aamos 1:1-15
1 yah aamos* ka sandesh hai jo use darshan mein mila tha. aamos takoa+ ke charvahon mein se ek tha. usne bhookamp+ se do saal pehale israel ke baare mein yah darshan dekha tha. us vakt ujjiyah, yahooda ka raja tha+ aur yoash+ ka beta yaarobam, israel ka raja tha.+
2 aamos ne kaha,“yahova siyyon se garjega,yarooshalem se buland aavaz mein bolega.
charvahon ke charagah maatam manayengeaur karmel ki choti sookh jaayegi.”+
3 “yahova kehta hai,‘“damishk ke baar-baar* bagavat* karne ki vajah se main saza dene se peechhe nahin hatoonga,kyonki unhonne gilad ko lohe ke daanvnevale auzaron se raund daala.+
4 isliye main hajael+ ke mahal par aag bhejoonga,jo ben-hadad ki kileband meenaron ko bhasm kar degi.+
5 main damishk ke faatkon ke bede tod daaloonga,+bikat-aaven ke nivasiyon koaur bet-eden se raaj karnevale* ko naash kar doonga,seeriya ke logon ko bandi banakar keer le jaaya jaayega.”+ yah baat yahova ne kahi hai.’
6 yahova kehta hai,‘“gaaza ke baar-baar bagavat karne+ ki vajah se main saza dene se peechhe nahin hatoonga,kyonki unhonne bandiyon ke ek poore samooh+ ko edom ke havale kar diya.
7 isliye main gaaza ki sheharpanah par aag bhejoonga,+jo uski kileband meenaron ko bhasm kar degi.
8 main ashdod ke nivasiyon koaur ashkalon se raaj karnevale* ko naash kar doonga,+main ekron par apna haath uthaunga+aur bache huye palishti mit jaayenge.”+ yah baat saare jahan ke maalik yahova ne kahi hai.’
9 yahova kehta hai,‘sor ke baar-baar bagavat karne+ ki vajah se main saza dene se peechhe nahin hatoonga,kyonki unhonne bandiyon ke ek poore samooh ko edom ke havale kar diyaaur unhonne bhaaiyon ka karar yaad nahin rakha.+
10 isliye main sor ki sheharpanah par aag bhejoonga,jo uski kileband meenaron ko bhasm kar degi.’+
11 yahova kehta hai,‘edom ke baar-baar bagavat karne+ ki vajah se main saza dene se peechhe nahin hatoonga,kyonki usne talvar khinchkar apne hi bhaai ka peechha kiya+aur usne daya karne se inkar kar diya.woh gusse mein aakaar unhein betahasha cheerta-faadta haiaur unse hamesha bhadka rehta hai.+
12 isliye main teman par aag bhejoonga,+jo bosra ki kileband meenaron ko bhasm kar degi.’+
13 yahova kehta hai,‘“ammoniyon ke baar-baar bagavat karne+ ki vajah se main saza dene se peechhe nahin hatoonga,kyonki unhonne apne ilake ki sarhad badhane ke liye gilad ki garbhvati aurton ka pet cheer diya.+
14 isliye main rabbah ki sheharpanah ko aag laga doonga,+jo uski kileband meenaron ko bhasm kar degi.ladai ke din yuddh ki lalkar sunayi degi,tez aandhi ke din toofan chalega.
15 unka raja apne haakimon samet bandhuai mein chala jaayega.”+ yah baat yahova ne kahi hai.’
kai footnote
^ matlab “bojh hona” ya “bojh dhona.”
^ shaa., “teen baar balki chaar baar.”
^ ya “apradh.”
^ shaa., “raajdand pakadnevale.”
^ shaa., “raajdand pakadnevale.”
