yashayah 17:1-14
17 damishk ke khilaf yah sandesh sunaya gaya:+
“dekho, damishk shehar mit jaayega,malbe ka dher ban jaayega.+
2 aroer+ ke shehar sunsan ho jaayenge,vahaan sirf bhed-bakriyaan nazar aayengiaur unhein koi nahin darayega.
3 epraim ke kileband shehar mit jaayenge,+damishk ka raajya khaak ho jaayega.+seeriya ke bache huon ki shaan aise gaayab ho jaayegi,jaise israeliyon ki gaayab hui thi.” yah ailan senaon ke parmeshvar yahova ne kiya hai.
4 “us din yakub ki shaan ghat jaayegi,uska hatta-katta* shareer dubla ho jaayega.
5 woh rapai ghaati+ ke us khet jaisa dikhega,jiski katai ho chuki hai,jahaan beenne ke liye kuch hi baalein reh gayi hain.
6 woh jaitoon ke ped jaisa dikhega jise jhaad diya gaya hai,jis par thode hi fal bache hain,bas do-teen pake jaitoon sabse unchi daali par hain,sirf chaar-paanch fal daaliyon par latke hain.”+ yah ailan israel ke parmeshvar yahova ne kiya hai.
7 us din insan apne bananevale ki or taakega aur uski aankhein israel ke pavitra parmeshvar ki taraf lagi raheingi.
8 woh apni banayi vediyon ki or nahin dekhega,+ na un pooja-laathon* ya dhoop-stambhon ki or dekhega jinhein usne apne haath se banaya tha.
9 us din uske kileband shehron ka haal,jangal ki us basti jaisa ho jaayega jo veeran ho gayi hai,+us tahni jaisa ho jaayega, jise israeliyon ke aage feink diya gaya ho.sab veeran ho jaayega.
10 tu* apne uddharkarta, apne parmeshvar ko bhool gayi hai,+toone apni chattan+ ko, apne gadh ko yaad nahin rakha,
isliye tu ped-paudhon ke sundar-sundar* baag lagati haiaur unmein paraye* ki tahniyaan ropti hai.
11 chahe tu us din saavdhani se baag ke chaaron taraf baada baandheaur subah hi beejon se ankur fut niklein,tab bhi teri beemari aur dard ke din teri fasal tere haath se nikaal jaayegi.+
12 sun! desh-desh ke logon ka hohalla sunayi de raha hai,toofani samundar ki tarah woh haahakar macha rahe hain,
raashtron ka kolahal sunayi pad raha hai,maano unchi-unchi lehrein garaj rahi hon.
13 ye raashtra aise garjeinge maano samundar garaj raha ho.
woh unhein fatkaarega aur woh aise door bhaag jaayenge,jaise tez hava pahad se bhoosa uda le jaati hai,jaise aandhi ukhdi hui kanteeli jhaadi uda le jaati hai.
14 shaam ko aatank chhaa jaayega,subah hote-hote koi nahin bachega,
jo hamein lootte hain, unke hisse mein yahi aayega,jo hamein ujadte hain, unko yahi bhaag milega.
