jakaryah 11:1-17
11 “hey labanon, apne faatak kholki aag tere devdaron ko bhasm kar de.
2 hey sanovar, zor-zor se ro kyonki devdar gir gaye hain,unche-unche ped nasht ho gaye hain!
baashaan ke baanj pedo, tum bhi vilap karo,kyonki ghana jangal khaak mein mil chuka hai!
3 suno! charvahon ka maatam suno!
kyonki unki shaan mit gayi hai.
suno! javan sher ka dahadna suno!
kyonki yardan kinare ki ghani jhaadiyaan nasht ho chuki hain.
4 mera parmeshvar yahova kehta hai, ‘ghaat honevali bhedon ka charvaha ban jaa.+
5 khareednevale unhein maar daalte hain,+ magar koi unhein doshi nahin thehrata. un bhedon ko bechnevale+ kehte hain, “yahova ki badai ho kyonki main maalamal ho jaaunga.” unke charvahe un par koi taras nahin khaate.’+
6 yahova ailan karta hai, ‘main desh ke nivasiyon par ab aur taras nahin khaaunga. main har aadmi ko uske padosi aur uske raja ke havale kar doonga ki woh use satayen. woh desh ko tabah kar deinge aur main uske logon ko unke haath se nahin bachaunga.’”
7 tab main ghaat honevali bhedon ka charvaha ban gaya.+ haan, tum satayi hui bhedon ki khaatir mainne aisa kiya. mainne do laathiyaan lin, ek ka naam mainne kripa rakha aur doosri ka ekta.+ aur main jhund ki charvahi karne laga.
8 mainne ek hi maheene mein teen charvahon ko nikaal diya kyonki main unko bardasht nahin kar saka. woh bhi mujhse nafrat karte the.
9 mainne kaha, “ab main tum bhedon ki aur dekhbhal nahin karoonga. jise marna hai woh mare, jise nasht hona hai woh nasht ho. aur jo bach jaayen, woh ek-doosre ko faad khaayen.”
10 tab mainne kripa ki laathi li+ aur use kaat daala. is tarah mainne woh karar tod diya jo mainne apne logon ke saath kiya tha.
11 us din woh karar toot gaya. jab jhund ki satayi hui bhedon ne mujhe yah sab karte dekha to woh samajh gayin ki yah sandesh yahova ki taraf se hai.
12 fir mainne unse kaha, “agar tumhein theek lage to mujhe meri mazdoori do, lekin agar nahin to mat do.” tab unhonne mujhe mazdoori mein chaandi ke 30 tukde taulkar diye.+
13 is par yahova ne mujhse kaha, “bahot badi keemat aanki hai unhonne meri!+ jaa, inhein khazane mein feink aa!” tab main chaandi ke 30 tukde lekar yahova ke bhavan mein gaya aur mainne unhein khazane mein feink diya.+
14 fir mainne doosri laathi ekta ko liya+ aur use kaat daala. is tarah yahooda aur israel ke beech bhaaichara khatm ho gaya.+
15 fir yahova ne mujhse kaha, “nikamme charvahe ka auzar le le.+
16 kyonki main ek charvahe ko is desh ka adhikari banne doonga. woh un bhedon ki dekhbhal nahin karega jo marnevali hain.+ woh na to nanhin bhedon ko dhoondhega, na zakhmi bhedon ki marham-patti karega+ aur na hi bhali-changi bhedon ko khilayega. ulta, woh moti-taazee bhedon ka maans khaayega+ aur bhedon ke khuron ko ukhaad dega.+
17 dhikkar hai us nikamme charvahe par,+ jo bhedon ko besahara chhod deta hai!+
ek talvar uske baazoo par aur uski daayin aankh par vaar karegi.
uska haath poori tarah sookh jaayegaaur woh daayin aankh se andha ho jaayega.”