ayyoob 40:1-24
40 yahova ne ayyoob se yah bhi kaha,
2 “kaun sarvashaktiman mein galti dhoondhkar usse behas kar sakta hai?+
kaun parmeshvar ko sudhaarna chahta hai? agar koi hai, to javab de.”+
3 tab ayyoob ne yahova se kaha,
4 “meri kya aukat?+
main tujhe kya javab doon?
main munh par haath rakhkar chup rahoonga,+
5 mainne ek baar kaha, doosri baar kaha,magar ab kuch na kahoonga, apne munh se ek shabd nahin nikaaloonga.”
6 tab toofan mein se yahova ki aavaz sunayi di. usne ayyoob se kaha,+
7 “hey insan, taiyar ho jaa!main tujhse saval karoonga aur tu mujhe bata.+
8 kya tu mere faisle par ungli uthayega?
khud ko sahi saabit karne ke liye mujhe doshi thehrayega?+
9 kya tu sachche parmeshvar jitna shaktishali hai?+kya tu uski tarah garaj sakta hai?+
10 agar haan, to poori shaan aur aishvarya se khud ko sanvar le,gaurav aur vaibhav ki poshak pehan le.
11 apne krodh ki jvala barsa de,ghamandiyon par dhyan de aur unhein neecha kar.
12 un par dhyan de aur unka ghamand tod de,jahaan kahin dusht dikhein, unhein kuchal de.
13 un sabko mitti mein gaad de,andheri jagah mein unhein* baandh de,
14 tab main bhi maan loonga*ki tera daayaan haath tujhe bacha sakta hai.
15 zara bahemot* ko dekh,jaise mainne tujhe banaya hai use bhi banaya hai,
woh bail ki tarah ghaas khaata hai.
16 uske koolhon mein zabardast shakti hai,uske pet ki maans-peshiyon mein gazab ki taakat hai.
17 woh apni poonchh devdar ke ped ki tarah kadi kar leta hai,uski jaangh ki maans-pasiaan mazbooti se gunthi hui hain.
18 uski haddiyaan, tambe ki naliyon jaisiaur uske haath-pair lohe ke chhad jaise mazboot hain.
19 bade-bade jaanvaron mein parmeshvar ne use sabse pehale banaya,sirf uska bananevala hi use talvar se maar sakta hai.
20 use khaana dene ke liye poora pahad juta rehta hai,saare jangli jaanvar vahin aas-paas khelte-koodte hain.
21 woh kanteeli jhaadiyon* ke neeche aaram farmata hai,daldal mein narkaton ke beech rehta hai,
22 kanteeli jhaadiyaan bhi use apni chhaanv mein le leti hain,ghaati ke ped* use ghere rehte hain.
23 chahe nadi mein ufan aa jaaye, woh ghabrata nahin,
chahe yardan ka paani+ us par chadh aaye, woh befikra rehta hai.
24 kya koi uska saamna karke use pakad sakta hai?ya uski naak mein nakel* daal sakta hai?
kai footnote
^ shaa., “unke chehre.”
^ ya “tujhe daad doonga.”
^ shaayad dariyai ghoda.
^ shaayad ber ki prajati ka ped.
^ shaa., “pahadi peepal.”
^ shaa., “fanda.”
