vyavasthavivran 21:1-23
21 tumhara parmeshvar yahova jo desh tumhare adhikar mein karnevala hai, vahaan agar kahin maidan mein kisi aadmi ki laash milti hai aur koi nahin jaanta ki uska khoon kisne kiya hai,
2 to tumhare mukhiya aur nyayi+ us jagah jaayen aur vahaan se aas-paas ke shehron ki doori naapein.
3 fir jo shehar sabse nazdeek padta hai vahaan ke mukhiyaon ko ek aisi gaay leni chahiye jisse ab tak kaam nahin liya gaya hai aur jo juye mein nahin joti gayi hai.
4 mukhiya us gaay ko ek aisi ghaati mein le jaayen jahaan paani ki dhaara behti ho aur jahaan kabhi jutai-boaaee na ki gayi ho. aur woh vahin ghaati mein us gaay ka gala kaatkar use maar daalein.+
5 tab levi yaajak vahaan aayenge kyonki tumhare parmeshvar yahova ne unhein isliye chuna hai ki woh uski seva karein+ aur yahova ke naam se logon ko aasheervad deinge.+ woh batayenge ki khoon-kharabe ka har maamla kaise niptaya jaaye.+
6 fir us nazdeeki shehar ke sabhi mukhiya us gaay ke oopar apne haath dhoyen,+ jise ghaati mein gala kaatkar maar daala gaya hai
7 aur kahein, ‘na hamare haathon ne yah khoon bahaya hai aur na hi hamari aankhon ne yah khoon hote dekha hai.
8 isliye hey yahova, tu apne logon ko, israeliyon ko iske liye zimmedar mat thehra jinhein tu chhudakar laaya hai+ aur us begunah ke khoon ka dosh apne israeli logon se mita de.’+ tab us insan ke khoon ka dosh tum par nahin aayega.
9 is tarah tum us begunah ke khoon ka dosh apne beech se mita doge kyonki tumne vahi kiya hoga jo yahova ki nazar mein sahi hai.
10 jab tu kabhi apne dushmanon se yuddh karne jaaye aur tera parmeshvar yahova teri taraf se ladkar unhein hara de aur tu unhein bandi bana le+
11 tab agar tu un bandiyon mein se kisi khoobsoorat aurat ko dekhta hai aur woh tujhe bahot pasand aati hai aur tu use apni patni banana chahta hai,
12 to tu use apne ghar laa sakta hai. us aurat ko apna sir mundana chahiye, apne naakhoon kaatne chahiye
13 aur apni woh poshak badal leni chahiye jise pehne woh bandhuai mein aayi thi. woh tere ghar mein rahegi aur poore ek maheene tak apne maa-baap ke liye maatam manayegi.+ iske baad tu use apni patni bana sakta hai aur uske saath sambandh rakh sakta hai.
14 lekin baad mein agar tu usse khush na ho to tujhe chahiye ki tu us aurat ko bhej de,+ woh jahaan jaana chahe vahaan use jaane de. magar tujhe us aurat ko paise ke liye nahin bechnachahiye aur na hi uske saath badsalooki karni chahiye, kyonki toone use zabardasti patni banaya tha.
15 maan lo kisi aadmi ki do patniyaan hain aur woh ek ko doosre se zyada pyar karta hai.* donon patniyon se uske bete hote hain, magar pehalautha us patni ka hai jisse woh kam pyar karta hai.+
16 jab apne beton mein jaaydad baantne ka din aayega to use yah ijazat nahin ki woh apne pehalauthe ka yaani jis patni se woh kam pyar karta hai uske bete ka hak chheen le aur apni chaheti patni ke bete ko pehalauthe ka darja de de.
17 us aadmi ko usi patni ke bete ko apna pehalautha maanna hoga jisse woh kam pyar karta hai aur usi bete ko apni har cheez ka dugna hissa dena hoga, kyonki vahi beta uski shakti* ki pehali nishani hai. pehalauthe ke naate us bete ka jo hak hai woh usi ka rahega.+
18 agar kisi aadmi ka beta dheeth aur baagi hai aur apne maa-baap ka kehna nahin maanta+ aur uske maa-baap use sudhaarne ki bahot koshish karte hain, par woh unki ek nahin sunta+
19 to uske maa-baap ko use pakadkar apne shehar ke faatak par mukhiyaon ke paas laana chahiye
20 aur mukhiyaon ko yah batana chahiye, ‘hamara yah beta dheeth aur baagi hai, yah hamara kehna bilkul nahin maanta. yah petoo+ aur piyakkad hai.’+
21 tab shehar ke saare aadmi use pattharon se maar daalein. is tarah tum apne beech se burai mita dena. jab israel ke sabhi log is baare mein suneinge to woh dareinge.+
22 agar kisi aadmi ne aisa paap kiya hai jiski saza maut hai aur tum use maar daalne ke baad+ kaath par latka dete ho,+
23 to uski laash poori raat kaath par na latki rahe.+ iske bajay, jis din tum us aadmi ko maut ki saza dete ho usi din uski laash dafna dena, kyonki har woh insan jo kaath par latkaya jaata hai woh parmeshvar ki taraf se shaapit thaharta hai.+ tum apne desh ko dooshit mat karna jo tumhara parmeshvar yahova tumhein virasat mein denevala hai.+
kai footnote
^ shaa., “do patniyaan hain, ek se woh pyar karta hai aur doosri se nafrat.”
^ ya “santan paida karne ki shakti.”
