shreshtgeet 4:1-16
4 “o meri sajni, tu kitni khoobsoorat hai,
teri khoobsoorti ka javab nahin!
ghoonghat se jhaankti teri aankhein faakhte jaisi hain.teri zulfein gilad ke pahadon se utarti bakriyon ke jhund jaisi hain.+
2 tere daant un ujli bhedon ke samaan hain,jinka oon abhi-abhi katra gaya haiaur jo nahakar paani se baahar aayi hain.sab-ke-sab seedh mein khade hain, harek ka jodeedar hai,unmein se koi bhi chhoota nahin hai.
3 tere honth surkh laal dhaage jaise hain,teri baatein man ko meethi lagti hain,
ghoonghat mein tere gaalon* ki chamak,anar ki faank jaisi hai.
4 teri gardan+ daavid ki sundar meenar jaisi hai,+jo pattharon ke radde lagakar khadi ki gayi hai,us par hazar dhaalein, haan, yoddhaon ki gol-gol dhaalein saji hain.+
5 tere stan hiran ke do bachchon jaise hain,haan, chikare ke judvaan bachchon jaise,+jo sosan* ke foolon ke beech charte hain.”
6 “isse pehale ki thandi-thandi hava behene lage aur chhaaya gaayab hone lage,main gandhras ke pahad ki or,loban ki pahadi ki or chali jaaungi.”+
7 “o meri sajni, tu sir se paanv tak khoobsoorat hai,+tujhmein koi dosh nahin.
8 aa meri dulhan, mere saath chal,hum labanon se kahin door chale jaayen.+
hum amana* ki choti se utaarkar,saneer se, haan, hermon ki unchai se+ utaarkar,sheron ki maand aur cheeton ke pahadon se door chale jaayen.
9 hey meri behen, meri dulhan, toone mera dil chura liya,+teri ek hi nazar ne is dil ko deevana bana diya.tere gale ke haar ki ek jhalak hi meri dhadkanein tez kar deti hai.
10 hey meri behen, meri dulhan, tera pyar* laajavab hai,+
tera pyar* daakh-madira se zyada chahne laayak hai,+tere itra ki mahak har kism ki khushboo se badhkar hai.+
11 hey meri dulhan, tere honthon se chhatte ka shehad tapakta hai,+teri jeebh ke neeche doodh aur shehad rehta hai.+
tere kapdon ki khushboo labanon ki khushboo jaisi hai.
12 meri behen ek band bagiya jaisi hai,meri dulhan, band bagiya aur dhake huye sote jaisi hai.
13 teri daaliyaan* anar ka baag hain,jahaan achhe-achhe fal lage hain,jahaan meinhadi aur jatamaansi ke paudhe,
14 haan, jatamaansi,+ kesar, vach,*+ daalcheeni,+loban ke alag-alag ped, gandhras, agar+aur badhiya kism ke khushboodar paudhe lage hain.
15 tu bagiya ka jharna hai, taaze paani ka kuaan hai,labanon se behnevali dhaara hai.+
16 hey uttar ki hava uth!
hey dakshin ki hava aa!
haule-haule meri bagiya se hokar jaaki iski mahak chaaron taraf fail jaaye.”
“mera saajan apni bagiya mein aayeaur badhiya-badhiya fal khaaye.”
kai footnote
^ ya “kanpatiyon.”
^ ya “lily.”
^ ya “poorvi labanon parvatmala.”
^ ya “pyar jatana.”
^ ya “pyar jatana.”
^ ya shaayad, “tvacha.”
^ ek khushboodar narkat.
