laivyavyavastha 10:1-20
10 baad mein haaroon ke beton, naadab aur abeehoo+ ne apna-apna dhoopdan liya aur unmein aag bhari aur dhoop daala.+ fir woh yahova ke saamne aisi aag chadhane lage jo niyam ke khilaf thi,+ jiski aagya parmeshvar ne unhein nahin di thi.
2 magar usi pal yahova ki taraf se un donon par aag barsi+ aur woh yahova ke saamne mar gaye.+
3 tab moosa ne haaroon se kaha, “yahova ne kaha hai, ‘main un logon ke beech pavitra thehroonga jo mere paas aate hain+ aur sab logon ke saamne meri mahima hogi.’” haaroon khaamosh raha.
4 fir moosa ne haaroon ke chaacha ujjiel+ ke bete, meeshael aur elsapan ko bulaya aur unse kaha, “tum donon yahaan aao aur apne bhaaiyon ki laashein pavitra-sthan ke saamne se uthakar chhaavni ke baahar le jaao.”
5 tab woh donon moosa ke kahe mutabik aage aaye aur naadab aur abeehoo ko unke kurton samet uthakar chhaavni ke baahar le gaye.
6 fir moosa ne haaroon aur uske doosre beton, eliazar aur itamar se kaha, “tum dukh ke maare apne baal bikhre huye mat rehne dena, na hi apne kapde faadna,+ varna tum maar daale jaaoge aur parmeshvar ka krodh poori mandli par bhadak uthega. yahova ne jinhein aag se maar daala hai, unke liye tumhare bhaai yaani israel ka poora gharana maatam manayega.
7 magar tum bheint ke tamboo ke dvar se baahar mat jaana, varna tum mar jaaoge kyonki yahova ke pavitra tel se tumhara abhishek hua hai.”+ haaroon aur uske beton ne moosa ke kahe mutabik kiya.
8 fir yahova ne haaroon se kaha,
9 “tu aur tere bete kabhi-bhi daakh-madira ya kisi aur tarah ki sharab peekar bheint ke tamboo mein na aayen,+ varna tum maar daale jaaoge. yah niyam peedhi-dar-peedhi sada ke liye tum par laagoo rahega.
10 yah niyam tumhein isliye diya jaa raha hai taaki tum shuddh aur ashuddh cheezon ke beech aur jo cheezen pavitra hain aur jo pavitra nahin hain, unke beech fark kar sako+
11 aur israeliyon ko woh saare kaayde-kaanoon sikha sako jo yahova ne moosa ke zariye bataye hain.”+
12 fir moosa ne haaroon aur uske bache huye donon beton, eliazar aur itamar se kaha, “yahova ke liye jo anaj ka chadhava aag mein jalakar diya gaya tha, uska bacha hua hissa lo aur usmein khameer milaye bina rotiyaan banao aur vedi ke paas khaao+ kyonki woh bahot pavitra hai.+
13 use pavitra jagah mein hi khaana+ kyonki yahova ke liye aag mein jalakar diye gaye chadhave mein se woh tumhara aur tumhare beton ka hissa hai. mujhe aagya di gayi hai ki tumhein aisa karna hai.
14 aur hilakar diye gaye chadhave mein se seena aur pavitra hisse mein se pair+ bhi tum aur tumhare bete-betiyaan shuddh jagah mein khaayenge.+ israeliyon ki shaanti-baliyon mein se ye cheezen tumhein aur tumhare beton ko di jaati hain.
15 israeli aag mein arpit ki jaanevali charbi ke saath-saath pavitra hisse mein se pair aur hilakar diye jaanevale chadhave mein se seena laayenge taaki woh inhein yahova ke saamne aage-peechhe hilayen. is tarah woh hilakar diya jaanevala chadhava arpit kareinge. iske baad seena aur pair tumhein aur tumhare beton ko diya jaayega. in par hamesha ke liye tumhara hak rahega+ theek jaise yahova ne aagya di hai.”
16 jab moosa ne paap-bali ke liye arpit bakre ko bahot dhyan se dhoondha+ to usne paaya ki use jala diya gaya hai. tab woh haaroon ke bache huye beton yaani eliazar aur itamar par bhadak utha. usne unse kaha,
17 “tumne pavitra jagah par paap-bali ka gosht kyon nahin khaaya?+ woh bahot pavitra cheez hai aur tumhein khaane ke liye diya gaya hai taaki tum mandli ke paap ka lekha de sako aur yahova ke saamne unke liye prayashchit kar sako.
18 is bali ke jaanvar ka khoon pavitra-sthan ke andar nahin laaya gaya tha.+ tumhein pavitra jagah mein use zaroor khaana chahiye tha kyonki mujhe aagya di gayi hai ki tumhein aisa karna hai.”
19 haaroon ne moosa se kaha, “aaj logon ne yahova ke saamne jo paap-bali aur hom-bali chadhayi hai,+ main unka gosht nahin khaa saka. tu achhi tarah jaanta hai ki aaj mujh par kya beeti hai. aise mein agar main paap-bali ka gosht khaata to kya yahova mujhse khush hota?”
20 moosa ko haaroon ki yah baat sahi lagi.
