ejra 10:1-44
10 ejra sachche parmeshvar ke bhavan ke saamne munh ke bal pada hua ro-rokar prarthna kar raha tha+ aur apne logon ke paap kabool kar raha tha. tab israeli aadmi-aurton aur bachchon ki ek badi bheed uske paas ikattha ho gayi aur fut-futkar rone lagi.
2 elam ke beton*+ mein se yahiel+ ke bete shakanyah ne ejra se kaha, “hamne aas-paas ke deshon ki aurton se shaadi karke* apne parmeshvar ke saath vishvasghat kiya hai.+ magar israel ke liye ab bhi ummeed baaki hai.
3 hum apne parmeshvar ke saath yah karar karna chahte hain+ ki hum apni-apni patniyon ko vaapas unke desh bhej deinge. aur unke saath-saath bachchon ko bhi khud se door kar deinge. is tarah hum yahova ke aadeshon ko maaneinge aur un logon ki salah par chaleinge jo parmeshvar ki aagyaon ka gehra aadar karte hain.*+ jaisa kaanoon mein kaha gaya hai hum vaisa hi kareinge.
4 hey ejra uth kyonki is maamle ko niptana teri zimmedari hai aur hum tere saath hain. himmat rakh aur is kaam ko poora kar.”
5 tab ejra utha aur usne yaajkon ke pradhanon, leviyon aur sab israeliyon ko shapath khilayi ki jaisa unhonne kaha hai vaisa hi karein.+ un sabne shapath khaayi.
6 fir ejra sachche parmeshvar ke bhavan ke saamne se uthkar elyasheeb ke bete yahohanan ke bhojan ke kamre mein gaya. lekin ejra ne vahaan kuch nahin khaaya-peeya kyonki woh bandhuai se aaye apne logon ke vishvasghat par shok mana raha tha.+
7 tab poore yahooda aur yarooshalem mein ghoshna karvayi gayi ki bandhuai se aaye sabhi log yarooshalem mein ikattha hon.
8 agar koi haakimon aur mukhiyaon ka yah faisla nahin maanega aur teen din ke andar nahin aayega, to uski saari cheezen zabt kar li jaayengi aur use bandhuai se aaye logon ki mandli se bedakhal kar diya jaayega.+
9 yahooda aur binyameen ke sabhi aadmi teen din ke andar yarooshalem mein ikattha ho gaye. nauvein maheene ke 20vein din sab log sachche parmeshvar ke bhavan ke aangan mein baithe huye the. maamla bada sangeen tha isliye unke haath-pair kaanp rahe the. thand ke maare bhi unki kanpkanpi chhoot rahi thi kyonki zoron ki baarish ho rahi thi.
10 tab yaajak ejra ne unse kaha, “tumne aas-paas ke deshon ki aurton se shaadi karke parmeshvar ke saath vishvasghat kiya hai.+ aisa karke tumne israel ko aur doshi bana diya hai.
11 isliye ab apne purkhon ke parmeshvar yahova ke saamne apne paap maan lo aur uski marzee ke mutabik kaam karo. aas-paas ke deshon ke logon se khud ko alag karo aur un aurton se bhi jinse tumne shaadi ki hai.”+
12 tab poori mandli ne zor se kaha, “jaisa toone kaha hai hum vaisa hi kareinge.
13 magar is baarish ke mausam mein itne saare logon ka baahar khade rehna mushkil hai. aur yah maamla aisa nahin ki ise ek-do din mein suljhaya jaa sake kyonki hammein se bahoton ne yah paap kiya hai.
14 isliye poori mandli ke bajay hamare haakimon ko yahaan rehne de.+ aur jis-jis ne aas-paas ke deshon ki aurton se shaadi ki hai, woh ek tay vakt par apne-apne shehar ke mukhiya aur nyayi ke saath aaye. tabhi is maamle mein parmeshvar ki jaljalahat hamse door hogi.”
15 lekin asahel ke bete yonatan aur tikva ke bete yahajyah ne iska virodh kiya aur mashullam aur shabbatai naam ke leviyon+ ne unka saath diya.
16 magar bandhuai se chhoote logon ne vahi kiya jo tay kiya gaya tha. dasvein maheene ke pehale din yaajak ejra ne maamle ki jaanch ke liye israel ke un aadmiyon ki baithak bulayi, jo apne-apne pita ke kul ke mukhiya the aur jinke naam likhe huye the.
17 aur pehale maheene ke pehale din tak unhonne un sabhi aadmiyon ka maamla nipta liya, jinhonne aas-paas ke deshon ki aurton se shaadi ki thi.
18 jaanch karne par pata chala tha ki yaajkon ke kuch beton ne aas-paas ke deshon ki aurton se shaadi ki thi.+ woh the: yahosadak ke bete yeshoo+ ke bhaaiyon aur beton mein se maanseyah, eliezer, yaareeb aur gadalyah.
19 lekin unhonne vaada kiya ki woh apni patniyon ko vaapas unke desh bhej deinge. aur kyonki woh doshi the unhonne yah bhi kaha ki woh apne paapon ke prayashchit ke liye jhund se ek-ek medha chadhayenge.+
20 paap karnevalon mein ye bhi the: immer ke beton+ mein se hanani aur jabadyah;
21 haareem ke beton+ mein se maanseyah, eliyah, shamayah, yahiel aur ujjiyah;
22 pashhoor ke beton+ mein se elyoenai, maanseyah, ishmael, natnel, yojabad aur eliasa.
23 aur leviyon mein se yojabad, shimi, kelayah (yaani kaleeta), patahyah, yahooda aur eliezer.
24 gaaykon mein se elyasheeb aur pehredaron mein se shalloom, telem aur oori.
25 israeliyon mein se ye the: parosh ke beton+ mein se ramyah, yijjiyah, malkiyah, miyameen, eliazar, malkiyah aur banayah.
26 elam ke beton+ mein se mattanyah, jakaryah, yahiel,+ abdi, yaremot aur eliyah.
27 jattoo ke beton+ mein se elyoenai, elyasheeb, mattanyah, yaremot, jaabad aur azeeza.
28 bebai ke beton+ mein se yahohanan, hananyah, jabbai aur atlai.
29 baani ke beton mein se mashullam, mallook, adayah, yaashoob, shaal aur yaremot.
30 pehat-moab ke beton+ mein se adna, kalal, banayah, maanseyah, mattanyah, baslel, binnooi aur manashshe.
31 haareem ke beton+ mein se eliezer, yishshiyah, malkiyah,+ shamayah, shimon,
32 binyameen, mallook aur shamaryah.
33 haashoom ke beton+ mein se mattanai, mattata, jaabad, eleepelet, yaremai, manashshe aur shimi.
34 baani ke beton mein se maadai, amram, ooel,
35 banayah, bedyah, kaloohi,
36 vanyah, maremot, elyasheeb,
37 mattanyah, mattanai aur yaasoo.
38 binnooi ke beton mein se shimi,
39 shelemyah, naatan, adayah,
40 maknadabai, shaashai, shaarai,
41 ajrel, shelemyah, shamaryah,
42 shalloom, amaryah aur yoosuf.
43 aur nabo ke beton mein se yiel, matityah, jaabad, jabeena, yaddai, yoel aur banayah.
44 in sabne aas-paas ke deshon ki aurton se shaadi ki thi+ aur apne-apne beevi-bachchon ko vaapas unke desh bhej diya.+
kai footnote
^ is adhyay mein “bete” ka matlab “vanshaj” bhi ho sakta hai. aur kuch jagahon par “bete” ka matlab “nivasi” bhi ho sakta hai.
^ ya “aurton ko apne gharon mein laakaar.”
^ shaa., “aagyaon ke kaaran thartharate hain.”
