bhajan 62:1-12
daavid ka sureela geet. nirdeshak ke liye hidayat: yadootoon* ka.
62 main chupchap parmeshvar ka intazar karta hoon.
vahi mera uddharkarta hai.+
2 vahi meri chattan aur mera uddhaar hai, mera uncha gadh hai,+main kabhi is kadar hilaya nahin jaa sakta ki gir jaaun.+
3 tum ek insan ko maar daalne ke liye kab tak us par vaar karte rahoge?+
tum sab-ke-sab khatarnak ho, us deevar ki tarah jo jhuki hui hai,patthar ki us deevar ki tarah jo bas dhahnevali hai.*
4 woh use unche pad* se girane ke liye aapas mein mashvira karte hain,unhein jhooth bolne mein maza aata hai.
munh se to woh aasheervad dete hain, par man-hi-man shaap dete hain.+ (sela )
5 main chupchap parmeshvar ka intazar karta hoon,+kyonki usi se meri aasha bandhi hai.+
6 vahi meri chattan aur mera uddhaar hai, mera uncha gadh hai,mujhe kabhi hilaya nahin jaa sakta.+
7 mera uddhaar aur mera vaibhav parmeshvar ki hi badaulat hai.
parmeshvar meri mazboot chattan hai, mera gadh hai.+
8 logo, hamesha us par bharosa rakho.
uske aage apna dil kholkar rakh do.+
parmeshvar hamari panah hai.+ (sela )
9 insan bas ek saans hain,woh bas dhokha hain.+
agar un sabko ek-saath taula jaaye, to bhi woh saans se halke nikleinge.+
10 is galatfhami mein mat raho ki dhokhadhadi se tum kaamyab hoge,ya loot-khasot se tumhein faayda hoga.
agar tumhari daulat badhne lage, to apna man usi par mat lagana.+
11 mainne ek baar nahin, do baar parmeshvar ko yah kehte suna,
“taakat parmeshvar hi ki hai.”+
12 hey yahova, atal pyar bhi tera hai,+kyonki tu harek ko uske kaamon ke mutabik fal deta hai.+
kai footnote
^ ya shaayad, “tum sab, maano woh ek jhuki hui deevar ho, patthar ki aisi deevar jo bas dhahnevali hai.”
^ ya “uski garima.”
