ayyoob 32:1-22
32 in teenon aadmiyon ne jab dekha ki ayyoob ko apni neki par poora yakeen hai,*+ to unhonne usse aur kuch nahin kaha.
2 magar eleehoo tamatma utha. woh booj+ vanshi baarkel ka beta tha, jo raam ke gharane se tha. use ayyoob par isliye gussa aaya kyonki usne parmeshvar ko nahin balki khud ko sahi saabit karne ki koshish ki.+
3 use ayyoob ke teen saathiyon par bhi bahot gussa aaya kyonki woh ayyoob ki baaton ka sahi-sahi javab nahin de paaye, ulta unhonne parmeshvar ko doshi bataya.+
4 magar eleehoo ne un logon ko apni baat poori karne di kyonki woh umra mein usse bade the.+ woh ayyoob se apni baat kehne ke liye ruka raha.
5 jab usne dekha ki un teenon ke paas ayyoob se kehne ke liye aur kuch nahin hai, to uska krodh bhadak utha.
6 aur booj vanshi baarkel ke bete eleehoo ne bolna shuroo kiya,
“umra mein tum sab mujhse bade ho+aur main tumse chhota hoon,isliye jab tum baat kar rahe the, to main beech mein nahin bola+aur jo baatein mujhe maaloom hain mainne nahin batayin.
7 mainne socha bade-buzurgon ko hi bolne doon,umravalon ko hi buddhi ki baatein kehne doon.
8 magar logon ko parmeshvar ki pavitra shakti se hi,sarvashaktiman ki saans se hi samajh milti hai.+
9 umra insan ko khud-b-khud buddhiman nahin bana deti,na hi budhapa apne aap sahi-galat ka fark sikhata hai.+
10 isliye suno ki main kya kehta hoon,jo baatein mujhe maaloom hain main tumhein bataunga.
11 dekho, main tumhari baatein sunnae ke liye thehra raha,jab tum tark kar rahe the, to main sunta raha,+jab tum soch rahe the ki aage kya kahein, tab bhi main ruka raha.+
12 mainne bade dhyan se tumhari baatein suni hain,lekin tummein se koi bhina ayyoob ko galat saabit kar paaya,na uski daleelein kaat paaya.
13 ab yah mat kehna, ‘hum bahot buddhiman hain,ayyoob ko jo fatkaar mili hai,woh parmeshvar ki taraf se hai, insan ki taraf se nahin.’
14 jo baatein ayyoob ne kahin woh mere khilaf nahin kahin,isliye main tumhari daleelon ka sahara lekar use javab nahin doonga.
15 ye log ghabraye huye hain, inke paas koi javab nahin.kuch nahin bacha inke paas kehne ko.
16 main intazar karta raha ki ye log kuch kaheinge,magar ye but bane khade hain, inke munh se ek shabd nahin nikaal raha.
17 isliye ab main boloongaaur bataunga ki mujhe kya maaloom hai.
18 mere paas kehne ko bahot kuch hai,pavitra shakti mujhe bolne ke liye majboor kar rahi hai.
19 mere man mein itni baatein bhari hain ki ab inhein rokna mushkil hai,maano daakh-madira ke ufanne se nayi mashak fatne par ho.+
20 mujhe bolne do, tabhi mujhe chain padega,
main munh kholkar javab doonga.
21 main kisi ki tarafdari nahin karoonga,+na kisi insan ki jhoothi taareef karoonga,*
22 kyonki jhoothi taareef karna mujhe nahin aata,agar main aisa karoon, to mera bananevala mujhe fauran mita dega.
