yahoshoo 14:1-15
14 ab yaajak eliazar, noon ke bete yahoshoo aur israel gotra ke kulon ke mukhiyaon ne israeliyon ko kanaan desh mein unke hisse ki zameen di taaki yah unki virasat ban jaaye.+
2 yah zameen chitthiyaan daalkar saadhe nau gotron mein baant di gayi,+ theek jaisa yahova ne moosa ko aagya di thi.+
3 moosa ne baaki dhaai gotron ko yardan ke us paar* unke hisse ki zameen de di thi,+ magar usne leviyon ko gotron ke beech virasat ki koi zameen nahin di.+
4 yoosuf ke vanshajon ko do gotra maana jaata tha,+ ek manashshe aur doosra epraim.+ leviyon ko zameen ka koi hissa nahin diya gaya, sirf rehne ke liye shehar diye gaye+ aur unke maveshiyon ke liye charagah diye gaye.+
5 is tarah israeliyon ne zameen ko alag-alag hisson mein baanta jaisa yahova ne moosa ko aagya di thi.
6 fir yahooda ke aadmi gilgal mein yahoshoo ke paas aaye+ aur kanijji yapunne ke bete kaaleb+ ne yahoshoo se kaha, “tu achhi tarah jaanta hai ki yahova ne kaadesh-barne+ mein sachche parmeshvar ke sevak moosa+ se tere aur mere baare mein kya kaha tha.+
7 main 40 saal ka tha jab yahova ke sevak moosa ne mujhe kaadesh-barne se is desh ki jaasoosi karne bheja+ aur mainne lautkar desh ke baare mein sahi-sahi khabar di.+
8 haalanki mere saath gaye bhaaiyon ne apni khabar se logon ke dilon mein khauf bitha diya aur unke hausle past kar diye, magar mainne poore dil se apne parmeshvar yahova ki baat maani.+
9 us vakt moosa ne mujhse shapath khaakaar kaha tha, ‘jis zameen par toone kadam rakha hai, woh tere aur tere beton ke liye hamesha ki virasat ban jaayegi kyonki toone poore dil se mere parmeshvar yahova ki baat maani.’+
10 jab israeli veerane mein bhatak rahe the+ tab se lekar aaj tak, in 45 saalon mein yahova ne mujhe sambhaale rakha,+ theek jaise yahova ne mere baare mein moosa se vaada kiya tha.+ dekh, ab main 85 saal ka ho chala hoon.
11 aaj bhi mujhmein vahi damkham hai jo us vakt tha jab moosa ne mujhe bheja tha. ab bhi mujhmein itni taakat hai ki main yuddh kar sakta hoon aur kai doosre kaam kar sakta hoon.
12 isliye mujhe woh pahadi pradesh de de jise dene ka vaada yahova ne mujhse us din kiya tha. haalanki us din toone suna tha ki anaki log vahaan kileband shehron mein rehte hain,+ magar yahova mere saath hai+ aur main unhein khaded doonga, jaisa yahova ne vaada kiya tha.”+
13 tab yahoshoo ne yapunne ke bete kaaleb ko aasheervad diya aur use hebron diya taaki yah uski virasat thahre.+
14 isliye hebron aaj tak kanijji yapunne ke bete kaaleb ki virasat hai kyonki usne poore dil se israel ke parmeshvar yahova ki baat maani.+
15 hebron ka naam pehale kiryat-arba tha+ (arba, anaki logon mein bahot bada aadmi tha). iske baad yuddh khatm ho gaya aur desh mein shaanti bani rahi.+
kai footnote
^ yaani poorab mein.
