yahejkel 5:1-17
5 insan ke bete, tu ek tez dhaarvali talvar lena aur naai ke ustare ki tarah usse apne sir ke baal aur daadhi moondna. fir ek tarazoo lekar kate baalon ko taulna aur unhein teen hisson mein baantna.
2 jab nagri ki gherabandi ke din poore ho jaayen, to un baalon ka ek hissa tu nagri ke andar aag mein jala dega.+ doosra hissa lekar nagri ke chaaron taraf talvar se kaatega+ aur aakhir mein bacha teesra hissa hava mein uda dega. aur main ek talvar khinchkar unka peechha karoonga.+
3 tu teesre hisse mein se kuch baal alag lena aur apne choge ki tah mein lapetkar rakhna.
4 fir us hisse mein se kuch aur baal lekar unhein aag mein jhonk dena aur poori tarah jala dena. isi mein se aag israel ke poore gharane mein fail jaayegi.+
5 saare jahan ka maalik yahova kehta hai, ‘yah yarooshalem nagri hai. mainne ise raashtron ke beechon-beech kaayam kiya tha aur doosre desh iske aas-paas base hain.
6 magar isne mere nyay-siddhaanton aur meri vidhiyon ke khilaf jaakaar bagavat ki aur apne aas-paas ke raashtron aur deshon se bhi badhkar dusht kaam kiye.+ iske logon ne mere nyay-siddhaanton ko thukra diya aur woh meri vidhiyon par nahin chale.’
7 isliye saare jahan ka maalik yahova kehta hai, ‘tu apne aas-paas ke sab raashtron se bhi zyada museebat khadi karti thi. toone meri vidhiyon ko nahin maana aur na hi mere nyay-siddhaanton ka paalan kiya. iske bajay, toone apne aas-paas ke sabhi raashtron ke taur-tareeke apna liye.+
8 isliye saare jahan ka maalik yahova kehta hai, “hey nagri, dekh main tere khilaf hoon.+ main sab raashtron ke dekhte tujhe saza doonga.+
9 toone jitne bhi ghinaune kaam kiye hain, unki vajah se main tera itna bura hashra karoonga jitna na aaj tak mainne kiya hai aur na aage kabhi karoonga.+
10 tere beech pita apne beton ka maans khaa jaayenge+ aur bete apne pitaon ka maans khaa jaayenge. main tere logon ko saza doonga aur jo bach jaayenge unhein chaaron dishaon mein titar-bitar kar doonga.”’+
11 saare jahan ka maalik yahova ailan karta hai, ‘toone mere pavitra-sthan ko apni ghinauni moorton aur apne ghinaune kaamon se dooshit kar diya hai,+ isliye main apne jeevan ki shapath khaakaar kehta hoon, main bhi tujhe thukra* doonga. meri aankhein tujh par taras nahin khaayengi aur main tujh par bilkul daya nahin karoonga.+
12 tere ek-tihai log mahamari* se mar jaayenge ya akaal ki maar se mit jaayenge. aur ek-tihai log tere chaaron taraf talvar se maar daale jaayenge+ aur bache huye ek-tihai logon ko main chaaron dishaon mein titar-bitar kar doonga. fir main ek talvar khinchkar unka peechha karoonga.+
13 tab jaakaar mera gussa thanda hoga, mera krodh shaant hoga aur mujhe chain milega.+ jab main un par apna krodh prakat karke unhein saza doonga, to unhein maanna padega ki mujh yahova ne yah sab isliye kaha hai kyonki main maang karta hoon ki sirf aur sirf meri bhakti ki jaaye.+
14 main tujhe ujaad doonga aur tu aas-paas ke raashtron ke beech mazak bankar reh jaayegi aur tere paas se guzarnevala har koi tujhe dekhkar teri khilli udayega.+
15 jab main gusse aur krodh mein aakaar tera nyay karoonga aur tujhe kadi-se-kadi saza doonga to teri haalaat dekhkar aas-paas ke sabhi raashtra teri hansi udayenge aur tujhe neechi nazron se dekheinge.+ tu unke liye ek sabak ban jaayegi aur teri barbadi dekhkar woh behad dar jaayenge. mujh yahova ne yah baat kahi hai.
16 main un par akaal ke ghaatak teer chhodoonga taaki woh naash ho jaayen. ye teer jo main tujh par chhodoonga, tujhe naash kar deinge.+ main khaane ki aisi tangi faila doonga* ki akaal ka kehar aur bhi badh jaayega.+
17 main tere beech akaal aur khoonkhar jangli jaanvar bhejoonga+ aur ye tere bachchon ko tujhse chheen leinge. mahamari aur khoon-kharabe se tera haal behal ho jaayega aur main tujh par ek talvar chalaunga.+ mujh yahova ne yah baat kahi hai.’”
kai footnote
^ ya “ghata.”
^ ya “beemari.”
^ shaa., “tumhari roti ke chhad tod doonga.” shaayad yahaan roti latkanevale chhadon ki baat ki gayi hai.
