yahoshoo 3:1-17
-
israel ne yardan paar ki (1-17)
3 fir yahoshoo subah-subah utha aur sab israeliyon ko lekar shitteem se ravana hua+ aur yardan ke paas pahuncha. nadi paar karne se pehale unhonne vahin raat guzari.
2 teen din baad unke adhikariyon+ ne poori chhaavni mein jaakaar
3 logon ko aagya di, “jaise hi tum dekho ki tumhare parmeshvar yahova ke karar ka sandook levi gotra ke yaajkon ne utha liya hai,+ to tum apni-apni jagah se nikaal padna aur sandook ke peechhe-peechhe jaana
4 taaki tumhein pata ho ki tumhein kis raaste jaana hai kyonki yah raasta tumhare liye naya hai. tum sandook se kareeb 2,000 haath* ki doori rakhna, usse nazdeek na jaana.”
5 yahoshoo ne logon se kaha, “taiyar ho jaao*+ kyonki kal yahova tumhare saamne adbhut kaam karega.”+
6 fir yahoshoo ne yaajkon se kaha, “karar ka sandook uthao+ aur logon ke aage-aage chalo.” unhonne karar ka sandook uthaya aur logon ke aage-aage chalne lage.
7 yahova ne yahoshoo se kaha, “aaj se main tujhe sab israeliyon ki nazron mein uncha uthaunga+ taaki woh jaan lein ki main tere saath hoon,+ theek jaise main moosa ke saath tha.+
8 tu karar ka sandook uthanevale yaajkon ko yah aagya de, ‘jab tum yardan kinare pahuncho tab usmein pair rakhna aur vahin khade rehna.’”+
9 yahoshoo ne israeliyon se kaha, “aao aur suno ki tumhare parmeshvar yahova ne kya kaha hai.”
10 fir usne kaha, “isse tum jaan jaaoge ki jeevit parmeshvar tumhare beech hai+ aur woh tumhare saamne se kanaaniyon, hittiyon, hivviyon, parijjiyon, girgashiyon, emoriyon aur yaboosiyon ko zaroor khaded dega.+
11 dekho! poori dharti ke maalik ke karar ka sandook tumhare aage-aage yardan mein jaa raha hai.
12 ab israel ke gotron mein se 12 aadmiyon ko chuno, har gotra mein se ek aadmi.+
13 poori dharti ke maalik yahova ka sandook uthanevale yaajak jaise hi yardan mein pair rakheinge, to jo paani behkar neeche aa raha hai, woh vahin ruk jaayega aur deevar* ki tarah khada ho jaayega.”+
14 isliye jab logon ne yardan paar karne ke liye apna tamboo uthaya, to karar ka sandook uthanevale yaajak+ logon ke aage-aage gaye.
15 jaise hi sandook uthanevale yaajak yardan ke kinare pahunche aur unke pair paani mein pade (katni ke is samay yardan mein itna paani bhar jaata tha ki woh tat ke oopar behene lagta tha)+
16 to jo paani behkar neeche aa raha tha, woh vahin ruk gaya. yah paani door aadam naam ke shehar mein (jo saartan ke paas tha) deevar* ki tarah khada ho gaya, jabki usse aage ka paani arba ke saagar ya lavan saagar* mein bah gaya. is tarah nadi ka behena band ho gaya aur log nadi paar karke yareeho ke paas pahunch gaye.
17 jab saare israeli nadi paar kar rahe the, tab yahova ke karar ka sandook uthanevale yaajak nadi ke beechon-beech sookhi zameen par khade the.+ aur woh tab tak khade rahe jab tak ki poore raashtra ne yardan ko paar na kar liya.+
kai footnote
^ kareeb 890 mi. (2,920 fut). ati. kha14 dekhein.
^ ya “khud ko pavitra karo.”
^ ya “baandh.”
^ ya “baandh.”
^ yaani mrit saagar.