doosra shamooel 3:1-39
3 shaaool ke gharane aur daavid ke gharane ke beech lambe samay tak yuddh chalta raha. daavid dinon-din taakatvar hota gaya,+ jabki shaaool ka gharana kamzor hota gaya.+
2 is beech hebron mein daavid ke kai bete huye.+ uska pehalautha amnon+ tha jo yijreli aheenoam+ se paida hua tha.
3 doosra beta kilab tha jo abeegail+ (woh karmeli naabal ki vidhva thi) se paida hua tha aur teesra abshalom+ tha jo maaka se paida hua tha. maaka gashoor ke raja talmai+ ki beti thi.
4 chautha adoniyah+ tha jo haggeet se paida hua tha, paanchvaan shaptyah tha jo abeetal se paida hua tha
5 aur chhatha beta yitram tha jo egla se paida hua tha. daavid ke ye bete hebron mein paida huye the.
6 ek taraf jahaan shaaool ke gharane aur daavid ke gharane ke beech yuddh chalta raha, vahin doosri taraf abner+ shaaool ke gharane mein apni dhaak jamane mein laga raha.
7 shaaool ki ek up-patni thi rispa,+ jo ayya ki beti thi. baad mein ishboshet+ ne abner se kaha, “toone kyon mere pita ki up-patni ke saath sambandh rakhe?”+
8 is par abner ko bahot gussa aaya aur usne ishboshet se kaha, “kya main yahooda ka koi kutta* hoon jo tu mujhse aise baat kar raha hai? aaj tak main tere pita shaaool ke gharane ka aur uske bhaaiyon aur doston ka vafadar hoon.* mainne koi gaddari nahin ki aur tere saath bhi mainne vishvasghat karke tujhe daavid ke haath mein nahin kiya. fir bhi tu aaj mere saath aisa salook kar raha hai? mujhse ek aurat ke maamle mein galti kya ho gayi, tu mujhse uska hisab maang raha hai?
9 ab agar main daavid ke saath yahova ki shapath+ ke mutabik kaam na karoon, to parmeshvar mujh abner ko kadi-se-kadi saza de.
10 parmeshvar ne shapath khaakaar kaha tha ki woh shaaool ke gharane se raaj chheenkar daavid ko de dega aur daavid ki raajgaddi daan se lekar bersheba tak+ poore israel aur yahooda par kaayam karega.”
11 javab mein ishboshet se kuch kehte na bana kyonki woh abner se bahot dar gaya tha.+
12 abner ne fauran apne dooton ke haath daavid ko yah sandesh bheja: “is poore desh par kiska adhikar hai?” fir usne kaha, “tu mere saath ek karar kar aur main poore israel ko teri taraf karne mein koi kasar nahin chhodoonga.”+
13 javab mein daavid ne kaha, “achhi baat hai! main zaroor tere saath karar karoonga. bas main tujhse itna chahta hoon ki jab tu mujhse milne aaye to shaaool ki beti meekal+ ko mere paas laaye, varna tu mujhe apna munh na dikhana.”
14 fir daavid ne apne dooton ke haath shaaool ke bete ishboshet+ ko yah sandesh bheja: “mujhe meri patni meekal vaapas de de, jisse meri sagai palishtiyon ki 100 khaldiyaan dekar karayi gayi thi.”+
15 tab ishboshet ne meekal ko laane ke liye apne aadmiyon ko uske pati paltiel+ ke paas bheja jo laish ka beta tha.
16 jab meekal jaa rahi thi to uska pati uske saath chalta gaya aur rota hua uske peechhe-peechhe door bahooreem+ tak gaya. fir abner ne paltiel se kaha, “jaa, tu laut jaa!” tab woh laut gaya.
17 is beech abner ne israel ke mukhiyaon ko yah sandesh bheja: “tum log kaafi samay se daavid ko apna raja banana chahte the.
18 ab vaisa hi karo kyonki yahova ne daavid se kaha tha, ‘main apne sevak daavid+ ke haathon apni praja israel ko palishtiyon aur baaki sabhi dushmanon se bachaunga.’”
19 fir abner ne binyameen ke logon se baat ki.+ woh hebron bhi gaya taaki daavid se akele mein baat kare aur use bataye ki israel aur binyameen ka poora gharana kya karne par raazee hua hai.
20 jab abner 20 aadmiyon ko lekar hebron mein daavid ke paas aaya to daavid ne un sabke liye ek daavat rakhi.
21 fir abner ne daavid se kaha, “mujhe ijazat de ki main jaakaar poore israel ko apne maalik raja ke saamne ikattha karoon taaki woh tere saath ek karar karein aur tu poore israel ka raja bane, jaisa tu chahta hai.” tab daavid ne abner ko vida kiya aur abner shaanti se apne raaste chala gaya.
22 kuch hi der baad daavid ke sevak aur yoab kahin se lootmar karke vaapas laute. woh apne saath loot ka dher saara maal laaye the. tab tak abner hebron se jaa chuka tha kyonki daavid ne use shaanti se vida kar diya tha.
23 yoab+ aur uski poori sena ke lautne par yoab ko bataya gaya ki ner ka beta abner+ raja ke paas aaya tha aur raja ne use vida kar diya aur woh shaanti se apne raasta chala gaya.
24 tab yoab ne raja ke paas jaakaar usse kaha, “yah toone kya kiya? abner tere paas aaya tha aur toone use yoon hi jaane diya!
25 tu jaanta hai ki ner ka woh beta abner kaisa aadmi hai. woh tujhe dhokha dene aaya tha, tere har kaam ki jaasoosi karne, tere baare mein poori jaankari lene aaya tha.”
26 isliye yoab daavid ke paas se chala gaya aur usne apne dooton ko abner ke peechhe bheja. woh use seera ke kund ke paas se vaapas le aaye. magar daavid ko is baare mein kuch nahin pata tha.
27 jab abner hebron lauta+ to yoab use shehar ke faatak ke andar ek taraf le gaya taaki akele mein usse baat kare. magar vahaan usne abner ke pet mein talvar bhonk di aur woh mar gaya.+ is tarah yoab ne apne bhaai asahel ke khoon ka badla liya.+
28 baad mein jab daavid ko iska pata chala to usne kaha, “yahova jaanta hai ki ner ke bete abner ke khoon ke liye main aur mera raaj kisi bhi tarah doshi nahin hain.+
29 abner ke katla ka dosh yoab aur uske pita ke poore gharane par pade.+ yoab ke gharane mein sada aise log rahein jo risav se peedit hon,+ kodhi hon,+ takali chalanevale hon,* khaane ke mohtaj hon ya woh talvar se maare jaayen!”+
30 yoab aur abeeshai+ ne abner+ ka isliye katla kiya kyonki usne unke bhaai asahel ko gibon ki ladai mein maar daala tha.+
31 fir daavid ne yoab se aur uske saathvale sabhi aadmiyon se kaha, “tum sab apne-apne kapde faado, taat baandho aur abner ke liye zor-zor se ro-o.” jab abner ki arthi le jaayi jaa rahi thi to raja daavid bhi uske peechhe-peechhe chalta gaya.
32 unhonne abner ko hebron mein dafnaya. raja daavid abner ki kabraa ke paas zor-zor se roya aur log bhi rone lage.
33 raja ne ro-rokar abner ke baare mein yah raag alapa,
“yah kaisi naainsafi hai!
abner ek nikamme ki maut mara.
34 na tere haath bandhe huye the,na tere pair bediyon mein jakde huye the,fir bhi tu aise gir gaya jaise koi apradhiyon ka shikar ho jaata hai.”+
yah sunkar sab log abner ke liye fir se rone lage.
35 abhi din ka samay hi tha aur sab log daavid ke paas aaye aur use roti* khaane ke liye manane lage. magar daavid ne shapath khaakaar kaha, “agar mainne sooraj dhalne se pehale roti ka ek tukda bhi khaaya ya kuch bhi munh mein daala+ to parmeshvar mujhe kadi-se-kadi saza de!”
36 jab sab logon ne yah dekha to unhein raja ka aisa karna sahi laga, theek jaise doosre maamlon mein bhi uski baatein unhein sahi lagti thi.
37 is tarah us din sab logon ko aur poore israel ko maaloom pada ki ner ke bete abner ke katla ke liye raja zimmedar nahin tha.+
38 fir raja ne apne sevkon se kaha, “tum jaante ho ki aaj israel mein ek haakim ki, ek mahan aadmi ki maut hui hai.+
39 haalanki mera abhishek karke mujhe raja thehraya gaya hai,+ lekin aaj main bahot kamzor hoon kyonki sarooyah ke bete+ bahot bereham hain.+ yahova dusht ko uski dushtata ki saza de.”+
kai footnote
^ shaa., “yahooda ke kutte ka sir.”
^ ya “ke liye apne atal pyar ka saboot deta raha hoon.”
^ yahaan shaayad aise laachar aadmiyon ki baat ki gayi hai jinhein aise kaam mein lagaya jaata hai jo aurtein karti hain.
^ ya “dilase ki roti.”
