laivyavyavastha 2:1-16
-
anaj ka chadhava (1-16)
2 agar koi yahova ke liye anaj ka chadhava arpit karna chahta hai,+ to uska chadhava maide ka hona chahiye. woh maide par tel daale aur uske oopar loban rakhe.+
2 fir woh apna chadhava laakaar haaroon ke beton yaani yaajkon ko dega. yaajak us chadhave mein se mutthi-bhar maida, tel aur saara loban lega aur use prateek* ke taur par vedi par jalayega taaki uska dhuaan uthe.+ yah aag mein jalakar yahova ko diya jaanevala chadhava hai, jiski sugandh paakaar woh khush hota hai.
3 anaj ke chadhave ka bacha hua hissa haaroon aur uske beton ka hoga.+ yah aag mein jalakar yahova ko diye gaye chadhave mein se hai aur bahot pavitra hai.+
4 agar tum tandoor mein pake huye anaj ka chadhava dena chahte ho, to woh chadhava maide ka hona chahiye. tum maide ko tel se goondhkar usse chhalle jaisi bin-khameer ki rotiyaan banakar dena ya maide se bin-khameer ki paapdiyaan banana aur un par tel chupadkar dena.+
5 agar tum tave par seinke huye anaj ka chadhava dena chahte ho,+ to woh chadhava tel se gundhe huye bin-khameer ke maide ka bana ho.
6 tum uske tukde-tukde karna aur fir us par tel daalna.+ yah anaj ka chadhava hai.
7 agar tum kadahi mein tale huye anaj ka chadhava dena chahte ho, to woh chadhava maide aur tel ka hona chahiye.
8 in cheezon se bana anaj ka chadhava tum yahova ke paas laana. yah yaajak ko diya jaayega aur yaajak ise vedi ke paas laayega.
9 yaajak usmein se thoda chadhava lega aur use prateek* ke taur par vedi par jalayega taaki uska dhuaan uthe.+ yah aag mein jalakar yahova ko diya jaanevala chadhava hai, jiski sugandh paakaar woh khush hota hai.+
10 anaj ke chadhave ka bacha hua hissa haaroon aur uske beton ka hoga. yah aag mein jalakar yahova ko diye gaye chadhave mein se hai aur bahot pavitra hai.+
11 tum yahova ke liye anaj ka jo bhi chadhava chadhate ho usmein koi khameeri cheez mat milana,+ kyonki khameere aate ya shehad ko aag mein jalakar yahova ke liye chadhava chadhana mana hai.
12 tum khameere aate aur shehad ko pehale fal ke chadhave ke taur par yahova ke liye chadha sakte ho.+ magar ye cheezen vedi par jalane ke liye mat laana, jaise sugandh denevala chadhava laaya jaata hai.
13 tum anaj ke har chadhave mein namak milana. tum anaj ka chadhava namak milaye bagair mat chadhana kyonki namak tumhein apne parmeshvar ke karar ki yaad dilata hai. tum apne har chadhave ke saath namak zaroor arpit karna.+
14 agar tum yahova ke liye paki hui pehali fasal mein se anaj ka chadhava dena chahte ho to anaj ke naye daane* laakaar dena. un daanon ko tum aag mein bhoonna aur dardara kootkar unka chadhava chadhana. yah paki hui pehali fasal mein se anaj ka chadhava hai.+
15 tum us chadhave par tel daalna aur uske oopar loban rakhna. yah anaj ka chadhava hai.
16 yaajak us chadhave mein se koote huye kuch daane aur tel aur saara loban lega aur use prateek* ke taur par jalayega taaki uska dhuaan uthe.+ yah aag mein jalakar yahova ko diya jaanevala chadhava hai.
