bhajan 148:1-14
148 yaah ki taareef karo!*
swarg se yahova ki taareef karo,+unchi jagahon mein uski taareef karo.
2 uske sab swargdooto, uski taareef karo.+
uski saari senao, uski taareef karo.+
3 sooraj aur chaand, uski taareef karo.
chamakte taaro, tum sab uski taareef karo.+
4 hey sabse unche aasman aur unke oopar thahre paani,uski taareef karo.
5 woh yahova ke naam ki taareef karein,kyonki uske hukm dene par unki srishti hui thi.+
6 woh unhein sada ke liye kaayam rakhta hai,+usne ek farman jaari kiya jo kabhi radd nahin hoga.+
7 dharti se yahova ki taareef karo,gehre samundaro aur unke vishal jeevo,
8 bijli aur olo, barf aur kaali ghatao,uska hukm maannevali aandhiyo,+
9 pahado aur sab pahadiyo,+faldar pedo aur sab devdaro,+
10 jangli jaanvaro+ aur sab paaltoo jaanvaro,reingnevale jeevo aur panchhiyo,
11 dharti ke raajao aur sab raashtro,dharti ke haakimo aur sab nyayiyo,+
12 javan ladko aur javan ladkiyo,*buzurg aadmiyo aur javano, sab milkar uski taareef karo.
13 woh sab yahova ke naam ki taareef karein,kyonki sirf usi ka naam sabse uncha aur mahan hai.+
uska pratap dharti aur aakash ke oopar faila hai.+
14 woh apne logon ki taakat badhayega*taaki uske sabhi vafadar log,uske sabse azeez israeli log samman paayen.
yaah ki taareef karo!*
kai footnote
^ ya “hallilooyah!” “yaah” yahova naam ka chhota roop hai.
^ shaa., “kunvariyo.”
^ shaa., “ka sing uncha karega.”
^ ya “hallilooyah!” “yaah” yahova naam ka chhota roop hai.
