vyavasthavivran 16:1-22
16 tum aabib* maheene ko hamesha yaad rakhna aur us maheene apne parmeshvar yahova ke liye fasah manaya karna+ kyonki aabib maheene mein tumhara parmeshvar yahova tumhein raat ke vakt misra se baahar le aaya tha.+
2 tum apne bhed-bakriyon aur gaay-bailon ke jhund se+ apne parmeshvar yahova ke liye fasah ka balidan chadhana+ aur yah balidan tum us jagah chadhana jo yahova apne naam ki mahima ke liye chunega.+
3 tum bali ke gosht ke saath koi bhi khameeri cheez mat khaana.+ tum saat din tak dukh ki roti yaani bin-khameer ki roti khaana, theek jaise tumne us din khaayi thi jab tumne hadbadi mein misra desh chhoda tha.+ tum aisa isliye karna taaki tumhein saari zindagi woh din yaad rahe jab tum misra se baahar aaye the.+
4 saat din tak tumhare ilake mein kahin bhi khameera aata na paaya jaaye.+ aur pehale din ki shaam ko tum jo jaanvar bali karoge uska kuch bhi gosht raat-bhar, agli subah tak mat bachakar rakhna.+
5 tumhara parmeshvar yahova tumhein jo desh denevala hai, vahaan tumhein apni marzee se kisi bhi shehar mein fasah ki bali chadhane ki ijazat nahin hai.
6 iske bajay, tum yah bali usi jagah par chadhana jo tumhara parmeshvar yahova apne naam ki mahima ke liye chunega. tum fasah ka jaanvar shaam ko sooraj dhalte hi bali karna,+ jaise tumne misra chhodte vakt tay samay par bali kiya tha.
7 tumhara parmeshvar yahova jo jagah chunega+ vahin par tum iska gosht pakana aur khaana.+ fir subah tum apne-apne tamboo mein laut sakte ho.
8 tum chh: din bin-khameer ki rotiyaan khaana aur saatvein din tumhare parmeshvar yahova ke liye ek pavitra sabha hogi. us din tum koi kaam mat karna.+
9 jis din tum apne khet mein khadi fasal par pehali baar hansiya chalaoge, us din se tum saat hafte ginna.+
10 saat hafte beetne par tum apne parmeshvar yahova ke liye katai ka tyohar manana.+ tumhare parmeshvar yahova ne tumhein jitni aasheesh di hogi uske hisab se tum swechha-bali laakaar arpit karna.+
11 tum apne parmeshvar yahova ke saamne apne bete-betiyonn, daas-daasiyon, apne shehron ke* leviyon, tumhare beech rehnevale pardesiyon, anathon* aur vidhvaon ke saath us jagah khushiyaan manana jo tumhara parmeshvar yahova apne naam ki mahima ke liye chunega.+
12 mat bhoolna ki misra mein tum bhi gulam the+ aur tum in sabhi kaayde-kaanoonon ko maanna aur inke mutabik chalna.
13 jab tum apne khalihan se anaj ikattha karoge aur apne haud se tel aur daakh-madira jama karoge tab tum saat din ke liye chhapparon ka tyohar manana.+
14 is tyohar ke dauran tum khushiyaan manana.+ tum apne bete-betiyonn, daas-daasiyon aur un leviyon, pardesiyon, anathon aur vidhvaon ke saath khushiyaan manana jo tumhare shehron mein rehte hain.
15 tum saat din tak apne parmeshvar yahova ke liye us jagah tyohar manana+ jo yahova chunta hai kyonki tumhara parmeshvar yahova tumhari faslon par aur tumhare sabhi kaamon par aasheesh dega+ jisse tum zaroor khushiyaan manaoge.+
16 saal mein teen baar sabhi aadmi apne parmeshvar yahova ke saamne haazir hua karein. bin-khameer ki roti ke tyohar,+ katai ke tyohar+ aur chhapparon ke tyohar+ ke liye unhein us jagah haazir hona hai jo parmeshvar chunega. koi bhi aadmi yahova ke saamne khaali haath na aaye.
17 tumhare parmeshvar yahova ne tummein se harek ko jitni aasheesh di hogi us hisab se woh parmeshvar ke liye bheint lekar aaye.+
18 tumhara parmeshvar yahova tumhein jo desh denevala hai vahaan ke sabhi shehron mein* tum har gotra ke liye nyayi+ aur adhikari thehrana. unhein logon ke maamlon ka nyay sachchai se karna chahiye.
19 tum galat faisla sunakar anyay na karna,+ na kisi ka paksh lena+ aur na hi kisi se rishvat lena, kyonki rishvat ek buddhiman insan ko bhi andha kar sakti hai+ aur ek nek insan se bhi jhooth bulva sakti hai.
20 tum sirf aur sirf nyay karna+ taaki tum jeete raho aur us desh ko apne adhikar mein kar lo jo tumhara parmeshvar yahova tumhein denevala hai.
21 tum apne parmeshvar yahova ke liye jo vedi banaoge uske paas koi ped lagakar use pooja-laath* ki tarah mat poojna.+
22 tum apne liye koi pooja-stambh bhi na khada karna+ kyonki aisi cheez se tumhara parmeshvar yahova nafrat karta hai.
kai footnote
^ ya “jinke pita ki maut ho gayi hai.”
^ shaa., “faatkon ke andar.”
^ shaa., “faatkon ke andar.”
