ayyoob 20:1-29
20 naamati sopar+ ne javab diya,
2 “mere khayal mujhe bechain kar rahe hain, bolne ko majboor kar rahe hain,mere andar halchal machi hai, main chup nahin reh sakta.
3 mainne apman karnevali teri daant suni haiaur ab meri samajh tujhe iska javab degi.
4 tujhe to yah pata hona chahiye,jab se insan* ki srishti hui hai, tab se yahi hota aaya hai.+
5 dusht chand dinon ke liye hansi-thahake maarta hai,bhaktiheen pal-bhar ke liye khushiyaan manata hai.+
6 uska ghamand chahe aasman tak pahunch jaaye,uska sir baadlon ko chhoo le,
7 tab bhi woh apne mal ki tarah hamesha ke liye khaak ho jaayega.jo us dusht ko dekha karte the poochheinge, ‘kahaan gaya woh?’
8 woh sapnon ki tarah ud jaayega, dhoondhne par bhi nahin milega,raat mein dekhe khvab ki tarah gaayab ho jaayega.
9 jo aankhein use dekha karti thi, use fir kabhi na dekheingi,uska apna ghar use dekhne ke liye taras jaayega.+
10 uski aulad gareebon ke rehmo-karam par jeeyegi,woh apne hi haathon se doosron ki daulat lauta dega.+
11 uski haddiyon mein kabhi javani ka damkham hua karta tha,par ab woh* usi ke saath mitti mein mil jaayega.
12 agar burai uske munh ko meethi lagti haiaur woh use jeebh ke neeche daba leta hai,
13 agar woh use munh mein hi rakhta hai,chatkare bhar-bharke use khaata hai,
14 to woh uske pet mein jaakaar khatti ho jaayegi,naag ke zehar ki tarah zahreeli ban jaayegi.
15 usne jo daulat nigli hai, use woh ugal dega,parmeshvar uske pet se use nikaal lega.
16 woh naag ka zehar choosega,zahreele saanp ke dasne se mar jaayega.
17 woh shehad aur makkhan ki dhaarayen fir na dekhega,use woh nadiyaan fir nazar na aayengi.
18 apni dhan-sampatti se use koi khushi na milegi,uska sukh bhoge bagair use woh vaapas karni padegi.*+
19 kyonki usne gareebon ko kuchalkar chhod diya,us ghar ko hadap liya jo usne nahin banaya.
20 fir bhi use man ki shaanti nahin milegi,uski daulat use nahin bacha paayegi.
21 ab uske hadapne ke liye aur kuch nahin bacha,isliye uski khushhali bhi chand roz ki reh jaayegi.
22 ameeri ke shikhar par pahunchte hi chintayen use aa ghereingi,dukhon ka pahad us par toot padega.
23 woh apna pet bhar hi raha hogaki parmeshvar* us par apni jaljalahat barsa dega,itni ki uski antadiyaan usse bhar jaayengi.
24 jab woh lohe ke hathiyar se bachkar bhaag raha hoga,tab tambe ke dhanush se nikle teer use chhalni kar deinge.
25 woh apni peeth se us teer ko baahar nikaalega,jiski chamakti nonk uske pitte mein jaa ghusi haiaur us par aatank chhaa jaayega.+
26 uske khazane ko ghor andhkar khaa jaayega,woh us aag mein bhasm ho jaayega jise kisi ne hava na di ho,uske dere mein bache huon par aafat aa padegi.
27 swarg uske gunahon ka khulasa karega,dharti uske khilaf gavahi degi,
28 baadh aakaar uska ghar baha le jaayegi.haan, parmeshvar ke* krodh ke din ek bada sailab aayega.
29 dushton ko parmeshvar ki taraf se yahi fal milega,parmeshvar ne unke liye yahi virasat thehrayi hai.”
kai footnote
^ ya “aadam.”
^ yaani uska damkham.
^ shaa., “aur woh use nigal nahin paayega.”
^ shaa., “woh.”
^ shaa., “uske.”
