root 2:1-23
2 naaomi ke pati eleemelek ka ek rishtedar tha, jo usi ke kul se tha. uska naam tha boaz.+ woh ek ameer aadmi tha.
2 ek din moabee root ne naaomi se kaha, “agar tu kahe to kya main kheton mein jaaun aur baalein been laaun?+ jo koi mujh par daya karega, main uske peechhe-peechhe jaakaar baalein ikatthi karoongi.” tab naaomi ne kaha, “theek hai meri beti, jaa.”
3 root kheton mein gayi aur katai karnevalon ke peechhe-peechhe baalein beenne lagi. ittafak se woh us khet mein gayi, jo eleemelek+ ke rishtedar boaz+ ka tha.
4 tabhi boaz betlehem shehar se baahar apne kheton mein aaya. usne apne katai karnevalon se kaha, “yahova tumhare saath rahe.” unhonne bhi kaha, “yahova tujhe aasheesh de.”
5 boaz ne katai karnevalon ke adhikari se poochha, “woh ladki kaun hai? kiske gharane se hai?”
6 usne javab diya, “woh ek moabee hai,+ naaomi ke saath moab ke ilake se aayi hai.+
7 jab woh khet mein aayi to usne mujhse poochha, ‘kya main anaj ki un baalon ko been sakti hoon*+ jo katai karnevale chhod rahe hain?’ woh subah se lagi hui hai, bas kuch der pehale thoda aaram karne ke liye chhappar ke neeche baithi thi.”
8 boaz ne root se kaha, “sun beti. tu kisi aur ke khet mein beenne mat jaana. bas mere khet mein kaam karnevali aurton ke saath rehna.+
9 dekhti rehna ki kahaan-kahaan katai ho rahi hai aur aurton ke saath-saath jaana. mainne apne aadmiyon se keh diya hai ki woh tujhe pareshan na karein. agar tujhe pyas lage to in ghadon se paani pi lena jo mere aadmiyon ne bharkar rakhe hain.”
10 tab root ne zameen par girkar boaz ko pranam kiya aur kaha, “kya main jaan sakti hoon ki mujh pardesi par dhyan dene aur meharbani karne ki kya vajah hai?”+
11 boaz ne kaha, “mujhe bataya gaya hai ki toone apne pati ki maut ke baad apni saas ke liye kitna kuch kiya. tu apne maa-baap aur apne desh ko chhodkar aise logon ke beech rehne aayi, jinhein tu jaanti tak nahin.+
12 yahova tujhe aasheesh de+ aur israel ke parmeshvar yahova se tujhe poora inam mile, jiske pankhon tale toone panah li hai.”+
13 yah sunkar root ne kaha, “hey mere maalik, teri meharbani mujh par bani rahe. main to tere daas-daasiyon mein se nahin hoon, fir bhi toone is daasi ko dilasa diya aur apni baaton se iski himmat badhayi.”
14 jab khaane ka vakt hua to boaz ne root se kaha, “aa, roti khaa le. apni roti khatti daakh-madira mein dubokar khaa.” root katai karnevalon ke paas baith gayi. boaz ne use bhuna hua anaj diya. root ne bharpet khaaya aur kuch anaj bach bhi gaya.
15 jab root baalein beenne ke liye uthi,+ to boaz ne apne aadmiyon ko aagya di, “use anaj ki kati hui baalein* beenne dena. aur koi use tang na kare.+
16 gattharon se bhi kuch baalein gira dena ki woh unhein been sake. use rokna mat.”
17 root shaam tak khet mein beenti rahi.+ jab usne ikattha ki hui baalon ko peetkar anaj nikaala, to kareeb ek epa* jau nikala.
18 woh use lekar shehar laut aayi. usne apni saas ko dikhaya ki woh kya beenkar laayi hai. root ne use woh khaana bhi diya jo bach gaya tha.+
19 uski saas ne poochha, “tu kiske khet mein beenne gayi thi? jisne bhi tujh par daya ki, uska bhala ho.”+ root ne kaha, “main jis aadmi ke khet mein been rahi thi uska naam boaz hai.”
20 naaomi ne apni bahoo se kaha, “yahova use aasheesh de. sachmuch, parmeshvar jeeviton aur mare huon ke liye apne atal pyar ka saboot dena kabhi nahin chhodta.”+ naaomi ne yah bhi kaha, “woh aadmi hamara rishtedar hai+ aur hamare chhudanevalon mein se ek hai.”+
21 moabee root ne kaha, “usne mujhse yah bhi kaha ki jab tak mere log fasal ki katai poori na kar lein, tu unke saath hi rehna.”+
22 naaomi ne apni bahoo root se kaha, “beti, yahi achha hoga ki tu uske khet mein kaam karnevali aurton ke saath rahe, varna doosre kheton mein log bevajah tujhe pareshan kareinge.”
23 isliye root, boaz ke khet mein kaam karnevali aurton ke saath hi rahi aur jau aur gehoon ki katai khatm hone tak baalein beenti rahi.+ root ne apni saas naaomi ka saath nahin chhoda.+
kai footnote
^ ya shaayad, “gattharon ke beech-beech mein been sakti hoon.”
^ ya shaayad, “gattharon ke beech-beech mein.”
^ kareeb 22 l. ati. kha14 dekhein.
