nyayiyon 14:1-20
14 fir shimshon timna gaya. vahaan usne ek palishti ladki ko dekha.
2 usne jaakaar apne maa-baap se kaha, “timna mein mainne ek palishti ladki dekhi hai. main chahta hoon ki tum usse meri shaadi karva do.”
3 magar uske maa-baap ne usse kaha, “kya tujhe hamare rishtedaron aur hamare logon mein koi ladki nahin mili,+ jo tu khatnarahit palishtiyon ki ladki se shaadi karna chahta hai?” magar shimshon ne apne pita se kaha, “meri shaadi usi se karva do, vahi mere liye sahi rahegi.”
4 uske maa-baap yah nahin samajh paaye ki yahova hi use aisa karne ke liye udhaar raha hai kyonki woh palishtiyon ke khilaf kadam uthane ka raasta taiyar kar raha tha. us samay palishti israeliyon par raaj kar rahe the.+
5 tab shimshon apne maa-baap ke saath timna gaya. jab woh timna mein angooron ke baag ke paas pahuncha, to achanak ek sher uske saamne aaya aur garajne laga.
6 usi vakt yahova ki pavitra shakti shimshon par kaam karne lagi+ aur usne apne donon haathon se sher ko aise cheer daala jaise koi bakri ke bachche ko cheer deta hai. magar is baare mein usne apne maata-pita ko kuch nahin bataya.
7 fir shimshon us ladki ke paas gaya aur usse baatein kin. use yakeen ho gaya ki yah ladki uske liye bilkul sahi rahegi.+
8 kuch samay baad shimshon us ladki ko apne ghar laane ke liye nikala.+ raaste mein woh mare huye sher ko dekhne gaya. vahaan use sher ka kankal mila, jismein madhumakkhiyon ne chhatta bana liya tha aur chhatte mein bahot-saa shehad tha.
9 shimshon ne shehad apne haath par nikaala aur use khaate-khaate apne maa-baap ke peechhe gaya. usne unhein bhi thoda shehad khaane ko diya, magar yah nahin bataya ki usne sher ke kankal se use nikaala hai.
10 fir shimshon apne pita ke saath ladki ke yahaan gaya aur vahaan usne ek daavat rakhi. un dinon yah dastoor tha ki doolhe is tarah ki daavat rakhte the.
11 jab shimshon daavat mein aaya to 30 aadmiyon se kaha gaya ki woh doolhe ke saath-saath rahein.
12 shimshon ne un aadmiyon se kaha, “main tumse ek paheli poochhta hoon. agar tum in saat dinon mein daavat ke khatm hone se pehale woh paheli boojh loge, to main tumhein 30 malmal ke kurte aur 30 jode kapde doonga.
13 lekin agar tum woh paheli nahin boojh paaye, to tumhein mujhe 30 kurte aur 30 jode kapde dene padeinge.” tab unhonne kaha, “zara hum bhi to sunein kya paheli poochhna chahta hai tu.”
14 shimshon ne kaha,
“khaata hai jo sabko, mila usse kuch khaane ko,taakat usmein hai apar, behti usse meethi dhaar.”+
teen din tak woh sochte rahe magar us paheli ko na boojh sake.
15 chauthe din unhonne shimshon ki patni* se kaha, “apne pati* ko fuslakar+ usse paheli ka javab poochh aur aakaar hamein bata. varna hum tujhe aur tere pita ke poore gharane ko jala deinge. kya toone hamein daavat par iseeliye bulaya tha ki hum lut jaayen?”
16 tab shimshon ki patni yah kehkar uske saamne rone-dhone lagi, “tu mujhse pyar nahin nafrat karta hai,+ tabhi toone mujhe us paheli ka javab nahin bataya jo toone mere logon se poochhi hai.” shimshon ne kaha, “mainne apne maa-baap ko nahin bataya to tujhe kaise bata doon!”
17 lekin jitne din daavat chali utne din woh shimshon ke aage roti rahi. saatvein din shimshon ne tang aakaar use paheli ka javab bata diya aur usne jaakaar apne logon ko bata diya.+
18 saatvein din sooraj dhalne se pehale* shehar ke aadmiyon ne aakaar shimshon se kaha,
“shehad ki dhaar se meetha aur kya ho sakta haiaur sher se taakatvar kaun ho sakta hai?”+
shimshon ne unse kaha,
“agar tumne meri gaay ko hal mein na jota hota,*+to tum yah paheli kabhi na boojh paate.”
19 tab yahova ki pavitra shakti shimshon par kaam karne lagi+ aur usne ashkalon+ jaakaar vahaan 30 aadmiyon ko maar daala. usne unke kapde utar liye aur jaakaar un logon ko de diye jinhonne uski paheli ka javab bataya tha.+ iske baad woh gusse mein apne pita ke ghar laut aaya.
20 fir shimshon ki patni+ ki shaadi, daavat mein shimshon ke saath rehnevale ek aadmi se kara di gayi.+
kai footnote
^ ibri dastoor ke mutabik mangetar ko patni kaha jaata tha.
^ ibri dastoor ke mutabik mangetar ko pati kaha jaata tha.
^ ya shaayad, “isse pehale ki woh andarvale kamre mein jaata.”
^ yaani unhonne uski patni se apna kaam nikaalvaya.
