ayyoob 18:1-21
18 javab mein shoohi bildad+ ne kaha,
2 “tu kab tak bolta rahega?
thoda to samajh se kaam le, tabhi hamari baatcheet ka koi faayda hoga.
3 kya tu hamein jaanvar samajhta hai?+kya hum tujhe bevkoof* nazar aate hain?
4 agar tu gusse mein apne chithde-chithde kar le,to kya tere na hone se dharti sunsan ho jaayegi?chattan apni jagah se khisak jaayegi?
5 dusht ki shama bujh jaayegi,uski jalti lau thandi pad jaayegi.+
6 uske dere mein faila ujala andhkar mein badal jaayega,uske ghar ka chirag bujh jaayega.
7 tezee se badhnevale uske kadam dheeme pad jaayenge,uski saazish use barbad kar degi.+
8 woh bichhe huye jaal ki taraf jaayegaaur uske pair usmein ulajhkar reh jaayenge.
9 fanda uski edi ko jakad lega,jaal usko faans lega.+
10 zameen par uske liye rassi ka fanda chhipaya gaya hai,uski raah mein jaal bichhaya gaya hai.
11 chaaron taraf se khauf use darayega,+haath dhokar uske peechhe pada rahega.
12 uski taakat dheere-dheere khatm ho jaayegi,barbadi+ aane par woh dagmaga jaayega.
13 uski chamdi ko sabse jaanleva beemari* khaa jaayegiaur uske haath-pairon ko gala degi.
14 jis dere mein woh mehfooz rehta tha, use vahaan se nikaalkar,+dardnak maut dene ke liye* le jaaya jaayega.
15 ajnabi* uske dere par kabza jama leinge,uske ghar par gandhak chhidak di jaayegi.+
16 zameen mein uski jadein sookh jaayengi,uski lahrati shaakhayen murjha jaayengi.
17 dharti se uski yaadein mit jaayengi,gali-koochon mein uska naam nahin liya jaayega.*
18 use ujale se andhere mein dhakel diya jaayega,duniya se khaded diya jaayega.
19 uske na to bachche raheinge, na hi aanevali peedhiyaan,jahaan woh rehta tha, vahaan uska vansh chalanevala koi na bachega.
20 jis din uska naash hoga,pashchim ke rehnevalon ka dil dehal jaayega,poorab ke logon ke rongte khade ho jaayenge.
21 bura karnevale ke saath yahi hota hai,jo parmeshvar ko nahin jaanta uski yahi gat hoti hai.”
kai footnote
^ ya shaayad, “ashuddh.”
^ shaa., “maut ka pehalautha.”
^ shaa., “aatank ke raja ke paas.”
^ shaa., “jo uske yahaan ka nahin hai.”
^ shaa., “uska koi naam na hoga.”
