bhajan 149:1-9
149 yaah ki taareef karo!*
yahova ke liye ek naya geet gaao,+vafadar logon ki mandli mein uski taareef karo.+
2 israel apne mahan rachnakar ke kaaran khushiyaan manaye,+siyyon ke bete apne raja ke kaaran jashna manayen.
3 woh naachte huye uske naam ki taareef karein,+dafli aur surmandal bajakar uski taareef mein geet gaayen.*+
4 yahova apne logon se khush hota hai.+
woh deen swabhav ke logon ka uddhaar karke unki shobha badhata hai.+
5 vafadar log samman paane ke kaaran magan hon,woh apne bistar par lete khushi se jayjaykar karein.+
6 unke honth parmeshvar ki taareef mein geet gaayenaur woh apne haath mein dodhari talvar lein
7 taaki raashtron ko unka badla chukayen,desh-desh ke logon ko saza dein,
8 unke raajaon ko zanjeeron mein jakad dein,unke bade-bade logon ko lohe ki bediyaan pehna dein,
9 unhein woh saza dein jo unke liye likhi gayi hai.+
yah samman uske sabhi vafadar logon ka hai.
yaah ki taareef karo!*
kai footnote
^ ya “hallilooyah!” “yaah” yahova naam ka chhota roop hai.
^ ya “sangeet bajayen.”
^ ya “hallilooyah!” “yaah” yahova naam ka chhota roop hai.
