bhajan 29:1-11
daavid ka sureela geet.
29 hey shoorveeron ke beto, yahova ka aadar karo,yahova ka aadar karo kyonki woh mahima aur taakat se bharpoor hai.+
2 yahova ka naam jitni mahima ka hakdar hai utni mahima use do.
pavitra poshak pehne* yahova ko dandvat karo.*
3 yahova ki aavaz baadlon* ke oopar sunayi de rahi hai,gauravshali parmeshvar garaj raha hai.+
yahova ghane baadlon ke oopar hai.+
4 yahova ki aavaz kya hi damdar hai!+yahova ki aavaz kya hi laajavab hai!
5 yahova ki aavaz se devdar tootkar gir jaate hain,haan, yahova labanon ke devdaron ke tukde-tukde kar deta hai.+
6 woh labanon* ko ek bachhde ki tarahaur siryon+ ko ek jangli bail ki tarah kudata hai.
7 yahova ki aavaz ke saath aag ke shole bhadak uthte hain,+
8 yahova ki aavaz se veerana kaanp uthta hai,+yahova kaadesh ke veerane+ ko kanpa deta hai.
9 yahova ki aavaz se gaabhin hirni dehal jaati hai,uska bachcha nikaal padta hai,jangal-ke-jangal ujad jaate hain.+
uske mandir mein sab kehte hain, “parmeshvar ki mahima ho!”
10 yahova jalpralay* ke oopar virajman hai,+yahova sada raja ki haisiyat se virajman rehta hai.+
11 yahova apne logon ko taakat dega.+
yahova apne logon ko shaanti ki aasheesh dega.+
kai footnote
^ ya shaayad, “uski pavitrata ke vaibhav ki vajah se.”
^ ya “ki upasna karo.”
^ shaa., “paani.”
^ zahir hai, labanon parvatmala.
^ ya “aasman mein faile mahasagar.”
