hoshe 9:1-17
9 “hey israel, khushiyaan mat mana,+desh-desh ke logon ki tarah magan mat ho.
kyonki tu veshya ke kaam karke apne parmeshvar se door chali gayi.+
tujhe har khalihan mein veshya ke kaam karke mazdoori lena bahot bhaaya.+
2 magar khalihan aur angoor raundne ka haud unhein nahin khilayegaaur nayi daakh-madira use nahin milegi.+
3 woh yahova ke desh mein aur nahin reh paayenge,+iske bajay, epraim misra laut jaayegaaur ashshoor mein woh ashuddh cheezen khaayenge.+
4 woh fir kabhi yahova ke liye daakh-madira ka argh nahin chadhayenge,+unke balidanon se woh khush nahin hoga.+
woh maatam ki roti jaise honge,use khaanevale sabhi dooshit ho jaayenge.
kyonki unki roti sirf unke liye hogi,use yahova ke bhavan mein nahin laaya jaayega.
5 tum log ikattha hone* ke din,yahova ke tyohar ke din kya karoge?
6 kyonki dekho! unhein naash ki vajah se bhaagna padega.+
misra unhein ikattha karega+ aur memfis unhein dafnayega.+
bichhoo-bootiyaan unki chaandi ki keemti cheezon par kabza kar leingiaur unke tambuon mein kanteeli jhaadiyaan ug aayengi.
7 hisab lene ke din zaroor aayenge,+badla chukane ke din zaroor aayengeaur israel ise jaan jaayega.
unka bhavishyavakta moorkh saabit hoga aur prerit jan paagal ho jaayega.
tere gunah behisab hain, isliye tujhse badh-chadhkar dushmani ki gayi hai.”
8 epraim ka pehredar+ mere parmeshvar ke saath tha.+
magar ab uske bhavishyavaktaon+ ke sabhi taur-tareeke baheliye ke fandon jaise hain,uske parmeshvar ke bhavan mein dushmani hai.
9 woh aise kaamon mein doob gaye hain jo naash laate hain, jaise giba ke dinon mein hua tha.+
woh unka gunah yaad karega aur unhein paapon ki saza dega.+
10 “mujhe israel aise mila jaise veerane mein angoor milte hain.+
jab mainne tumhare purkhon ko dekha to woh anjeer ke ped par lage pehale fal jaise the.
magar woh por ke baal ke paas chale gaye,+unhonne sharmnak cheez* ke liye khud ko samarpit kar diya,+woh us cheez ki tarah ghinaune ban gaye jisse woh pyar karte the.
11 epraim ki shaan ek chidiya ki tarah furra ho jaati hai,na koi paida hota hai, na koi aurat garbhvati hoti hai, na hi kisi ka garbh thaharta hai.+
12 chahe woh bachchon ko paalein-posein,to bhi main unhein unse chheen loonga taaki ek bhi aadmi na bache,+haan, jab main unse munh fer loonga to woh barbad ho jaayenge!+
13 epraim, jo charagah mein boya gaya tha, mere liye sor jaisa tha,+ab epraim ko apne beton ko vadh hone ke liye laana hoga.”
14 hey yahova, unhein jo dena chahiye unhein de,aisi kokh jismein bachche mar jaayen aur aise stan jo sookhe rahein.*
15 “unhonne gilgal mein saari burai ki thi,+ vahaan mujhe unse nafrat ho gayi.
unki dushtata ki vajah se main unhein apne bhavan se khaded doonga.+
main unhein fir kabhi pyar nahin karoonga,+unke sab haakim dheeth hain.
16 epraim ek ped ki tarah kaat diya jaayega.+
unki jad sookh jaayegi aur woh koi fal nahin deinge.
chahe woh bachche paida karein to bhi main unke dularon ko maar daaloonga.”
17 mera parmeshvar unhein thukra dega,kyonki unhonne uski nahin suni,+woh doosre raashtron mein bhagode bankar fireinge.+
