jakaryah 8:1-23
8 senaon ke parmeshvar yahova ka sandesh ek baar fir mere paas pahuncha:
2 “senaon ka parmeshvar yahova kehta hai, ‘main siyyon ke liye bechain ho utha hoon, andar-hi-andar tadap raha hoon.+ mera krodh bhadak utha hai aur main uski khaatir kadam uthaunga.’”
3 “yahova kehta hai, ‘main vaapas siyyon aaunga+ aur aakaar yarooshalem mein rahoonga.+ yarooshalem sachchai ki* nagri kehlayegi+ aur senaon ke parmeshvar yahova ka pahad, pavitra pahad kehlayega.’”+
4 “senaon ka parmeshvar yahova kehta hai, ‘boodhe log fir se yarooshalem ke chauk mein baitha kareinge. woh haath mein laathi liye raheinge kyonki unki umra bahot lambee hogi.+
5 shehar ke chauk khelte-koodte bachchon se bhare raheinge.’”+
6 “senaon ka parmeshvar yahova kehta hai, ‘chahe un dinon mein yah baat in bache huye logon ko naamumkin lage, par kya mere liye yah baat naamumkin ho sakti hai?’ senaon ke parmeshvar yahova ne yah baat kahi hai.”
7 “senaon ka parmeshvar yahova kehta hai, ‘main apne logon ko poorab aur pashchim ke deshon se chhudaunga.+
8 main unhein vaapas laaunga aur woh yarooshalem mein raheinge.+ woh mere log thehreinge aur main unka nek aur sachcha* parmeshvar thehroonga.’”+
9 “senaon ka parmeshvar yahova kehta hai, ‘hey bhavishyavaktaon ki baatein sunnaevalo,+ himmat se kaam lo!*+ tum unke munh se jo baatein sun rahe ho, woh tab bhi kahi gayi thi jab senaon ke parmeshvar yahova ke mandir ki ninv daali gayi.
10 usse pehale na to logon ko unki mazdoori milti thi, na jaanvaron ka kiraya.+ aur dushman ke dar se kahin aana-jaana khatre se khaali nahin tha kyonki mainne sab logon ko ek-doosre ke khilaf kar diya tha.’
11 senaon ke parmeshvar yahova ka yah ailan hai, ‘magar ab main in bache huye logon ke saath pehale jaisa vyavhar nahin karoonga+
12 kyonki shaanti ke beej boye jaayenge. angoor ki belein faleingi, dharti apni upaj degi+ aur aasman se os giregi. main bache huye logon ko in sab cheezon ka vaaris bana doonga.+
13 hey yahooda ke gharane, hey israel ke gharane, raashtra tumhari misal dekar shaap dete the,+ magar ab main tumhein bachaunga aur tum aasheesh paane ki vajah ban jaaoge.+ daro mat,+ himmat se kaam lo.’*+
14 senaon ka parmeshvar yahova kehta hai, ‘senaon ke parmeshvar yahova ne kaha hai, “jaise tumhare purkhon ke krodh dilane par mainne tum par vipatti laane ki thaan li thi aur mainne apna irada nahin badla,*+
15 vaise hi ab mainne yahooda ke gharane aur yarooshalem ka bhala karne ki thaan li hai.+ isliye tum mat daro!”’+
16 ‘tum yah sab karna: ek-doosre se sach bolna,+ shehar ke faatkon par sachchai se nyay karna aur aise faisle sunana jinse shaanti kaayam ho.+
17 man-hi-man kisi ko barbad karne ki saazish mat rachna+ aur jhoothi shapath mat khaana+ kyonki mujhe in baaton se nafrat hai.’+ yah baat yahova ne kahi hai.”
18 senaon ke parmeshvar yahova ka sandesh ek baar fir mere paas pahuncha:
19 “senaon ka parmeshvar yahova kehta hai, ‘chauthe, paanchvein, saatvein aur dasvein maheene mein jis-jis din yahooda ka gharana upvas karta tha,+ woh jashna aur khushi ke din mein badal jaayega. har kahin khushiyon ka tyohar manaya jaayega.+ isliye sachchai aur shaanti se pyar karo.’
20 senaon ka parmeshvar yahova kehta hai, ‘aisa samay aanevala hai jab desh-desh ke log aur kai shehron ke nivasi aayenge.
21 aur ek shehar ke nivasi doosre shehar ke nivasiyon se jaakaar kaheinge, “aao, yahova se daya ki bheekh maangne chalein. aao, senaon ke parmeshvar yahova ki khoj karein. hum to jaa rahe hain!”+
22 tab kai deshon ke log aur bade-bade raashtra, senaon ke parmeshvar yahova ki khoj karne yarooshalem aayenge+ aur yahova se daya ki bheekh maangeinge.’
23 senaon ka parmeshvar yahova kehta hai, ‘un dinon alag-alag bhasha bolnevale sab raashtron mein se das log,+ ek yahoodi* ke kapde ka chhor pakad leinge. haan, woh uska chhor pakadkar kaheinge, “hum tumhare saath chalna chahte hain+ kyonki hamne suna hai, parmeshvar tumhare saath hai.”’”+
kai footnote
^ ya “vishvasyogya.”
^ ya “vishvasyogya.”
^ shaa., “apne haathon ko mazboot karo.”
^ shaa., “apne haathon ko mazboot karo.”
^ ya “main nahin pachhtaya.”
^ shaa., “ek yahoodi aadmi.”
