doosra shamooel 5:1-25
5 kuch samay baad israel ke sabhi gotra hebron mein daavid ke paas aaye+ aur kehne lage, “dekh, tere saath hamara khoon ka rishta hai.*+
2 beete samay mein jab shaaool hamara raja tha, tab tu hi ladaiyon mein israel ki aguvai karta tha.+ yahova ne tujhse kaha tha, ‘tu ek charvahe ki tarah meri praja israel ki dekhbhal karega aur israel ka aguva banega.’”+
3 is tarah israel ke sabhi mukhiya hebron mein raja ke paas aaye aur raja daavid ne hebron mein yahova ke saamne unke saath ek karar kiya.+ fir unhonne daavid ka abhishek karke use israel ka raja thehraya.+
4 jab daavid raja bana tab woh 30 saal ka tha aur usne 40 saal raaj kiya.+
5 saadhe saat saal usne hebron mein rehkar yahooda par raaj kiya aur 33 saal yarooshalem+ mein rehkar poore israel aur yahooda par raaj kiya.
6 ek baar raja daavid aur uske aadmi yaboosiyon par hamla karne yarooshalem ke liye nikaal pade+ jo vahaan rehte the. yaboosiyon ne daavid ka mazak banate huye kaha, “tu hamare ilake mein kabhi kadam nahin rakh paayega! tujhe bhagane ke liye hamare andhe aur loole-langde hi kaafi hain.” unhonne socha ki daavid unke ilake mein kabhi nahin ghus paayega.+
7 magar daavid ne siyyon ke gadhvale shehar par kabza kar liya jo aaj daavidpur kehlata hai.+
8 daavid ne us din kaha, “yaboosiyon par hamla karnevalon ko paani ki surang se jaana chahiye aur ‘un andhon aur loole-langdon’ ko maar daalna chahiye jinse daavid ko nafrat hai.” isi ghatna se yah baat chali hai, “andhe aur loole-langde is jagah mein kabhi kadam nahin rakh paayenge.”
9 siyyon ka kila jeetne ke baad daavid vahaan jaakaar bas gaya aur us jagah ka naam daavidpur rakha gaya.* daavid teele*+ par aur shehar ki doosri jagahon mein deevarein aur imartein banvane laga.+
10 is tarah daavid dinon-din mahan hota gaya+ aur senaon ka parmeshvar yahova uske saath tha.+
11 sor ke raja heeram+ ne daavid ke paas apne doot bheje. saath hi, usne devdar ki lakdi aur kuch badhai aur deevar banane ke liye raajmistri bheje.+ ye kaareegar daavid ke liye mahal banane lage.+
12 aur daavid ko ehsas ho gaya ki yahova ne israel par uska raaj mazbooti se kaayam kiya hai+ aur apni praja israel ki khaatir+ uska raaj uncha kiya hai.+
13 daavid ne hebron se yarooshalem aane ke baad aur bhi kuch aurton se shaadi ki aur kuch up-patniyaan rakhin+ aur unse daavid ke aur bhi bete-betiyaan huye.+
14 yarooshalem mein uske jo bete huye unke naam ye hain: shammoo, shobab, naatan,+ sulaiman,+
15 yibhar, eleeshoo, nepeg, yaapi,
16 eleeshama, elyada aur eleepelet.
17 jab palishtiyon ne suna ki daavid ka abhishek karke use israel ka raja banaya gaya hai,+ to woh sab daavid ki khoj mein nikaal pade.+ jab daavid ko iska pata chala to woh ek mehfooz jagah chala gaya.+
18 fir palishti log aaye aur rapai ghaati+ mein fail gaye.
19 tab daavid ne yahova se salah ki,+ “kya main jaakaar palishtiyon par hamla karoon? kya tu unhein mere haath mein kar dega?” yahova ne daavid se kaha, “tu jaakaar palishtiyon par hamla kar. main unhein zaroor tere haath mein kar doonga.”+
20 tab daavid baal-paraseem gaya aur vahaan usne palishtiyon ko maar giraya. daavid ne kaha, “yahova mere aage-aage jaakaar paani ki tez dhaara ki tarah mere dushmanon par toot pada aur unka naash kar diya.”+ iseeliye daavid ne us jagah ka naam baal-paraseem* rakha.+
21 palishtiyon ne apni moortiyaan vahin chhod di thi aur daavid aur uske aadmi unhein utha le gaye.
22 baad mein palishti ek baar fir aaye aur rapai ghaati mein fail gaye.+
23 daavid ne yahova se salah ki, magar usne daavid se kaha, “tu un par saamne se hamla mat karna. iske bajay, tu peechhe se jaana aur baaka jhaadiyon ke saamne se un par hamla karna.
24 jab tujhe jhaadiyon ke oopar sena ke chalne ki aavaz sunayi de, to tu fauran kadam uthana kyonki yahova palishti sena ko maar girane ke liye tere aage-aage jaa chuka hoga.”
25 daavid ne theek vaise hi kiya jaise yahova ne use aagya di thi aur woh geba+ se lekar gejer+ tak poore raaste palishtiyon ko maarta gaya.+
kai footnote
^ shaa., “hum tera haad-maans hain.”
^ ya shaayad, “usne us jagah ka naam daavidpur rakha.”
^ ya “millo.” is ibrani shabd ka matlab “bharna” hai.
^ matlab “toot padnevala maalik.”
