matti ke mutabik khushkhabri 11:1-30
11 jab yeeshu apne 12 chelon ko hidaytein de chuka, to woh vahaan se doosre shehron mein sikhane aur prachar karne nikaal pada.+
2 lekin jab jail mein yuhanna+ ne maseeh ke kaamon ki charcha suni, to usne apne chelon ko uske paas bheja+
3 ki woh usse poochhein, “woh jo aanevala tha, kya tu hi hai ya hum kisi aur ki aas lagayen?”+
4 yeeshu ne unse kaha, “jo kuch tum dekhte aur sunte ho, jaakaar woh sab yuhanna ko batao:+
5 andhe ab dekh rahe hain,+ langde chal-fir rahe hain, kodhi shuddh kiye jaa rahe hain,+ behre sun rahe hain, mare huon ko zinda kiya jaa raha hai aur gareebon ko khushkhabri sunayi jaa rahi hai.+
6 sukhi hai woh jo mere baare mein shak nahin karta.”*+
7 jab woh vahaan se chal diye, to yeeshu bheed se yuhanna ke baare mein yah kehne laga, “tum veerane mein kya dekhne gaye the?+ hava se idhar-udhaar hilte kisi narkat ko?+
8 fir tum kya dekhne gaye the? kya reshmi mulayam* kapde pehne kisi aadmi ko? reshmi mulayam kapde pehannevale to raajaon ke mahlon mein hote hain.
9 to aakhir tum kyon gaye the? ek bhavishyavakta ko dekhne? haan. balki main tumse kehta hoon, bhavishyavakta se bhi badhkar kisi ko dekhne gaye the.+
10 yah vahi hai jiske baare mein likha hai, ‘dekh! main apna doot tere aage-aage bhej raha hoon, jo tere liye raasta taiyar karega!’+
11 main tumse sach kehta hoon, ab tak jitne bhi insan paida huye hain, unmein yuhanna baptisma denevale se bada koi bhi nahin. magar jo swarg ke raaj mein sabse chhota hai, woh yuhanna se bhi bada hai.+
12 yuhanna baptisma denevale ke dinon se ab tak, swarg ka raaj woh lakshya hai jise paane ke liye log zor laga rahe hain aur jo poori koshish kar rahe hain, woh use paa rahe hain.*+
13 kyonki saare bhavishyavaktaon aur kaanoon ne yuhanna ke samay tak bhavishyavani ki.+
14 chahe tum is baat ko maano ya na maano, ‘jis eliyah ka aana tay hai,’ woh yahi hai.+
15 kaan lagakar suno ki main kya kah raha hoon.
16 main is peedhi ki tulna kisse karoon?+ yah aisi hai maano baazaron mein baithe bachche apne saath khelnevalon ko pukarkar kah rahe hon,
17 ‘hamne tumhare liye baansuri bajayi magar tum nahin naache. hum roye magar tumne dukh ke maare chhaati nahin peeti.’
18 vaise hi yuhanna auron ki tarah khaata-peeta nahin aaya fir bhi log kehte hain, ‘usmein dusht swargdoot samaya hai,’
19 jabki insan ka beta auron ki tarah khaata-peeta aaya,+ fir bhi log kehte hain, ‘dekho! yah aadmi petoo aur piyakkad hai aur kar-vasoolnevalon aur paapiyon ka dost hai.’+ lekin buddhi apne kaamon* se sahi saabit hoti hai.”*+
20 fir woh un shehron ko dhikkarne laga, jahaan usne zyadatar shaktishali kaam kiye the, kyonki unhonne pashchatap nahin kiya:
21 “hey khurajeen, dhikkar hai tujh par! hey baitsaida, dhikkar hai tujh par! kyonki jo shaktishali kaam tummein huye the, agar woh sor aur seedon mein huye hote, to vahaan ke logon ne taat odhkar aur raakh mein baithkar kab ka pashchatap kar liya hota.+
22 isliye main tumse kehta hoon ki nyay ke din sor aur seedon ka haal, tumhare haal se zyada sehne laayak hoga.+
23 aur kafarnahoom+ tu, tu kya sochta hai ki tujhe aakash tak uncha kiya jaayega? tu to neeche kabraa mein jaayega+ kyonki jo shaktishali kaam tujhmein kiye gaye the, agar woh sadom mein huye hote to woh aaj tak bana rehta.
24 main tujhse kehta hoon ki nyay ke din sadom ka haal, tere haal se zyada sehne laayak hoga.”+
25 us vakt yeeshu ne kaha, “hey pita, swarg aur prithvi ke maalik, main sabke saamne teri badai karta hoon ki toone ye baatein buddhimanon aur gyaaniyon se to chhipaye rakhin, magar nanhe-munnon par prakat ki hain.+
26 kyonki hey pita, tujhe yahi tareeka manzoor hai.
27 mere pita ne sabkuch mere haath mein saunpa hai.+ aur koi bete ko poori tarah nahin jaanta siva pita ke,+ na hi koi pita ko poori tarah jaanta hai siva bete ke aur uske, jis par beta use prakat karna chahe.+
28 hey kadi mazdoori karnevalo aur bojh se dabe logo, tum sab mere paas aao, main tumhein taro-taaza karoonga.
29 mera jua uthao aur mujhse seekho kyonki main komal swabhav ka aur dil se deen hoon+ aur tum taazgi paaoge.
30 isliye ki mera jua uthana aasan hai aur mera bojh halka hai.”
kai footnote
^ ya “meri vajah se thokar nahin khaata.”
^ ya “shaandar.”
^ ya “use kabze mein kar rahe hain.”
^ ya “nateejon.”
^ ya “buddhi ki jeet hoti hai.”
