhein mita doonga, unhein kuchal doonga taaki woh uth na sakein,+woh mere pairon tale gir jaayenge.
40 tu mujhe taakat dekar yuddh ke kaabil banayega,+mere dushmanon ko mere kadmon ke neeche kar dega.+
41 tu mere dushmanon ko mujhse door bhaagne par majboor karega,*+mujhse nafrat karnevalon ka main ant kar doonga.+
42 woh madad ke liye pukarte hain, magar unhein bachanevala koi nahin,woh yahova ko bhi pukarte hain, magar woh unhein javab nahin deta.+
43 main unhein kootkar zameen ki dhool bana doonga,unhein choor-choor kar doonga aur raundkar galiyon ka keechad bana doonga.
44 tu mujhe mere apne logon ke virodh se bhi bachayega,+
tu meri hifazat karega taaki main raashtron ka mukhiya banoon,+jin logon ko main jaanta tak nahin woh meri seva kareinge.+
45 pardesi darte-kaanpte mere saamne aayenge,+woh mere baare mein jo sunte hain, woh unhein udhaarega ki meri aagya maanein.
46 pardesi himmat haar jaayenge,*apne kilon se thartharate huye baahar nikleinge.
47 yahova jeevit parmeshvar hai! meri chattan ki taareef ho!+
parmeshvar jo mere uddhaar ki chattan hai, uski badai ho!+
48 sachcha parmeshvar meri taraf se badla leta hai,+desh-desh ke logon ko mere adheen kar deta hai,+
49 woh mujhe dushmanon se chhudata hai.
tu mujhe mere hamlavaron se uncha uthata hai,+mujhe zulmi ke haath se bachata hai.+
50 iseeliye hey yahova, main raashtron ke beech tera shukriya ada karoonga,+tere naam ki taareef mein geet gaaunga:*+
51 parmeshvar shaandar tareeke se apne raja ka uddhaar karta hai,*+woh apne abhishikt jan se,daavid aur uske vansh se sada pyar* karta hai.”+
kai footnote
^ ya “mere taakatvar uddharkarta.”
^ ya “hava.”
^ ya “khuli.”
^ shaa., “shuddhta.”
^ ya shaayad, “naasamjhee.”
^ ya “paripoorna.”
^ ya “paripoorna.”
^ ya “takhne.”
^ ya “tu mujhe mere dushmanon ki peeth de dega.”
^ ya “murjha jaayenge.”
^ ya “sangeet bajaunga.”
^ ya “parmeshvar apne raja ke liye badi-badi jeet dilata hai.”
^ ya “atal pyar.”
