markus ke mutabik khushkhabri 1:1-45
-
yuhanna baptisma denevale ka prachar kaam (1-8)
-
yeeshu ka baptisma (9-11)
-
shaitan ne yeeshu ko fuslane ki koshish ki (12, 13)
-
yeeshu ne galeel mein prachar shuroo kiya (14, 15)
-
shurooati chele chune gaye (16-20)
-
dusht swargdoot nikaala gaya (21-28)
-
yeeshu kafarnahoom mein kai beemaron ko theek karta hai (29-34)
-
ekaant jagah mein prarthna karta hai (35-39)
-
ek kodhi ko theek karta hai (40-45)
1 parmeshvar ke bete yeeshu maseeh ke baare mein khushkhabri yoon shuroo hoti hai:
2 bhavishyavaktaa yashayah ki kitab mein likha hai: “(dekh! main apna doot tere aage-aage bhej raha hoon, jo tere liye raasta taiyar karega.)+
3 suno! veerane mein koi pukar raha hai: ‘yahova* ka raasta taiyar karo, uski sadkein seedhi karo.’”+
4 isi ke mutabik, yuhanna baptisma denevala veeran ilakon mein aaya. woh prachar karne laga ki logon ko baptisma lena hoga, jo is baat ki nishani thehrega ki unhonne apne paapon ka pashchatap kiya hai aur woh maafi paana chahte hain.+
5 isliye poore yahoodiya pradesh aur yarooshalem ke sab log yuhanna ke paas jaane lage. woh apne paapon ko khulkar maan lete the aur woh unhein yardan nadi mein baptisma deta* tha.+
6 yuhanna unt ke baalon se bane kapde pehanta tha aur kamar par chamde ka patta baandha karta tha.+ woh tiddiyaan aur jangli shehad khaata tha.+
7 woh yah prachar karta tha: “mere baad jo aanevala hai woh mujhse kahin shaktishali hai. main is laayak bhi nahin ki jhukkar uski jootiyon ke feete kholoon.+
8 main to tumhein paani se baptisma deta hoon, magar woh tumhein pavitra shakti se baptisma dega.”+
9 unhin dinon yeeshu, galeel pradesh ke naasrat shehar se yuhanna ke paas aaya aur usne yardan mein yuhanna se baptisma liya.+
10 jaise hi yeeshu paani mein se oopar aaya, usne aakash ko khulte aur pavitra shakti ko ek kabootar ke roop mein apne oopar utarte dekha.+
11 fir swarg se aavaz sunayi di: “tu mera pyara beta hai, mainne tujhe manzoor kiya hai.”+
12 iske turant baad pavitra shakti ne yeeshu ko veerane mein jaane ke liye udhaara.
13 yeeshu 40 din tak veerane mein hi raha, jahaan shaitan ne use fuslane ki koshish ki.+ woh jangli jaanvaron ke beech raha aur swargdooton ne uski seva ki.+
14 fir yuhanna ke giraftar hone ke baad, yeeshu galeel gaya+ aur parmeshvar ki khushkhabri sunane laga.+
15 usne yah prachar kiya, “tay kiya gaya vakt aa chuka hai aur parmeshvar ka raaj paas aa gaya hai. isliye hey logo, pashchatap karo+ aur khushkhabri par vishvas karo.”
16 fir yeeshu ne galeel jheel ke kinare chalte-chalte shamaun aur uske bhaai andriyas ko dekha.+ woh donon machhuvare the aur jheel mein apne jaal daal rahe the.+
17 yeeshu ne unse kaha, “mere peechhe ho lo aur jis tarah tum machhliyaan pakadte ho, main tumhein insanon ko pakadnevale banaunga.”+
18 tab woh fauran apne jaal chhodkar uske peechhe chal diye.+
19 thodi door chalne par yeeshu ne yakub aur uske bhaai yuhanna ko dekha. ye donon jabdi ke bete the aur apni naav mein jaal theek kar rahe the.+
20 usne bina der kiye unhein bulaya. tab woh apne pita jabdi ko mazdooron ke saath naav mein chhodkar yeeshu ke peechhe chal diye.
21 iske baad woh kafarnahoom gaye.
jaise hi sabt ka din shuroo hua, woh vahaan ke sabha-ghar mein gaya aur logon ko sikhane laga.+
22 log uske sikhane ka tareeka dekhkar dang reh gaye, kyonki woh unhein shaastriyon ki tarah nahin, balki adhikar rakhnevale ki tarah sikha raha tha.+
23 vahin sabha-ghar mein ek aisa aadmi tha jismein ek dusht swargdoot samaya tha. us aadmi ne chillakar kaha,
24 “hey yeeshu naasri, hamein tujhse kya lena-dena?+ kya tu hamein naash karne aaya hai? main jaanta hoon tu asal mein kaun hai, tu parmeshvar ka pavitra jan hai!”+
25 magar yeeshu ne use fatkaara, “chup ho jaa aur usmein se baahar nikaal jaa!”
26 tab us dusht swargdoot ne us aadmi ko maroda aur fir zor se cheekhta hua usmein se baahar nikaal gaya.
27 yah dekhkar sab log hairan reh gaye aur aapas mein kehne lage, “yah kya hai? yah to koi nayi shiksha hai! woh dusht swargdooton ko bhi adhikar ke saath aagya deta hai aur woh uski maante hain.”
28 aur yeeshu ki charcha badi tezee se galeel ke poore ilake mein fail gayi.
29 tab woh sabha-ghar se nikaalkar shamaun aur andriyas ke ghar gaye.+ yakub aur yuhanna bhi unke saath the.
30 shamaun ki saas+ beemar thi aur bukhar mein padi thi. unhonne fauran yeeshu ko uske baare mein bataya.
31 yeeshu uske paas gaya aur usne haath pakadkar use uthaya. tab uska bukhar utar gaya aur woh unki seva karne lagi.
32 fir shaam ko jab sooraj dhal chuka tha tab log un sabhi ko jo beemar the aur jinmein dusht swargdoot samaye the, yeeshu ke paas laane lage.+
33 yahaan tak ki poora shehar unke darvaze par jama ho gaya.
34 tab usne aise bahot-se logon ko theek kiya jinhein tarah-tarah ki beemariyaan thi.+ usne kai dusht swargdooton ko bhi nikaala magar woh un dusht swargdooton ko bolne nahin deta tha, kyonki woh jaante the ki woh maseeh hai.*
35 agli subah jab andhera hi tha, tab yeeshu uthkar baahar gaya aur kisi ekaant jagah ki taraf nikaal pada. vahaan woh prarthna karne laga.+
36 magar shamaun aur uske saathi use dhoondhne nikle
37 aur jab woh unhein mila to unhonne kaha, “sab log tujhe dhoondh rahe hain.”
38 magar usne kaha, “aao hum kahin aur aas-paas ki bastiyon mein jaayen taaki main vahaan bhi prachar kar sakoon kyonki main iseeliye aaya hoon.”+
39 woh vahaan se gaya aur poore galeel ke sabha-gharon mein prachar karta raha aur logon mein samaye dusht swargdooton ko paayenge raha.+
40 fir uske paas ek kodhi bhi aaya aur uske saamne ghutne tekkar gidgidane laga, “bas agar tu chahe, to mujhe shuddh kar sakta hai.”+
41 use dekhkar yeeshu tadap utha aur apna haath badhakar use chhua aur kaha, “haan, main chahta hoon. shuddh ho jaa.”+
42 usi pal uska kodh gaayab ho gaya aur woh shuddh ho gaya.
43 fir yeeshu ne use fauran vida kar diya aur use sakhti se kaha,
44 “dekh, kisi se kuch na kehna. magar jaakaar khud ko yaajak ko dikha aur moosa ne shuddh hone ke liye bheint mein jo-jo cheezen chadhane ke liye kaha tha unhein chadha+ taaki unhein gavahi mile.”+
45 lekin vahaan se jaate hi woh aadmi sabko batane laga. usne yah kissa itna mashhoor kar diya ki iske baad yeeshu khuleaam kisi shehar mein na jaa saka balki ekaant ilakon mein hi raha. fir bhi, log har kahin se uske paas aate rahe.+
