shreshtgeet 1:1-17
-
geeton mein sabse sundar geet (1)
-
javan ladki (2-7)
-
yarooshalem ki betiyaan (8)
-
raja (9-11)
-
‘hum tere liye sone ke gehne banvayenge’ (11)
-
-
javan ladki (12-14)
-
“mera saajan mahakte gandhras ki potli jaisa hai” (13)
-
-
charvaha (15)
-
‘meri sajni, tu khoobsoorat hai’
-
-
javan ladki (16, 17)
-
“mere saajan, tu bhi sundar hai” (16)
-
1 geeton mein sabse sundar geet, jise sulaiman ne likha.+
2 “apne honthon se mujhe choom le,kyonki tera pyar* daakh-madira se bhi achha hai.+
3 tere itra ki mahak kitni meethi lagti hai,+
tera naam khushboodar tel jaisa hai+ jo sir par undela gaya hai,
tabhi to ladkiyaan tujh par fida hain.
4 raja mujhe apne andarvale kamre mein le aaya hai!
mujhe yahaan se le jaa,* hum kahin door bhaag chaleinge,saath milkar khushiyaan manayenge,tere pyar* ki baatein kareinge,* woh pyar jo daakh-madira se bhi achha hai.
tabhi to woh* tujh par fida hain.
5 hey yarooshalem ki betiyon,main kedar ke tambuon+ ki tarah saanvli* hoon,par sulaiman ke tamboo ke kapde+ ki tarah saloni hoon.
6 mere saanvlepan ko yoon ghoor-ghoor ke na dekho,sooraj ne mujhe jhulsa diya hai.
darasal mere bhaai mujhse naaraz the,unhonne mujhe angooron ke baag ki rakhvali ka kaam diya tha,isliye main apne baag ka dhyan nahin rakh paayi.
7 o mere sanam, mujhe bata,tu apni bhed-bakriyaan kahaan charane jaata hai?+
bhari dopahri mein unhein kahaan bithata hai?
bata taaki main tere saathiyon ke jhund ke beech,maatam ka odhna pehne bhatakti na firoon.”
8 “ae ladkiyon mein sabse khoobsoorat ladki,tu use dhoondhna chahti hai to jaa,uske jhund ke pairon ke nishan ke peechhe-peechhe jaaaur charvahon ke tamboo ke paas apni nanhin bakriyaan chara.”
9 “ae meri jaan, teri taareef mein main kya kahoon!tu us* sundar ghodi jaisi hai, jo firaun ke rath ki shaan badhati hai.+
10 tere gaal gehnon mein* kitne sundar dikhte hainaur tera gala motiyon ki maala mein kya khoob lagta hai!
11 hum tere liye sone ke gehne,* chaandi se jade gehne banvayenge.”
12 “raja apni mez ke saamne baitha haiaur mere itra*+ ki khushboo mere sanam ko bula rahi hai.
13 mera saajan mahakte gandhras ki potli jaisa hai,+jo raat-bhar meri chhaati se lipti rehti hai.
14 mera saajan mere liye meinhadi ke guchhe jaisa hai,+engadi+ ke angooron ke baag mein lagi meinhadi jaisa.”
15 “o meri sajni, tu kitni khoobsoorat hai,teri khoobsoorti ka javab nahin!
faakhte jaisi teri aankhein kitni pyari hain.”+
16 “o mere saajan, tu bhi sundar* hai aur tera saath mujhe pyara lagta hai.+
dekh, ye hare-hare patte hamari sej hain,
17 sanovar ke ye ped hamare ghar* ki chhat hainaur devdar ke ped uski balliyaan hain.
kai footnote
^ ya “pyar jatana.”
^ shaa., “mujhe khinch le.”
^ ya “pyar jatane.”
^ ya “ki taareef kareinge.”
^ yaani ladkiyaan.
^ shaa., “kaali.”
^ ya “meri.”
^ ya shaayad, “laton ke beech.”
^ ya “ka taaj.”
^ shaa., “jatamaansi.”
^ ya “sajeela.”
^ ya “shaandar ghar.”
