ayyoob 21:1-34
21 javab mein ayyoob ne kaha,
2 “meri baat dhyan se suno,is tarah tum mujhe dilasa doge.
3 main kya kehna chahta hoon pehale sun to lo,fir jitni khilli udani hai uda lena.+
4 kya main kisi insan ke saamne apna dukhaada ro raha hoon?
agar aisa hota to mera sabraa kab ka toot chuka hota.
5 mujhe gaur se dekho, tum dang reh jaaoge,apne munh par haath rakh loge.
6 jo mujh par beeti, use sochkar main pareshan ho uthta hoon,mera shareer thar-thar kaanpne lagta hai.
7 aisa kyon hai ki dusht lambee umra jeeta hai,+sukh se rehta hai, daulatmand* ho jaata hai?+
8 uske bachche uske saamne falte-foolte hain,woh apni kai peedhiyaan dekhta hai,
9 uska ghar mehfooz hai, use koi dar nahin satata,+parmeshvar use apni chhadi se saza nahin deta.
10 uske bail, gaayon ko gaabhin karte hainaur uski gaayein bachche janti hain, ek ka bhi garbh nahin girta.
11 uske ladke masti mein naachte hain,aise koodte-faandte ghar se nikaalte hain, jaise bhedon ko khol diya gaya ho.
12 woh dafli aur surmandal par gaata hai,baansuri ki dhun par khushiyaan manata hai.+
13 uski zindagi maze mein katti hai,woh chain se* kabraa mein utar jaata hai.
14 woh sachche parmeshvar se kehta hai, ‘mujhe akela chhod de,
nahin jaanna mujhe teri raahon ke baare mein.+
15 sarvashaktiman kaun hai jo main uski seva karoon?+
uske baare mein seekhkar mujhe kya faayda?’+
16 magar main jaanta hoon, dusht ki khushhali uske bas mein nahin.+
uski soch* usi ko mubarak ho, usse mera koi vaasta nahin.+
17 kya kabhi dushton ke deepak bujhe hain?+
kya kabhi un par aafat tooti hai?
kya kabhi parmeshvar ne krodh mein unka naash kiya hai?
18 kya kabhi hava unhein ghaas-foos ki tarah uda paayi hai?kya kabhi aandhi ka jhonka unhein bhoosi ki tarah uda paaya hai?
19 parmeshvar unke paap ki saza unke beton ke liye bhi rakh chhodta hai.
kaash! dusht ko pata chal jaaye ki parmeshvar use uski dushtata ka sila de raha hai.+
20 aisa ho ki woh apni aankhon se apni barbadi dekhe,sarvashaktiman ke krodh ka pyala peeye.+
21 jab dusht ki zindagi ke maheene kam kar diye jaayenge,to uske baad uske baal-bachchon ka kya hoga, use kya chinta!+
22 kya koi parmeshvar ko gyaan ki baatein sikha sakta hai?*+woh to bade-badon ka nyay karta hai.+
23 aisa insan bhi mar jaata hai jismein damkham ho,+jo befikra hokar chain ki zindagi ji raha ho,+
24 jiski jaanghein bhari-bhari hon,jiski haddiyon mein jaan ho.*
25 aur aisa insan bhi mar jaata hai jo din-raat aahein bharta hai,jisne kabhi koi sukh nahin dekha.
26 donon mitti mein mil jaate hain+aur donon ko hi keede dhak lete hain.+
27 dekho, main khoob jaanta hoon tum kya soch rahe ho,mujh par zyadti karne* ke liye tum kya saazish kar rahe ho.+
28 yahi poochhte ho na tum, ‘bade-bade logon ka ghar kahaan raha?dushton ka dera kahaan gaya?’+
29 zara musafiron se poochhkar dekho,
unki baaton* par gaur karo,
30 tab tum jaanoge, vipatti ke din dusht ko chhod diya jaata hai,museebat aane par woh bach paayenge hai.
31 par kaun dusht ke munh par kahega ki tere kaam bure hain?kaun uski buraiyon ka badla use dega?
32 jab use dafnane ke liye le jaaya jaata hai,tab uski kabraa par pehra bithaya jaata hai,
33 kabraa ki mitti bhi uske liye mulayam sej bichhati hai,+usse pehale bhi anginat log mitti mein mil gayeaur uske baad bhi kai log mil jaayenge.+
34 to fir kyon mujhe bekar mein dilasa de rahe ho,+
tumhari baaton mein jhooth aur dhokhe ke siva kuch nahin.”
kai footnote
^ ya “taakatvar.”
^ ya “pal-bhar mein.” yaani dardnak maut nahin marta balki turant mar jaata hai.
^ ya “salah; saazish.”
^ ya “parmeshvar ko kuch sikha sakta hai?”
^ shaa., “haddiyaan goode se bhari hon.”
^ ya shaayad, “mujhe chot pahunchne.”
^ ya “unke sabooton.”
