luka ke mutabik khushkhabri 11:1-54
11 fir aisa hua ki yeeshu kisi jagah prarthna kar raha tha. jab woh prarthna kar chuka, to uske chelon mein se ek ne usse kaha, “prabhu, jaise yuhanna ne apne chelon ko prarthna karna sikhaya tha, tu bhi hamein prarthna karna sikha.”
2 tab usne kaha, “jab bhi tum prarthna karo to kaho: ‘hey pita, tera naam pavitra kiya jaaye.*+ tera raaj aaye.+
3 har din ki roti hamein deta reh.+
4 hamare paap maaf kar de,+ isliye ki jo bhi hamare khilaf paap karke hamara karzdar ban jaata hai, hum bhi use maaf karte hain.+ aur pareeksha aane par hamein girne na de.’”+
5 fir yeeshu ne unse kaha, “maan lo tumhara ek dost hai aur tum aadhi raat ko jaakaar usse kehte ho, ‘dost, mujhe teen roti udhaar de de,
6 kyonki mera ek dost safar se abhi-abhi mere ghar aaya hai aur mere paas use khilane ke liye kuch bhi nahin hai.’
7 magar woh andar se javab deta hai, ‘mujhe pareshan mat kar. darvaza band ho chuka hai aur mere bachche mere saath bistar par so rahe hain. main uthkar tujhe kuch nahin de sakta.’
8 main tumse kehta hoon, woh use dosti ki khaatir na sahi, magar yah dekhkar ki woh bina sharm ke maangta hi jaa raha hai,+ zaroor uthega aur use jo chahiye dega.
9 isliye main tumse kehta hoon, maangte raho+ to tumhein diya jaayega. dhoondhte raho to tum paaoge. khatkhatate raho to tumhare liye khola jaayega.+
10 kyonki har koi jo maangta hai, use milta hai+ aur har koi jo dhoondhta hai, woh paata hai aur har koi jo khatkhatata hai, uske liye khola jaayega.
11 aakhir tummein aisa kaun-saa pita hai jiska beta agar usse machhli maange, to use machhli ki jagah saanp thama de?+
12 ya agar woh anda maange, to use bichhoo thama de?
13 isliye jab tum dusht hokar bhi apne bachchon ko achhe tohfe dena jaante ho to tumhara pita, jo swarg mein hai, aur bhi badhkar apne maangnevalon ko pavitra shakti* kyon na dega!”+
14 baad mein, yeeshu ne ek aadmi mein se dusht swargdoot nikaala, jisne us aadmi ko goonga kar diya tha.+ jab dusht swargdoot nikaal gaya to woh aadmi bolne laga. yah dekhkar bheed hairan reh gayi.+
15 magar unmein se kuch ne kaha, “woh dusht swargdooton ke raja baal-zabool* ki madad se dusht swargdoot paayenge hai.”+
16 jabki doosre log yeeshu ki pareeksha lene ke liye usse swarg se ek chinh maangne lage.+
17 yeeshu jaanta tha ki woh kya soch rahe hain+ isliye usne unse kaha, “jis raaj mein fut pad jaaye, woh barbad ho jaayega aur jis ghar mein fut pad jaaye woh naash ho jaayega.
18 usi tarah agar shaitan apne hi khilaf ho jaaye, to uska raaj kaise tikega? kyonki tum kehte ho ki main baal-zabool ki madad se dusht swargdooton ko paayenge hoon.
19 agar main baal-zabool ki madad se dusht swargdooton ko paayenge hoon, to tumhare bete kiski madad se inhein nikaalte hain? isliye woh hi tumhare nyayi thehreinge.
20 lekin agar main parmeshvar ki pavitra shakti*+ se dusht swargdooton ko paayenge hoon, to iska matlab parmeshvar ka raaj tumhare haath se nikaal chuka hai.+
21 jab koi taakatvar aadmi saare hathiyar lekar apne ghar ki rakhvali karta hai, to uski jaaydad koi nahin le sakta.
22 magar jab koi usse bhi taakatvar aadmi us par hamla karke use hara deta hai, to woh uske saare hathiyar chheen leta hai jin par use bharosa tha aur uski jaaydad lootkar baant deta hai.
23 jo meri taraf nahin hai, woh mere khilaf hai aur jo mere saath nahin batorta, woh titar-bitar kar deta hai.+
24 jab ek dusht swargdoot kisi aadmi se baahar nikaal aata hai, to aaram karne ki jagah dhoondhne ke liye sookhe ilakon mein firta hai, magar jab use koi jagah nahin milti, to kehta hai, ‘main apne jis ghar se nikala tha usmein fir laut jaaunga.’+
25 woh aakaar paata hai ki woh ghar saaf-suthra aur saja hua hai.
26 tab woh jaakaar saat aur swargdooton ko laata hai jo usse bhi dusht hain. fir woh sab us aadmi mein samakar vahin bas jaate hain. tab us aadmi ki haalaat pehale se bhi badtar ho jaati hai.”
27 jab woh ye baatein bata raha tha, to bheed mein se kisi aurat ne unchi aavaz mein usse kaha, “sukhi hai woh aurat jiski kokh mein tu raha aur jiska toone doodh peeya!”+
28 magar yeeshu ne kaha, “nahin, iske bajay sukhi hain woh jo parmeshvar ka vachan sunte hain aur us par chalte hain!”+
29 jab bheed badhne lagi, to usne kaha, “yah ek dusht peedhi hai jo ek chinh dekhna chahti hai. magar ise yona ke chinh ko chhod aur koi chinh nahin diya jaayega.+
30 isliye ki jis tarah yona+ neenve ke logon ke liye ek chinh thehra tha, usi tarah insan ka beta bhi is peedhi ke liye chinh thehrega.
31 dakshin ki raani+ ko nyay ke vakt is peedhi ke logon ke saath uthaya jaayega aur woh inhein doshi thehrayegi kyonki woh sulaiman ki buddhi ki baatein sunnae ke liye prithvi ke chhor se aayi thi. magar dekho! yahaan woh maujood hai jo sulaiman se bhi badhkar hai.+
32 neenve ke log nyay ke vakt is peedhi ke saath utheinge aur ise doshi thehrayenge kyonki unhonne yona ka prachar sunkar pashchatap kiya tha.+ magar dekho! yahaan woh maujood hai jo yona se bhi badhkar hai.
33 ek insan deepak jalakar use aad mein nahin rakhta, na hi tokri* se dhakkar rakhta hai, magar deevat par rakhta hai+ taaki andar aanevalon ko raushni mile.
34 teri aankh tere shareer ka deepak hai. agar teri aankh ek hi cheez par tiki hai,* to tera saara shareer raushan hai. lekin agar teri aankhon mein irshya bhari hai,* to tera saara shareer andhkar se bhara hai.+
35 dhyan rahe ki tumhein raushni denevali aankh kahin andhere mein na ho.
36 isliye agar tera saara shareer raushan hai aur uska koi bhi hissa andhkar mein nahin, to poora shareer aisa raushan hoga, jaise ek deepak apni kirnon se tumhein raushni deta hai.”
37 jab woh yah kah chuka, to ek fareesi ne usse guzarish kee ki woh uske yahaan khaane par aaye. isliye woh uske ghar gaya aur khaane baitha.*
38 lekin fareesi ko yah dekhkar hairani hui ki usne khaane se pehale haath nahin dhoye.*+
39 magar prabhu ne usse kaha, “hey fareesiyo, tum un pyalon aur thaaliyon ki tarah ho jinhein sirf baahar se saaf kiya jaata hai, magar andar se woh gande hain. tumhare andar laalach aur dushtata bhari hui hai.+
40 are akaal ke dushmano! jisne baahar se banaya hai, kya usi ne andar se nahin banaya?
41 isliye tum jo daan* dete ho woh dil se do, tab tum poori tarah shuddh thehroge.
42 magar dhikkar hai tum fareesiyon par! kyonki tum pudeene, sudab aur is tarah ke har saag-paat* ka dasvaan hissa to dete ho,+ magar nyay aur parmeshvar se pyar karne ki aagya ko koi ahmiyat nahin dete. maana ki yah sab dena tumhara farz hai, magar tumhein un doosri baaton ko bhi tuchh nahin samajhna chahiye.+
43 dhikkar hai tum fareesiyon par! kyonki tumhein sabha-gharon mein sabse aage ki* jagahon par baithna aur baazaron mein logon se namaskar sunnaa pasand hai!+
44 dhikkar hai tum par! kyonki tum un kabraon* jaise ho jo oopar se dikhayi nahin detin,*+ isliye log un par chalte-firte hain aur unhein pata hi nahin chalta!”
45 yah sunkar kaanoon ke ek jaankar ne usse kaha, “guru, yah sab kehkar tu hamari beizzati kar raha hai.”
46 tab yeeshu ne kaha, “are kaanoon ke jaankaro, tum par bhi dhikkar hai! kyonki tum aise niyam banate ho jo logon par bhaari bojh ki tarah hain, magar tum khud is bojh ko uthane ke liye apni ek ungli tak nahin lagate!+
47 dhikkar hai tum par, kyonki tum bhavishyavaktaon ki kabrein* banvate ho, jabki tumhare purkhon ne unhein maar daala tha!+
48 beshak tum apne purkhon ki kartootein jaante ho, fir bhi tum unhein sahi batate ho. unhonne bhavishyavaktaon ko maar daala tha+ aur tum unhin bhavishyavaktaon ki kabrein banate ho.
49 isliye parmeshvar ne apni buddhi ki badaulat* kaha, ‘main unke paas bhavishyavaktaon aur preshiton ko bhejoonga aur woh unmein se kuch par zulm kareinge aur kuch ko maar daaleinge
50 taaki duniya ki shurooat se jitne bhavishyavaktaon ka khoon bahaya gaya hai unke khoon ka dosh is peedhi par aaye,*+
51 yaani haabil ke khoon+ se lekar jakaryah ke khoon tak, jise vedi aur mandir ke beech maar daala gaya tha.’+ haan, main tumse kehta hoon ki un sabke khoon ka dosh is peedhi par aayega.*
52 dhikkar hai tum par jo kaanoon ke jaankar ho, kyonki tumne woh chaabi lekar rakh li hai, jo parmeshvar ke baare mein gyaan ka darvaza kholti hai. tum khud us darvaze ke andar nahin gaye aur jo jaa rahe hain unhein bhi tum rok dete ho!”+
53 jab yeeshu vahaan se baahar nikala, to shaastri aur fareesi buri tarah uske peechhe pad gaye aur unhonne uske saamne savalon ki jhadi laga di.
54 woh is taak mein the ki uske munh se koi aisi baat nikle jisse woh use pakad sakein.+
kai footnote
^ ya “pavitra maana jaaye; samjha jaaye.”
^ shaitan ko diya ek naam.
^ shaa., “ungli.”
^ ya “naapne ki tokri.”
^ ya “saaf-saaf dekhti hai.” shaa., “saadi.”
^ shaa., “aankh buri; dusht hai.”
^ ya “mez se tek lagakar baitha.”
^ yaani rivaz ke mutabik haath nahin dhoye.
^ ya “har tarah ki sabzee.”
^ ya “sabse badhiya.”
^ ya “smarak kabraon.”
^ ya “jin par koi nishani nahin hoti.”
^ ya “smarak kabrein.”
^ shaa., “parmeshvar ki buddhi ne.”
^ ya “khoon ka hisab maanga jaaye.”
^ ya “khoon ka hisab maanga jaayega.”
