bhajan 81:1-16
aasap ki rachna.+ gitteet* ke silsile mein nirdeshak ke liye hidayat.
81 parmeshvar hamari taakat hai,+ khushi se uski jayjaykar karo.
yakub ke parmeshvar ke liye jeet ke naare lagao.
2 sangeet shuroo karo, dafli bajao,taaronvale baaje ke saath madhur bajnevala surmandal bajao.
3 naye chaand ke mauke paraur poore chaand ke avsar par, hamare tyohar ke din+ narsinga foonko.+
4 kyonki yah israel ke liye aadesh hai,yakub ke parmeshvar ka hukm hai.+
5 jab parmeshvar misra ke khilaf utha,+tab usne yoosuf ke liye use yaad dilanevali hidayat thehrayi.+
mainne ek aavaz* suni magar use pehchana nahin:
6 “mainne uske kandhe se bojh utaar diya,+uske haathon ko tokri dhone se chhutkara mila.
7 sankat ke din toone mujhe pukara aur mainne tujhe chhudaya,+garajte baadlon mein* se tujhe javab diya.+
mareeba* ke sote ke paas tujhe parkha.+ (sela )
8 hey meri praja sun, main tere khilaf gavahi doonga.
hey israel kaash! tu meri baat sunta!+
9 tere beech koi paraya devta nahin hoga,tu doosre desh ke kisi devta ke aage dandvat nahin karega.+
10 main yahova tera parmeshvar hoon,main tujhe misra se nikaal laaya tha.+
apna munh poora khol, main use bhar doonga.+
11 magar mere logon ne meri ek na suni,israel mere adheen na raha.+
12 isliye mainne unhein apne dheeth man ke mutabik chalne ke liye chhod diya.unhonne vahi kiya jo unhein sahi laga.*+
13 kaash, mere log meri baat sunte!+kaash, israel meri raahon par chalta!+
14 tab main unke dushmanon ko fauran hara deta,unke bairiyon ko dhool chata deta.+
15 yahova se nafrat karnevale uske saamne dubak jaayenge,woh hamesha saza bhugatte raheinge.
16 magar tujhe* woh sabse badhiya gehoon khilayega+aur chattan se nikaalnevala shehad khilakar tujhe santusht karega.”+
kai footnote
^ ya “bhasha.”
^ shaa., “garjan ki gupt jagah.”
^ matlab “jhagda karna.”
^ shaa., “woh apni hi saazishon ke mutabik chale.”
^ shaa., “use” yaani parmeshvar ke logon ko.
