ginti 1:1-54
1 aur israeliyon ke misra se nikaalne ke doosre saal ke doosre maheene ke pehale din,+ yahova ne seenai veerane mein moosa se baat ki.+ usne bheint ke tamboo mein moosa se kaha,+
2 “tu haaroon ko saath lekar israeliyon* ki poori mandli ki ginti lena+ aur harek aadmi ka naam uske gharane aur uske pita ke kul ke mutabik likhna.
3 tum un sabhi aadmiyon ka naam likhna jinki umra 20 saal ya usse zyada hai+ aur jo israel ki sena mein kaam karne ke yogya hain. tum unke naam unke apne-apne dal ke mutabik likhna.
4 tu apne saath har gotra mein se ek aadmi ko lena, jo apne pita ke kul ka mukhiya ho.+
5 woh teri madad kareinge. unke naam ye hain: rooben gotra se eleesoor+ jo shadeoor ka beta hai,
6 shimon gotra se shaloomiel+ jo sooreeshaddai ka beta hai,
7 yahooda gotra se nahshon+ jo ammeenadab ka beta hai,
8 issakar gotra se natnel+ jo zuar ka beta hai,
9 jabooloon gotra se eleeab+ jo helon ka beta hai,
10 yoosuf ke bete epraim ke gotra se+ eleeshama jo ammeehood ka beta hai aur yoosuf ke doosre bete manashshe ke gotra se gamliel jo padasoor ka beta hai,
11 binyameen gotra se abeedan+ jo gidoni ka beta hai,
12 daan gotra se ahiejer+ jo ammeeshaddai ka beta hai,
13 aasher gotra se pagiel+ jo okran ka beta hai,
14 gaad gotra se elyasap+ jo dooel ka beta hai
15 aur naptali gotra se aheera+ jo enan ka beta hai.
16 israel ki mandli mein se in sabhi aadmiyon ko chuna gaya hai. ye apne-apne pita ke gotra ke pradhan+ aur hazaron israeliyon se bane alag-alag dal ke mukhiya hain.”+
17 tab moosa aur haaroon ne un aadmiyon ko apne saath liya jinhein naam lekar chuna gaya tha.
18 unhonne doosre maheene ke pehale din, israel ki poori mandli ko ikattha kiya taaki uska har aadmi, jiski umra 20 saal ya usse zyada hai, apne gharane aur apne pita ke kul ke mutabik apna naam likhva sake,+
19 theek jaise yahova ne moosa ko aagya di thi. is tarah moosa ne seenai veerane mein un sabka naam likha.+
20 israel ke pehalauthe rooben ke beton+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ek-ek karke ginti li gayi.
21 rooben gotra se jinke naam likhe gaye, unki ginti 46,500 thi.
22 shimon ke vanshajon+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ek-ek karke ginti li gayi.
23 shimon gotra se jinke naam likhe gaye, unki ginti 59,300 thi.
24 gaad ke vanshajon+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ginti li gayi.
25 gaad gotra se jinke naam likhe gaye, unki ginti 45,650 thi.
26 yahooda ke vanshajon+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ginti li gayi.
27 yahooda gotra se jinke naam likhe gaye, unki ginti 74,600 thi.
28 issakar ke vanshajon+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ginti li gayi.
29 issakar gotra se jinke naam likhe gaye, unki ginti 54,400 thi.
30 jabooloon ke vanshajon+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ginti li gayi.
31 jabooloon gotra se jinke naam likhe gaye, unki ginti 57,400 thi.
32 yoosuf ke jo vanshaj epraim se nikle,+ unke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ginti li gayi.
33 epraim gotra se jinke naam likhe gaye, unki ginti 40,500 thi.
34 manashshe ke vanshajon+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ginti li gayi.
35 manashshe gotra se jinke naam likhe gaye, unki ginti 32,200 thi.
36 binyameen ke vanshajon+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ginti li gayi.
37 binyameen gotra se jinke naam likhe gaye, unki ginti 35,400 thi.
38 daan ke vanshajon+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ginti li gayi.
39 daan gotra se jinke naam likhe gaye, unki ginti 62,700 thi.
40 aasher ke vanshajon+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ginti li gayi.
41 aasher gotra se jinke naam likhe gaye, unki ginti 41,500 thi.
42 naptali ke vanshajon+ ke naam unke apne-apne gharane aur pita ke kul ke mutabik likhe gaye. jitne aadmiyon ki umra 20 saal ya usse zyada thi aur jo sena mein kaam karne ke yogya the, un sabki ginti li gayi.
43 naptali gotra se jinke naam likhe gaye, unki ginti 53,400 thi.
44 moosa ne haaroon aur israel ke 12 pradhanon ke saath milkar, jo apne-apne pita ke kul ke pradhan the, in sabhi aadmiyon ke naam likhe.
45 jitne israeli aadmiyon ki umra 20 saal ya usse zyada thi aur jo israel ki sena mein kaam karne ke yogya the, un sabke naam unke apne-apne pita ke kul ke mutabik likhe gaye.
46 jitne aadmiyon ke naam likhe gaye unki kul ginti 6,03,550 thi.+
47 magar leviyon+ ke naam unke apne-apne pita ke kul ke mutabik nahin likhe gaye.+
48 yahova ne moosa se kaha tha,
49 “sirf levi gotra ke aadmiyon ke naam na likhna aur na hi unki ginti baaki israeliyon ki ginti mein shaamil karna.+
50 tu leviyon ko pavitra dere ki, jismein gavahi ka sandook rakha hai+ aur uski saari cheezon ki zimmedari saunpna.+ woh pavitra dere aur uski saari cheezon ko uthaya kareinge.+ woh dere mein seva kareinge+ aur dere ke chaaron taraf apne tamboo lagayenge.+
51 jab bhi pavitra dere ko ek jagah se doosri jagah le jaana hoga, to levi uske alag-alag hisse kholeinge+ aur jab dera khada karna hoga, to woh hi unhein dobara jodkar use khada kareinge. leviyon ke alava agar koi aisa insan dere ke paas aata hai, jise adhikar nahin* to use maar daala jaaye.+
52 israeliyon ke teen-teen gotron se bane har dal ke liye jo jagah thehrayi gayi hai,*+ theek usi ke mutabik har aadmi ko apne dal mein apna tamboo daalna chahiye.
53 aur leviyon ko apna tamboo pavitra dere ke chaaron taraf daalna chahiye jismein gavahi ka sandook rakha hai, taaki israeliyon ki mandli par mera krodh bhadak na uthe.+ mere pavitra dere ki, jismein gavahi ka sandook rakha hai, dekhbhal karne ki* zimmedari leviyon ki hai.”+
54 israel ke logon ne in saari aagyaon ka paalan kiya jo yahova ne moosa ko di thi. unhonne theek vaisa hi kiya.
kai footnote
^ shaa., “israel ke beton.”
^ shaa., “jo paraya ho,” yaani jo levi na ho.
^ ya “apne-apne jhande ke paas.”
^ ya “raksha karne ki; mein seva karne ki.”
