jakaryah 12:1-14
12 parmeshvar ki taraf se sandesh:
yahova, jisne aakash ko taana hai,+jisne prithvi ki ninv daali hai,+jisne insan mein jaan* foonki hai, woh ailan karta hai:
“israel ke baare mein yahova ka yah kehna hai,
2 main yarooshalem ko aisa pyala* bana doonga jise peekar aas-paas ke sab log ladkhadayenge. yahooda ke saath-saath yarooshalem ki bhi gherabandi ki jaayegi.+
3 us din main yarooshalem ko sab deshon ke logon ke liye bhaari patthar bana doonga. jo koi use uthayega woh buri tarah ghaayal ho jaayega.+ dharti ke sab raashtra uske khilaf ikattha honge.”+
4 yahova ailan karta hai, “us din main har ghode mein aatank faila doonga aur uske savaar ko paagal kar doonga. main yahooda ke gharane par nazar rakhoonga, magar raashtron ke sab ghodon ko andha kar doonga.
5 yahooda ke shekh* apne man mein kaheinge, ‘yarooshalem ke nivasi hamari taakat hain kyonki senaon ka parmeshvar yahova unke saath hai.’+
6 us din main yahooda ke shekh ko aisa bana doonga, jaise woh lakdiyon ke dher mein jalti angeethi hon aur kate huye anaj ki baalon mein jalti mashal hon.+ woh apne daayen-baayen sab logon ko bhasm kar deinge.+ aur yarooshalem ke nivasi vaapas apni nagri* yarooshalem mein bas jaayenge.+
7 yahova pehale yahooda ke tambuon ko bachayega taaki daavid ke gharane ki shaan aur yarooshalem ke nivasiyon ki shaan, yahooda se badhkar na ho.
8 us din yahova dhaal bankar yarooshalem ke nivasiyon ki raksha karega.+ us din, unmein se thokar khaanevala* daavid ke samaan taakatvar ho jaayega. aur daavid ka gharana ishvar ki tarah, haan, yahova ke swargdoot ki tarah unhein raah dikhayega.+
9 us din main yarooshalem ke khilaf aanevale sabhi raashtron ka sarvanash kar doonga.+
10 main daavid ke gharane aur yarooshalem ke nivasiyon par apni pavitra shakti undeloonga. woh mujhse binti kareinge aur meri manzoori paayenge. woh use dekheinge jise unhonne bheda hai+ aur uske liye aise royenge jaise iklaute bete ki maut ho gayi ho. woh aisa bhaari shok manayenge jaise pehalautha beta mar gaya ho.
11 us din yarooshalem mein bada maatam manaya jaayega, aisa maatam jaisa magiddo ke maidani ilake mein, hadad-rimmon mein manaya gaya tha.+
12 poora desh chhaati peetega aur har parivar alag-alag royega. daavid ke gharane ka parivar alag royega aur unki aurtein alag. naatan+ ke gharane ka parivar alag royega aur unki aurtein alag.
13 levi+ ke gharane ka parivar alag royega aur unki aurtein alag. shimiyon ke gharane+ ka parivar alag royega aur unki aurtein alag.
14 baaki parivar aur unki aurtein bhi alag-alag royenge.
kai footnote
^ ya “saans.”
^ ya “katora.”
^ shekh, gotra ka pradhan tha.
^ ya “apni sahi jagah.”
^ ya “sabse kamzor jan.”
