jakaryah 4:1-14
4 fir jo swargdoot mujhse baat kar raha tha, vaapas aaya. usne aakaar mujhe jagaya jaise koi sote huye ko jagata hai.
2 usne poochha, “tujhe kya dikh raha hai?”
mainne kaha, “mujhe ek deevat dikh raha hai jo sone ka bana hai+ aur uske oopar ek katora hai. deevat par saat deeye hain,+ haan, poore saat deeye! unse saat naliyaan nikaal rahi hain jo us katore se judi hain.
3 deevat ke paas jaitoon ke do ped lage hain.+ ek us katore ke daayin taraf aur doosra baayin taraf.”
4 tab mainne us swargdoot se jo mujhse baat kar raha tha poochha, “hey mere prabhu, in sabka kya matlab hai?”
5 us swargdoot ne jo mujhse baat kar raha tha kaha, “kya tujhe nahin pata?”
mainne kaha, “nahin prabhu, mujhe nahin pata.”
6 tab usne mujhse kaha, “jarubabel ke liye yahova ka yah sandesh hai, senaon ka parmeshvar yahova kehta hai, ‘na kisi sena se, na taakat se+ balki meri pavitra shakti se yah sab hoga.’+
7 hey vishal pahad, tu hai kya cheez? jarubabel+ ke saamne tu samtal* ho jaayega.+ jab woh choti ka patthar lekar aayega to yah aavaz goonj uthegi, ‘bahot khoob! bahot khoob!’”
8 yahova ne fir se mujhe ek sandesh diya:
9 “jarubabel ke haathon ne hi is ghar ki ninv daali thi+ aur usi ke haathon yah ghar bankar poora hoga.+ (tum logon ko jaanna hoga ki senaon ke parmeshvar yahova ne hi mujhe tumhare paas bheja hai.)
10 us chhoti-si shurooat* ko koi tuchh na jaane.+ jarubabel ke haath mein saahul dekhkar log jhoom utheinge aur saat aankhein bhi khushiyaan manaayengi. ye saat aankhein yahova ki hain jo poori prithvi par firti hain.”+
11 fir mainne usse poochha, “deevat ke daayin aur baayin taraf jaitoon ke in do pedon ka kya matlab hai?”+
12 mainne usse doosri baar poochha, “inki do daaliyon* ka kya matlab hai, jo sone ki do naliyon se katore mein sunhara tel undel rahi hain?”
13 usne mujhse kaha, “kya tujhe nahin pata?”
mainne kaha, “nahin prabhu, mujhe nahin pata.”
14 usne kaha, “ye un do abhishikt janon ko darshate hain jo poori dharti ke maalik ke paas khade hain.”+