jakaryah 10:1-12
10 “vasant ki baarish ke vakt yahova se baarish maango,
kyonki kaale baadlon ko yahova hi banata hai,vahi logon ke liye paani barsata hai+aur har kisi ke khet mein hariyali upjata hai.
2 magar kul devtaon* ki baatein dhokha* hainaur jyotishi jhoothe darshan dekhte hain,woh jhoothe sapne sunate hainaur vyarth ka dilasa dete hain.
isliye log bhed ke samaan bhatak jaayenge,woh dukh uthayenge kyonki unka koi charvaha nahin.
3 charvahon par mera krodh bhadak utha hai,main zalim aguvon* se hisab loonga,kyonki senaon ke parmeshvar yahova ne apne jhund par, yahooda ke gharane par dhyan diya hai+aur use aisi shaan di hai jaisi uske jangi ghode ki hai.
4 usmein se* ek aguva* niklega,usmein se madad dene ke liye ek shaasak* aayega,usmein se yuddh ka dhanush niklega,usmein se aanevala harek jan nigrani karega,ye sab ek-saath nikleinge.
5 woh aise yoddhaon ki tarah honge,jo yuddh ke samay sadak ki mitti ko raundte hain.
woh ladeinge kyonki yahova unke saath hoga,+
dushmanon ke ghudsavaar sharminda kiye jaayenge.+
6 main yahooda ke gharane ko shaktishali banaungaaur yoosuf ke gharane ko bachaunga.+
main un par daya karoonga aur unhein bahaal karoonga.+
tab woh aise ho jaayenge jaise mainne unhein thukraya hi na ho.+
main unka parmeshvar yahova hoon aur main unki binti sunoonga.
7 epraim ke log shaktishali yoddha ki tarah ho jaayenge,unka man khush hoga, jaise daakh-madira peene par hota hai,+
yah dekhkar unke bete foole na samayenge,yahova ke kaaran unka man khushi se bhar jaayega.+
8 ‘main seeti bajakar unhein bulaunga aur ikattha karoonga,main unhein chhudaunga+ aur unki ginti beshumar ho jaayegiaur aage bhi beshumar rahegi.
9 bhale hi main unhein beej ki tarah desh-desh ke logon mein chhitra doonga,magar woh door-door ke un ilakon mein bhi mujhe yaad kareinge,woh aur unke bete umang se bharkar laut aayenge.
10 main misra se unhein vaapas laaunga,ashshoor se unhein ikattha karoonga.+main unhein gilad aur labanon ke desh tak le aaunga,+kyonki un sabke liye rehne ki jagah kaafi nahin hogi.+
11 jab saagar unka raasta rokega,to main usmein se hokar jaaunga aur uski lehron ko daba doonga.+
jab neel nadi raasta roke khadi hogi, to main uska paani sukha doonga.
ashshoor ka ghamand tod diya jaayegaaur misra ka raajdand usse le liya jaayega.+
12 main yahova, unhein shaktishali banaunga+aur woh mera naam lekar chaleinge.’+ yah baat yahova ne kahi hai.”
kai footnote
^ ya “moorton.”
^ ya “jaadoo-tone ki; rehasyamay.”
^ shaa., “bakron.”
^ yaani yahooda mein se.
^ shaa., “kone ki meenar,” yah ek khaas aadmi ko darshati hai; ek pradhan.
^ shaa., “khoonti,” yah ek aadmi ko darshati hai jo sahara hai; ek shaasak.
