matti ke mutabik khushkhabri 28:1-20
28 sabt ke baad, hafte ke pehale din pau fatte hi mariyam magadleeni aur doosri mariyam kabraa ko dekhne aayin.+
2 kuch samay pehale ek bhaari bhookamp aaya tha kyonki yahova* ka doot swarg se utra tha. usne kabraa ke munh par rakha patthar ludhka diya tha aur us par baitha hua tha.+
3 uska roop bijli jaisa tha aur uske kapde barf jaise safed the.+
4 pehredar usse itne dar gaye the ki woh kaanpne lage aur murde jaise ho gaye.
5 magar jab ye aurtein kabraa par aayin, to swargdoot ne unse kaha, “daro mat. tum yeeshu ko dhoondh rahi ho na, jise kaath par latkakar maar daala gaya tha?+
6 woh yahaan nahin hai. jaisa usne kaha tha, use zinda kar diya gaya hai.+ aakaar yah jagah dekho jahaan use rakha gaya tha.
7 ab tum jaldi jaao aur jaakaar uske chelon ko batao ki use mare huon mein se zinda kar diya gaya hai aur woh tumse pehale galeel jaayega+ aur vahaan tum use dekhoge. main tumhein yahi sandesh dene aaya hoon.”+
8 yah sunkar woh fauran kabraa ke paas se nikaal padin. woh dari hui thi par saath hi, khushi se fooli nahin sama rahi thi. woh uske chelon ko khabar dene ke liye daudi-daudi jaa rahi thi+
9 ki achanak yeeshu unse raaste mein mila aur unhein salam kaha. woh uske paas gayin aur unhonne uske pair pakad liye aur use jhukkar pranam* kiya.
10 tab yeeshu ne unse kaha, “daro mat! jaakaar mere bhaaiyon ko khabar do ki woh galeel chale jaayen. woh mujhe vahaan dekheinge.”
11 jab ye aurtein raaste mein hi thi, to kabraa par pehra denevale pehredaron mein se kuch,+ shehar mein gaye aur unhonne saari ghatnayen pradhan yaajkon ko sunayin.
12 tab pradhan yaajkon ne mukhiyaon ko bulaya aur unke saath salah-mashvira karne ke baad sainikon ko ghoos mein bahot chaandi di
13 aur unse kaha, “tum bol dena ki raat mein jab hum so rahe the, tab uske chele aaye aur use churakar le gaye.+
14 aur agar yah baat raajyapal ke kaanon tak pahunchegi, to hum use samjha deinge* aur tumhari saari chinta door kar deinge.”
15 tab pehredaron ne chaandi ke sikke le liye aur unhein jaisa bataya gaya tha unhonne vaisa hi kiya aur aaj tak har kahin yah kissa yahoodiyon mein faila hua hai.
16 woh 11 chele galeel mein us pahad par gaye,+ jahaan yeeshu ne unhein milne ke liye kaha tha.+
17 jab unhonne use dekha to jhukkar pranam* kiya, magar unmein se kuch ne shak kiya.
18 yeeshu unke paas aaya aur usne kaha, “swarg mein aur dharti par saara adhikar mujhe diya gaya hai.+
19 isliye jaao aur sab raashtron ke logon ko mera chela banna sikhao+ aur unhein pita, bete aur pavitra shakti ke naam se baptisma do.+
20 aur unhein woh saari baatein maanna sikhao jinki mainne tumhein aagya di hai.+ aur dekho! main duniya ki vyavastha* ke aakhiri vakt+ tak hamesha tumhare saath rahoonga.”
