yahejkel 9:1-11
9 fir usne zor se aavaz lagayi aur mere sunte huye kaha, “un aadmiyon ko bulao jo is shehar ko saza deinge. har aadmi apne haath mein naash karne ka hathiyar lekar aaye!”
2 mainne dekha ki uttar ke oopri darvaze ki taraf se chhe: aadmi chale aa rahe hain.+ har aadmi ke haath mein choor-choor karnevala ek hathiyar tha. un chhe: aadmiyon ke beech ek aur aadmi tha jo malmal ki poshak pehne aur kamar par lipik ki kalam-davaat* baandhe huye tha. ye saare aadmi mandir mein aaye aur tambe ki vedi+ ke paas khade ho gaye.
3 tab israel ke parmeshvar ki mahima,+ jo ab tak karoobon ke oopar chhaayi hui thi, vahaan se hatkar bhavan ke darvaze ki dehleez par aa gayi.+ fir parmeshvar ne us aadmi ko aavaz di jo malmal ki poshak pehne aur kamar par lipik ki kalam-davaat baandhe huye tha.
4 yahova ne usse kaha, “tu poore yarooshalem ka daura kar aur un sabhi ke maathe par ek nishan laga jo shehar mein honevale ghinaune kaamon+ ki vajah se aahein bharte aur karahte hain.”+
5 fir usne baaki chhe: aadmiyon se mere sunte kaha, “tum log is aadmi ke peechhe-peechhe poore shehar mein jaao aur logon ko maar daalo. tumhari aankhein un par taras na khaayen, na hi tum bilkul daya karna.+
6 boodhe, javan, chhote-chhote bachche, kunvari ladkiyaan, aurtein, sabko maar daalna, kisi ko bhi mat chhodna.+ magar tum aise kisi bhi aadmi ke paas mat jaana jiske maathe par nishan laga ho.+ tum yah kaam mere pavitra-sthan se shuroo karna.”+ tab un aadmiyon ne sabse pehale un mukhiyaon ko maar daala jo bhavan ke saamne maujood the.+
7 fir usne un aadmiyon se kaha, “is bhavan ko dooshit kar do aur iske aanganon ko maare gaye logon ki laashon se bhar do.+ jaao, jaakaar logon ko maar daalo!” tab woh vahaan se gaye aur unhonne shehar ke logon ko maar daala.
8 jab woh logon ko maar rahe the, to main akela bach gaya. main munh ke bal gira aur chillane laga, “haay! ye kaisi barbadi! hey saare jahan ke maalik yahova, kya tu isi tarah yarooshalem par apne krodh ka pyala undelta rahega? kya tu israel mein bache logon mein se kisi ko bhi zinda nahin chhodega?”+
9 tab usne mujhse kaha, “israel aur yahooda ke gharane ne gunah karne mein saari hadein paar kar di hain.+ poora desh khoon-kharabe se bhar gaya hai+ aur shehar mein har kahin bhrashtachar-hi-bhrashtachar hai,+ kyonki woh kehte hain, ‘yahova ne is desh ko chhod diya hai, yahova hamein nahin dekh raha.’+
10 meri aankhein un par taras nahin khaayengi, main un par bilkul daya nahin karoonga.+ main unke chaalchalan ke mutabik unhein fal doonga.”
11 fir mainne us aadmi ko dekha jo malmal ki poshak pehne aur kamar par kalam-davaat baandhe huye tha. woh vaapas aaya aur usne kaha, “toone mujhe jaisi aagya di thi, mainne bilkul vaisa hi kiya.”
kai footnote
^ ya “shaastri ki davaat.”
